Lukə 6:25 - Yálá laawoo hɛɓɛ (dc)

²⁵ «Kpalo ɓɛlaai kaa, kaa yii ka mąąkpaan gbɛɛ hɛn gəlee kaa ka yəi yiihu; mąąhɔlɔɓo, pulu kaa pai tinąą tooi kaa! «Kpalo ɓɛlaa kaa, kaa yii ka káá yɛ́lɛ́i yiihu, mąąhɔlɔɓo, ka káá tinąą pai mąąwɛli hee ɓoi.

Yálá laawoo hɛɓɛ

²⁵ «Kpalo ɓɛlaai kaa, kaa yii ka mąąkpaan gbɛɛ hɛn gəlee kaa ka yəi yiihu; mąąhɔlɔɓo, pulu kaa pai tinąą tooi kaa! «Kpalo ɓɛlaa kaa, kaa yii ka káá yɛ́lɛ́i yiihu, mąąhɔlɔɓo, ka káá tinąą pai mąąwɛli hee ɓoi.

Bible

²⁵ Kpalo ƃélaâi kâa, káai kápelaâi loníi mai, kpɛ́ni fêi, puru a pâi kákɛ̂i. Kpalo ƃélaâi kâa, káai ɣɛ́lɛ̂i loníi mai, kpɛ́ni fêi, ka pâi gbeɣêi toôi, ka wɔlɔ.

Lukə 6:25 Referans Kwoze

Azaya 65:13

Yili mąą mɛ̨nį ɓa, Yai-Laa Nąmu woo ka: Nuąi da tí mą́ą́, di kaa pai ɉɔlɔɓoi, diɛ mįi, ɛlɛɛ ka wɛi, kaa mɔ̨nɔ̨ mįi pulu yəi. Nwɔ́ tínuąi diɛ di kpələ, ka wɛi, kpələ wɛli yɛ ka mɔ̨nɔ̨ ɓo, nuąi da tí mą́ą́, di kaa pai kɛi kwəinɛ̨ɛ̨ hu, ka wɛi, nwumɛ̨ yɛ ka ɲɛ̨i paa.

Zĩi 4:9

'Ká ká wɔɔ mąąwɛli laa hu kɔlɔn, ká mąą wɛli hee ɓo, 'ká wɔlɔ, 'ká ká wɔɔ yɛlɛ mąą pənə a haa wɔlɔ, ɛlɛɛ, 'ká ká wɔɔ kwəinɛ̨ɛ̨ mąą pənə a nwumɛ̨.

Hanwon 14:13

Ə mą kɛ nu kaa yɛ́lɛ́i, líihɛlɛn hva kpɛɛ mą, ɛlɛɛ, kwəinɛ̨ɛ̨ laa yɛ kulɔ a mɔ̨nɔ̨.

M̀ɛni-lɛɛi 3:17

Gbala ə tɔɔ, yá kɛ kɛi diɛ: ‹Hɛn gɔw kaa ɲə́i, mą́ą́ kpaan və hɛn da ɓa›, ɛlɛɛ, ə́ kili hvo ɉu, yɛ́ kɛ, ə́ hvɛɠɛɛi, ə́ mąąwɛliɛ, ə́ yee ɲą kpɛɛ, ə́ ɲɛ̨i puɔ, ɛlɛɛ, yɛ́ ɓo a ə́ kpuwulu,

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Ifisiɛŋ 5:4

Mąą hvo kpɛli nɛ̨ɛ̨li, lono ɲɔ̨nwɔ̨ɔ̨ɠaa, kili kpɛɛ gwəi lonoɠaa di hvo kɛ ká la, yili hva ká mąą hon; káámun, ká yee ə kɛ lɔ, Yálá hɛɠɛɛɓo mɛ̨nį hu.

Lukə 13:28

«Ɓɛlɔwai ka káá pai Abrahamə, Isaakə, Ɉakɔbə da Yálá kwəi mɛ̨nį hukulɔ nuą kaai la Yálá-taa tɔɔlaa hu, kaa ŋɛ̨i kaa ɓo ɲɛnɛ̨ɛ̨ pələ, nąąlɔwai ɓə ka káá pai wɔlɔi la, kaa ka ɲįn ɲą mį́į́.

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»

Lukə 8:53

Nuą tii kəlee di kɛi yɛlɛ Jesus ɓa, mąąhɔlɔɓo, di laaikɛ na diɛ nokoloi aa haa.

