Lukə 5:12 - Yálá laawoo hɛɓɛ (dc)

¹² Jesus ə kɛ taa ta hu, hulɔnu ta yɛ ɓo laa, hvólóɲɔ̨n gulaa ma nąą kəlee. Ɓɛlɔwai ə Jesus kaa la, ə pɛlɛ gɔwɔ mu, ə nɛ̨ɛ̨mąą hvə mą, yɛ mą: «Nwɔ́ mɛ̨nį nąmu! Akɛ ya hvaa mą, ya pɛli ə́ gɔ́lɔ́i pono, ə́ mą́ą́həɠə.»

Yálá laawoo hɛɓɛ

¹² Jesus ə kɛ taa ta hu, hulɔnu ta yɛ ɓo laa, hvólóɲɔ̨n gulaa ma nąą kəlee. Ɓɛlɔwai ə Jesus kaa la, ə pɛlɛ gɔwɔ mu, ə nɛ̨ɛ̨mąą hvə mą, yɛ mą: «Nwɔ́ mɛ̨nį nąmu! Akɛ ya hvaa mą, ya pɛli ə́ gɔ́lɔ́i pono, ə́ mą́ą́həɠə.»

Bible

¹² Nya ƃe e kɛ̀ ti, tãi e kɛ̀ la taa tɔnɔ su, nalôŋ tɔnɔ e pà bɔ, gbôdo-kɔlɔ-fela e kɛ̀ ma gwaa kélee. Gɛɛ a Zîsɛ káai, e tòo gɔ́ɔ mu, e gbera fe, ǹyɛɛ mai, “Kúnuu-namui, à kɛ̀ yà ŋ̀wɛli, ya pɔ̂ri ḿalôŋ.”

Lukə 5:12 Referans Kwoze

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Lukə 17:16

Ə pa ə pɛlɛ Jesus kɔ́wɔ mu, ə ɉɛɠɛɛ ɓo. Ɉulɔnui tii ə kɛ a Samari mun.

Maafîu 9:28

Ɓɛlɔwai Jesus ə lɔ la bɛlɛ́n, ɲɛ̨ipu nuą tii, di lɛɠɛ Jesus ɓą, yɛ diɛ: «Ka laai na kaa, ŋą pɛli mą ŋį́ yili kɛ?» Ɲɛ̨ipu nuą tii diɛ mą: «Ee! Ną́mu, yá pɛli mą.»

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Maafîu 26:6

Jesus ə kɛ Bɛtani daai, Simɔn yii hvólóɲɔ̨n ə kɛ mą ɲəi bɛlɛ́n.

Lɛɛ gbɔwɔ ɓa 4:6

Yai-Laa yɛ nwɔ̨nɔ̨ mą: «Ə́ yee pɛlɛ ə́ lii pɔ.» Moisə ə ɲee pɛlɛ nii pɔ, hvólóɲɔ̨n ə ɲee kwələ kpɔ yɛ yee hunwɔ̨.

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Kɔlɔnikɔ Maa-ŋuŋ 21:16

Davidə ə ɲɛ̨i tɛ ɲələi, ə Yai-Laa nwɔ malakai kaa, yɛ ɓo yələkɔlɔn da lɔi di lɔwai, kɔ-kɔ ɓɔwa ə ɓo ɲəi gulaa daa hu; Aa mowa ɲɛ̨i haŋą Ɉerusalɛmə taa ɓa pələ. Davidə da nɔi kalanɉonŋąą kəlee, di ɓíi haɠa too di kwaną, di pɛlɛ lɔi ɓa.

Tɔɔɓɛlaa veelɛ 5:1

Naaman ə kɛ a Aramə tɔɔmun nwɔ kulááɠaa nwun nąmu kɛnɛ̨, nwɛli ə ɓo nwɔ tɔɔmun mą kpɔ kɛnɛ̨. Mąąhɔlɔɓo, yaa tii ɲee hu ɓə Yai-Laa ə kɛi yeetɛɛmąą tɛɛ la Aramə pɔ. Kɛlaa, gɔ́kuláá walawalai tii, hvólóɲɔ̨n ə kɛ mą.

Tɔɔɓɛlaa dɔlɔɔ 18:39

Ɓɛlɔwai Israɛlə nuą di gaa la tii, nu kəlee di pɛlɛ nɔi ɓa, diɛ kɛ: «Yai-Laa ɓə a Yálá! Yai-Laa ɓə a Yálá kpɔɔ kpɔɔ.»

Zasua 5:14

Ɉulɔnui tii yɛ Ɉosue ɓa: «Və́ a ka yówó, gwa kaani gu hvo tɔɔ li. Gáá a Yai-Laa nwɔ kɔlaɠa nwun nąmu, ŋį́ pa lɔ yiihu.» Ɉosue ə pɛlɛ gɔwɔ mu, ə kwɛli hvilɛn mą, yɛ mą: «Nwɔ́ɔ́ mɛ̨nį nąmu, lə mɛ̨nį ɓə yɛ́ ə́ mo ə́ wɔ luwɔi ɓa?»

Dutɛrɔnome 24:8

Ka gɛ a nɛlɛɛ hvólóɲɔ̨n ɉuwui lɔpee gəlee ɓa; mɛ̨nįɠaa ɉaláá kulɔ nuą Levi lonnii da mo kaa mɛ̨nįi tii hu, ka ɉon a nɛlɛɛ; ka bɔ mɛ̨nį kɛ. Ka tɔɔ a ka nwąnąąi, ka túwɔ́ yɛ bələi ŋą mo la diɛ.

Levetekɔ 9:24

Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Markə 5:23

Ə nɛ̨ɛ̨mąą hvə mą yɛ mą: «Gɛ́ ə́ pa ə́í yee pɛlɛ mɛ̨i, ə gɛ, gɔlɔi ə pono ə yɛnɛ̨ɛ̨ kɛ.»

Tɔɔɓɛlaa veelɛ 7:3

Hvólóɲɔ̨n gɛ nuą nąąn di kɛ heeni bələ nwun na, diɛ di kee ɓa: «Lə mɛ̨nį ɓa, gu kaa ɓɛ heeni guɔ haa mąąkpɔn?

Tɔɔɓɛlaa veelɛ 5:27

Yili ɓa, Naaman nwɔ hvólóɲɔ̨n tii a lɛɛ yɛ́ ka ə́ huwu kaa a yələ kəlee mɛ̨nį.» Gehazi ə kulɔ Elise pɔɔli, volóɲɔ̨n tii aa gɔlɔ nąą kəlee kwələ yɛ da luwu pu nu ɓa.

Levetekɔ 13:16

Kɛlaa, gɔlɔ yii tii kpɔlu a pənə a kwələ, mąą nu a pənə ə li ə həli ɉaláá laa həli mun ma.

Lukə 5:13

Jesus ə ɲee pɛlɛ mą, yɛ mą: «Váái ma gɛ́ ə́ kɔ́lɔi ə pono», ə́ mąą ə həɠə. Ɲąąɓa, volóɲɔ̨n tii ə kpɛɛ kpɔlɔ tii ɉulɔnui tii ɓa.