Lukə 6:20 - Yálá laawoo hɛɓɛ (dc)

²⁰ Jesus ə ɲɛ̨i hee nwɔ kalan nɛai diɛ, yɛ diɛ: «Nwun na nɛ̨ɛ̨ nuą ɓaa a kaa, kaa ŋɛ̨i a mąąwɛli nuą, mąąhɔlɔɓo, Yálá-taa tɔɔlaa kaa a ka wɔɔ.

Yálá laawoo hɛɓɛ

²⁰ Jesus ə ɲɛ̨i hee nwɔ kalan nɛai diɛ, yɛ diɛ: «Nwun na nɛ̨ɛ̨ nuą ɓaa a kaa, kaa ŋɛ̨i a mąąwɛli nuą, mąąhɔlɔɓo, Yálá-taa tɔɔlaa kaa a ka wɔɔ.

Bible

²⁰ Nya ƃe, e ŋɛi tɛ̀ ɣelêi e bîlaŋ ŋɔpôlu-ƃelai dîa, ǹyɛɛ, “Lûwa káa kâa kôlo-ƃela, kpɛ́ni fêi, Ɣâla ŋɔkâloŋ-laai káa a kápɔɔ.

Lukə 6:20 Referans Kwoze

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Korɛntə veelɛ 8:9

Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Sofoni 3:12

Gáá pai ɲéé kanąn ɉii nu huwu logolo tiikpə ɓa, ə́ wɔ lɔi hu. A nuąi di kaa a yeehvowolo nuą, di ɓɛlɛɛ, Yai-Laa laa hu ɓə di kaa pai kɛi di mąą kilɛi laa.

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Tɛsalonikə veelɛ 1:5

Di kaa a Yálá ŋą kiti haŋąąi hu mɛ̨nįɠaa, ɉəli mɛ̨nį káá, nwu maa, di ká kɛ a nuąi di mąąnɛ̨ɛ̨ a Yálá ŋą tɔɔlaa hu nuą, yai ká káá mąą mɔ̨nɔ̨ mįi.

Tɛsalonikə dɔlɔɔ 1:6

Ɛlɛɛ, káán, ká ku pɔɔ kɔɔn, kuɔ kwa gu Nąmu ni; káá ká yee hee Yálá laa woo mu, mɔ̨nɔ̨ tamąą hu, a kwəinɛ̨ɛ̨i a həɠə Kili-Mąąhəɠɛɛ yəi.

Korɛntə veelɛ 8:2

Mɔ̨nɔ̨ huwu tamąą ə laa diɛ, kɛlaa di kwəinɛ̨ɛ̨ pələ kɛnɛ̨, di mɛ̨inɛ̨ɛ̨ kpɛa-kpɛaa kɛ, bələi mąn ti di kɛ la yeehvowolo laa hu.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Lukə 14:15

Yii kɛa Jesus ə kpɛɛ a nwooɠaa tii ɓoɔ, nuąi da diɛni di kɛi kɔ̨nɔ̨n mį́į́ gee ɓa, dɔ̨nɔ̨ ə mo yɛ mą: «Nui pai ɉeei hɔlɔɓo Yálá-taa tɔɔlaa kɔ̨nɔ̨n ma, nwun na nɛ̨ɛ̨i.»

Lukə 13:28

«Ɓɛlɔwai ka káá pai Abrahamə, Isaakə, Ɉakɔbə da Yálá kwəi mɛ̨nį hukulɔ nuą kaai la Yálá-taa tɔɔlaa hu, kaa ŋɛ̨i kaa ɓo ɲɛnɛ̨ɛ̨ pələ, nąąlɔwai ɓə ka káá pai wɔlɔi la, kaa ka ɲįn ɲą mį́į́.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Zakari 11:11

Di gala a mąą yələ, daatɛlɛɛ lɔwɔ́tɔɔ nuą ɲɛ̨i heɛ lɔ kɛ mą́ą́, di gbaɠala kaa diɛ kɛ, Yai-Laa woo pɔ mɛ̨nį ka tii kɛi.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Hanwon 19:1

Nu kɛɛ a yeehvowolomun, ə́ tələnmoɔ, viɛlaɓoɔi ə tɛɛ nu kɛɛ a kilikpɛɛgwəi mun, yɛ́ lɛɛ kɛ, ɓa.

Hanwon 16:19

Ka kpɔwɔ mąą yɛɛ nuą ka kɛɛ ka kee ɓa, hviɛlaɓoɔi ə tɛɛ ka kpɔwɔ ɲąą kɛnɛ̨ nuą ka kɛɛ hɛn gɔw ɲąąkwɛlɛi ɓa.

Samuɛlə dɔlɔɔ 2:8

A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.

Lukə 16:25

«Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́.

Mąątɛ̨nɛ̨ 37:16

Ɉɛn goloi tələnmomun ɲəi, vialaɓɔɔ tɛɛ nɛ̨ŋɛ̨n ɉəɠə nuą du wɔ hɛn gɔwi ɓa.

Maafîu 5:1

Yii kɛa Jesus ə nu kpulu kɛnɛ̨i tii kaa, ə tɛ ə hee ɲee tona, nwɔ kalan nɛai di lɛɠɛ mą.