Nahumə 1:10

Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Amɔsə 8:10

Ŋą́ ka wɔ hɛliɠaai kəlee mąą pənə a mąąwɛli hee ɓoɔ Ŋą́ ka wɔ wələɠaai mąąhvalin a wɔlɔ woo. Nu kəlee da mąąwɛli həɠə too di kwąną yɛ da haa too nu ɓa. Nu kəlee da di nwun gbəlaan mo, yɛ nu lon gɔw tɔ̨nɔ̨ a haa. Mɛ̨nįɠaa tii kəlee ŋąą a kpɛɛ a nwanąą.

Azaya 28:7

Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Azaya 9:20

Manase a wolo Ɛfraimə ɓa, Ɛfraimə ə wolo Manase ɓa, ɉuwu hee hveelɛi tii da di muhəɠə di wolo Ɉuda ɓa, Kɛlaa ə mą kɛ tii, Yálá nwɔ liiɲąnwąną hvo pai kpɛla li bələi, gaa lɔ pai kɛi ni a ɲee haŋąą di pɔ, yɛ haŋą diɛ.

Azaya 8:21

Di kaa pai nɔi hu ɓɔi, mɔ̨nɔ̨ həɛ di mɛ̨i, pulu ə ɓo diɛ, pulu a di lii yali di kwəi, diɛ di wɔ tɔɔmun da di wɔ Yálái nɛ̨ŋɛ̨n naa; di kaa pai di ɲɛ̨i heei yələi pələ;

Ikilisiati 7:6

Mąąhɔlɔɓo, bələi lɔ ɲąąlən gwɛi a pola ləɠi mu, bələ lɔ ɓə kilikpɛɛgwəi mun a hvaa la mɛ̨lɛ̨-mɛ̨lɛ̨, nwun və mą.

Ikilisiati 7:3

Mɔ̨nɔ̨ mįiɛ hviɛlaɓoɔi yɛlɛ kɛɛ ɓa. Mąąhɔlɔɓo mɔ̨nɔ̨ a nu ɲɛ̨ilai ɲɔ̨n, Kɛlaa, a nu kili ta kɛ mą.

Ikilisiati 2:2

Ŋą́ yɛlɛ kaa a ɓowo, ŋą́ kwəinɛ̨ɛ̨ kaa yɛ hupu mąą mɛ̨nį, yii hva hɛn da tɛɛ nu pɔ.

Hanwon 30:9

Hvó gaai, ŋą́ pilɛ hɛn gɔw hu kɛnɛ̨, və́ lənə Yɛ́, gɛ́ kɛ mą: «Gbɛɛ ɓaa Yai-Laa?» A wala kɛ tii, ɲéé la a tee, və́ pa nwuɔ̨ kɛ, və́ ɓɛlɛkpɛɛ nwɔ́ Yálá ə́ laa ɓa.

Mąątɛ̨nɛ̨ 49:19

Ɓɛlɔwai ə kɛ la vúlu kɔwɔ ɲą, ə kɛi gbɔwɔ nwɔ luwu pu, yɛ kɛ mą: «Di kaa di yee lɔwai yɛ́, hvó gaai, ə́ kɛ mɛ̨nį kəlee hu kaa nɛ̨ɛ̨i yɛ́!»

Samuɛlə dɔlɔɔ 2:5

Nuąi kɛi kɔ̨nɔ̨n ɉu kala, di kaa kóló kwɛlii kɔ̨nɔ̨n ɉɔlɔɓo mɛ̨nį ɓa. Nuąi kɛi pulu həɠə, diɛ di hvįitɔɔ. Ɛlɛɛ kpomąnɛ̨ą aa lon gaa mɛ̨ihveelɛ. Ɛlɛɛ, lon gaa nɛ̨ɛ̨nu kwəi aa haa.

Lukə 6:24

«Kɛlɛɛ, kpalo ɓɛlaai kaa, kaa yii ka káá a hɛn gɔw nąmįną, mąąhɔlɔɓo, hɛn gəlee kaa ka yəi, ka hvo kɛa tinąą pai mɛ̨inɛ̨ɛ̨ takpɛli hɔlɔɓoi.

Lukə 6:26

«Kpalo ɓɛlaai kaa, kaa yiiɠaai nuą kəlee da kɛ ka mąątɛ̨nɛ̨i, pələ kpɔlɔɔ ɓə di kalaɓɔlɔni di kɛi lɛɛ loloɓo nuą mąątɛ̨nɛ̨ la.»