Lukə 6:22 - Yálá laawoo hɛɓɛ (dc)

²² «Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Yálá laawoo hɛɓɛ

²² «Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Bible

²² “Lûwa káa kâa tãi ǹûai da pâi kákpɔarâi la, dí ka-kula dísamai, díkɛ lii-ŋwana woo-ŋa ƃo kâa, dí kálaa ƃo a nyɔ́mɔɔ núu-kpune Ǹóŋ maa-mɛni mai!

Lukə 6:22 Referans Kwoze

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Piɛrə dɔlɔɔ 3:14

Akɛmun, káá kɛli mɔ̨nɔ̨ mįi tələnmolaa mąą mɛ̨nį ɓa, ká nwun na nɛ̨ɛ̨i. 'Ká hvo ɲɔw nui lɔpee ta ɓa, 'ká mąą hvo kpɛlin.

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Ɉaan 12:42

Ə mą kɛ tii, ɲɛ̨i tɔwɔ nuą lɔwai, damąą di laa Jesus la. Kɛlaa, di hvo kɛ bɔ di hvo di kpɔwɔ lɛ, ə gɛ, di hvo pa di kpɛ Yálá hvɛli pɛlɛ́ mu, mąąhɔlɔɓo, di kɛi ɲɔ̨w Farisiɛ̨ɠaa diɛ.

Azaya 65:5

Diɛ kɛ diɛ: «Ə́ kili kɛ ə́ kpɔwɔ hu, hvo lɛɠɛ mą́ą́, və́ nəi pa ə́ kɛ a mąąhəɠəmun.» Dúwɔ taaleei tii a níí holi, nulu yɛ tɛ ɲɛ̨́i, ə ɓo yɛ nwɔ̨n a túwɔ́ lən ɉii.

Gɛlaɠaa 24:5

Kwaa gaa kuɔ ɉulɔnui ŋɛ̨i kaa a lɔi kala ɲɔ̨n gbɔkpɔɔ, Ɉuifəɠaai kpɔ yɛnɛ̨ɛ̨ nąą kəlee a di ɲąą hee di kee ɓa. Nuąi da kɛ diɛ: Nazarɛtə lɛɛ kalan gɛ nuą, di nwun nąmu ta li.

Gɛlaɠaa 9:16

Mɔ̨nɔ̨i gaa pai mįi náá mą́ą́ mɛ̨nį hu, ɲą́ą́ gbínįlee gáá pai yili kəlee lɛi mą.»

Ɉaan 17:14

Ŋą́ Ə́ laawoo lɛ diɛ, di wɛli a kpɛɛ yɛnɛ̨ɛ̨ ɓa, mąąhɔlɔɓo, di hvo ɓaa a yɛnɛ̨ɛ̨ nwɔɔ, yɛ bələi ɲą́ą́ və́ la a yɛnɛ̨ɛ̨ nwɔɔ.

Lukə 21:17

Ka wɛli kaa pai kpɛɛi nu kəlee ɓa, náá mąą mɛ̨nį ɓa.

Maafîu 10:39

Nui a nɔw mąą liihɛlɛn ɉee, a hvɛɠɛla. Nui a mą́ą́ mɛ̨nį niihɛlɛn ɉee ə tɛɛ gbɔwɔ nɔw ɓa, a lɛɛ a vulú.»

Gɛlaɠaa 22:22

Ɉuifəɠaa wəli tɔɔ kɛ Polə woo ɓa, ə lɛɛ ɉu, ə həli nwooɠaa tii ɓa, nuąi kɛli nwoo mɛ̨n di tómą, diɛ kɛ: Nu ɲɔ̨nwɔ̨mą taaləi ŋɛ̨i, mąąnɛ̨ɛ̨ ə həɠə lɔi mɛ̨i, mąą hvo nɛ̨ɛ̨li hvo lɛɛ yɛnɛ̨ɛ̨.

Ɉaan 9:34

Diɛ mą: «Yɛ́i di ə́ kaa, ə́ ɓo a nɛ̨ŋɛ̨n dee teei, yɛ́ ɓə yɛ́ ə́ ku kalan?» Di di yee hee mą, di bili ɲɛnɛ̨ɛ̨ pələ.

Lukə 20:15

Di ɉon di kulɔ la ɲɛa pulu, di baa.» Jesus yɛ diɛ: «Viɲə nąmu a pa, lə ɓə a gɛ a nuą tii?

Maafîu 10:18

Di kaa pai lii a kaa lɔi nąmįną lííla, ə mą kɛ tɔɔ ɓɛlaa lííla, mą́ą́ mɛ̨nį ɓa. Ə gɛ, ka mą́ą́ kɛla hvaa ɓo di ɲɛ̨i ɓa, da nuąi di hvo Yálá kɔ́lɔn.

Lukə 6:21

«Nwun na nɛ̨ɛ̨ nuą ɓaa a kaa ŋɛ̨i pulu kaa kaa yiihu, mąąhɔlɔɓo, ka káá pai kɔ̨nɔ̨n gɛnɛ̨ hɔlɔɓoi. «Nwun na nɛ̨ɛ̨ nuą ɓaa a kaa yiiɠaai ka káá wɔlɔi yiihu, mąąhɔlɔɓo, ka káá pai yɛ́lɛ́i.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.