Lukə 5:14 - Yálá laawoo hɛɓɛ (dc)

¹⁴ Jesus ə mo mą, yɛ mą: «Hvo mɛ̨nįi ŋɛ̨i hukulɔ nui lɔpee ta ɓa, pələi ŋɛ̨i yaa kɛ la, li ə́ ə́ kpɔɔ lɛ ɉala laa həli mun gɛnɛ̨ ɓa, yili pulu, ɉaláá yii Moisə ə vaaɓo, yɛ hvólóɲɔ̨n gɛ mun gɔlɔi a pono ə gulɔ, ə́ yili kulɔ, əgɛ, nuą di gɔlɔn diɛ ə́ kɔ́lɔi aa pono.»

Yálá laawoo hɛɓɛ

¹⁴ Jesus ə mo mą, yɛ mą: «Hvo mɛ̨nįi ŋɛ̨i hukulɔ nui lɔpee ta ɓa, pələi ŋɛ̨i yaa kɛ la, li ə́ ə́ kpɔɔ lɛ ɉala laa həli mun gɛnɛ̨ ɓa, yili pulu, ɉaláá yii Moisə ə vaaɓo, yɛ hvólóɲɔ̨n gɛ mun gɔlɔi a pono ə gulɔ, ə́ yili kulɔ, əgɛ, nuą di gɔlɔn diɛ ə́ kɔ́lɔi aa pono.»

Bible

¹⁴ Gɛɛ ti, e nia-woo ƃò a gɛɛ ve mo núu da ma, kɛ́lɛ, ǹyɛɛ ma, “Lí í íkpîŋ lɛ́ zâla láa soŋ-nuui ma í sâla kula íƃalo-mɛni ma yɛ̂ɛ berei Mose e mò lai, e kɛ̀ a sêre ǹûai díɛ.”

Lukə 5:14 Referans Kwoze

Lukə 17:14

Jesus ə ɲɛ̨i hee diɛ, yɛ diɛ: «'Ka li ka ka kpɔɔ lɛ ɉala laa həli nuą kpɛa-kpɛaɠaa diɛ.» Ɓɛlɔwai di kɛi li la, di kəlee di kɔ́lɔi ə pono.

Maafîu 8:4

Yili pulu Jesus yɛ mą: «'Hvó mɛ̨nįi ŋɛ̨i ɓo nu ta ɓa. Kɛlaa, li ə́ ə́ kpɔɔ lɛ ɉaláá laa həli mun ma, yɛ mą: Gɔ́lɔi aa pono. Ɛlɛɛ, ɉaláá yii Moisə ə vaaɓo, ə́ gulɔ. Ə gɛ, nu kəlee di gɔlɔn diɛ: Ə́ kɔ́lɔi aa pono, ə́ mąą aa həɠə.»

Markə 1:44

Hvo mɛ̨nį ŋɛ̨i hukulɔ nui lɔpee ta ɓa. Kɛlaa, li ə́ kpɔɔ lɛ ɉaláá laa həli mun mą, yɛ mą: Gɔ́lɔ́ a pono. Yili pulu, ɉaláá yii Moisə ə vaaɓo, ə́ yili kulɔ, ə gɛ, nu kəlee di gɔlɔn diɛ ə́ kɔ́lɔi aa pono, ə́ mąą a həɠə.

Maafîu 12:16

Ə kɛi mo diɛ a nwąnąi, yɛ diɛ: «Ka hvo mo nuą diɛ.»

Maafîu 9:30

Di ɲɛ̨i ə hvoloon. Jesus ə mo diɛ a nwąnąi, yɛ diɛ: «'Kaa ɓə! Və́ bɔ nui lɔpee ta hvo gbaɠala kaa.»

Levetekɔ 13:2

«Akɛ pala a kulɔ nu ta kɔ́lɔ ɓa, a wala kɛ tii kiliɠalan, a wala kɛ tii nu kɔ́lɔ nąą ta ə kwələ, gɛ pələ ə ɓo yɛ hvólóɲɔ̨n, mąąnɛ̨ɛ̨ dəli a nu Aarɔn pɔ, a wala kɛ tii non da; diɛi di kaa a ɉaláá laa həli nuą.

Lukə 9:5

Ɓɛi lɔpee da wala di yee hee laa ka mui, ka ka kɔ́wɔ ɓa muluun kpɛŋɛn ka nɛɛ laa, əgɛ, di gɔlɔn diɛ daa mɛ̨nį ɲɔ̨n gɛ.»

Markə 6:11

Akɛ daa tii hu nuą da wala di yee hee ka mui, da wala di wəli tɔɔ ka woo ɓai, ka həɠə laa. Ka kɛi həɠə laai, ka ka kɔ́wɔ ɲą munun gulɔ ka kɔ́wɔ ɓa ka nɛɛ laa. Yili a kɛ diɛ a ka wɔ kɛla.»

Maafîu 10:18

Di kaa pai lii a kaa lɔi nąmįną lííla, ə mą kɛ tɔɔ ɓɛlaa lííla, mą́ą́ mɛ̨nį ɓa. Ə gɛ, ka mą́ą́ kɛla hvaa ɓo di ɲɛ̨i ɓa, da nuąi di hvo Yálá kɔ́lɔn.

Levetekɔ 13:49

gɛɛnąą hviliin ŋąąi tii a kɛ ɉəɠə ɓa, ə kɛ a huwɔ ləɠa, ə kɛ a dɛɠi a wala kɛ tii gbɔlu, gaa a hɛn da nɛ ɉaláá laa həli mun ma.

Lukə 5:13

Jesus ə ɲee pɛlɛ mą, yɛ mą: «Váái ma gɛ́ ə́ kɔ́lɔi ə pono», ə́ mąą ə həɠə. Ɲąąɓa, volóɲɔ̨n tii ə kpɛɛ kpɔlɔ tii ɉulɔnui tii ɓa.