Lukə 4:34 - Yálá laawoo hɛɓɛ (dc)

³⁴ Yɛ kɛ mą: «Ee! Jesus Nazarɛtə mun, lə ɓə yɛ ə́ gɛ a kuɔ? Akɛti, ə́ pa kɛa ku nwun na pili mɛ̨nį ɓa li? Ŋą́ ə́ kɔ́lɔn ə́ kaa a Yálá nwɔ tímun.»

Yálá laawoo hɛɓɛ

³⁴ Yɛ kɛ mą: «Ee! Jesus Nazarɛtə mun, lə ɓə yɛ ə́ gɛ a kuɔ? Akɛti, ə́ pa kɛa ku nwun na pili mɛ̨nį ɓa li? Ŋą́ ə́ kɔ́lɔn ə́ kaa a Yálá nwɔ tímun.»

Bible

³⁴ ǹyɛɛi, “Aá, Nâzarɛ Zisɛi, le-mɛni ƃe íyeêi í gɛ a kûa? Ya pá a gɛɛ í kúsu kara? Ŋa íkɔlɔŋ. Yá ƃa Ɣâla Ŋɔnúu maa waai.”

Lukə 4:34 Referans Kwoze

Zĩi 2:19

Ə́ laai na yɛ́ kɛ, Yálá kaa taanɔ̨n? Yáá gɛ a lɛlɛɛ. Ɲįnɛ̨nŋaa diɛ kpɛlimąn di laai lɔ ti na, ɛlɛɛ, yɛ di mąą kpɛlin.

Markə 1:24

«Lə ɓə ə́ kaa bɔ ə́ gɛ a kuɔ, Jesus Nazarɛtə mun? Ə kaa bɔ ə́ ku nwun napili? Ŋą ə kɔ́lɔn, gɛ́: Ə́ kaa a Yálá nwɔ nu mąąhəɠɛɛ.»

Maafîu 8:29

Jesus kaai di mo, di tómą diɛ kɛ mą: «Ee ku Yálá Lon, lə ɓə yɛ ə́ gɛ a kuɔ? Akɛti, ə́ paa li kɛa, ə gɛ, ə́ ku nwun na pili nɔwai tɔwɔ?»

Gɛlaɠaa 3:14

Ká lənə Mąąhəɠəmun tələnmoɔ ɓa, ɛlɛɛ, kaamun ká kɛɛkalamun ɉu hvɛli, di dɛɛ ka pɔ.

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

Lukə 4:41

Ɲįnɛ̨nŋaa di kɛi həɠə ɲɔ̨n gɛ nuą tii taɠaa pulu, diɛ tómą, diɛ kɛ mą: «Ə́ kaa a Yálá Lon!» Kɛlaa, Jesus Kristə ə kɛi haŋą diɛ, yɛ kɛ diɛ: «Ka hvo hvaa!» Mąąhɔlɔɓo, di kɛ gɔlɔn diɛ: Jesus kaa a Nwun mąąɓomun Yálá ə naakwɛlanmo.

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

M̀ɛni-lɛɛi 20:2

Ə mąąɲɔw-hɛn tii hon, a gaaləi tii wɔlɔ kɛi, yai, nąnį da ɓilihi. Ɛlɛɛ, ə ɲili a ɲɔwɔn, a kwɛlan nwaa-tɔnɔ mɛ̨nį.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Hebreu 2:14

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

Gɛlaɠaa 16:39

Di pa, di nɛ̨ɛ̨mąą hvə diɛ, yili pulu, di di kulɔ gaho ŋą, di ɉuhvɛli diɛ, diɛ diɛ: 'Ká həɠə ɓɛ daai.

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.

Gɛlaɠaa 2:27

Mąąhɔlɔɓo, hvó pai nɛ́ɛ́i haaɓɛlaa lɔwai, hvó pai ə́ wɔ mąąhəɠə mun nɛɛi laa yɛ luwun kámą hu.

Lukə 8:37

Nąąlɔwai, Ɉeraseni lɔi hu nuą kəlee di mo Jesus ɓa, diɛ mą: «Həɠə ɓɛ kuɔ lɔi hu.» Mąąhɔlɔɓo, nuą tii di ɲɔw kpɔ kɛnɛ̨. Jesus ə pənə ə tɛ gələn ɉu, yɛ li.

Lukə 8:28

Ɓɛlɔwai ɉulɔnui tii ə Jesus kaa la, ə tómą kpɔ kɛnɛ̨, ə too gɔwɔ mu, ə mo kpɔ a nwoo kɛnɛ̨, yɛ mą: «Lə ɓə yɛ ə́ gɛ a ɲą́ą́, Yálá yii gaa yələkɔlɔn ɉu Non? Gáá nɛ̨ɛ̨mąą hvəə yɛ́, hvo náá nɔ̨nwɔ̨ ɓo!»

Markə 5:7

ə tómą kpɔ a nwoo kɛnɛ̨ yɛ mą: «Lə ɓə yɛ ə́ gɛ a ɲą́ą́, Jesus, Yálá yaai gaa yələkɔlɔn ɉu non? Gáá nɛ̨ɛ̨mąą hvəə yɛ́, 'gɛ Yálá ɓa, hvó náánɔ̨nwɔ̨ ɓo.»

Markə 1:34

Jesus ə ɲɔ̨n ɉuwu tamąą kɛ nuą kɔ́lɔi pono. Ə ɲinɛ̨n damąą kpɛɛ nuą pulu. Jesus hvo kɛli hvaa mą ɲį́nɛ̨nŋąą tii di hvo mɛ̨nį ta ɓo. Mąąhɔlɔɓo, ɲį́nɛ̨nŋąą tii di kɛ Jesus kɔ́lɔn.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Mąątɛ̨nɛ̨ 16:10

Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Tɔɔɓɛlaa dɔlɔɔ 17:18

Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Lukə 4:33

Yálá hvɛli pɛlɛ́i tii di kɛ mu, hulɔnu ta ə kɛ laa, ɲį́nɛ̨n yɛ ɓo bulu, yɛ tómą kpɔ a nwoo kɛnɛ̨.