Lukə 4:2 - Yálá laawoo hɛɓɛ (dc)

² Nąnį ə ɲąąhɛŋin hvóló pow nąąn ɲee mun. Voló pu-nąąn tii kuu mu, hvo hɛn nɔpee ta mį́į́, ə lɛɛ, pulú ə ɉon kɛa.

Yálá laawoo hɛɓɛ

² Nąnį ə ɲąąhɛŋin hvóló pow nąąn ɲee mun. Voló pu-nąąn tii kuu mu, hvo hɛn nɔpee ta mį́į́, ə lɛɛ, pulú ə ɉon kɛa.

Bible

² E gɛ̀ naa a ɣele-kuu buu náaŋ, Dɛ̂ƃele kɛ́ zu kɔɔŋ. Maa-ɣele-ŋai ti su Zîsɛ fé sɛŋ da mii ni. Díkɛɛ da kpɛɛi, puru e gɛ̀.

Lukə 4:2 Referans Kwoze

Tɔɔɓɛlaa dɔlɔɔ 19:8

Eli ə muhəɠə, ə kɔ̨nɔ̨n mįi, ə gbələ, yii kɛa ə huwalawala hɔlɔɓo gɔ̨nɔ̨n tii mįi pulu, ə hvóló pow nąąn da kpinį pow nąąn ɉiɛ kɛ, yɛ li Yálá nwɔ yeei ɓa, yai gaa Horɛbə.

Lɛɛ gbɔwɔ ɓa 34:28

Moisə da Yai-Laa di kɛ gɛɛnąąi tii ɓa, hvóló pow nąąn kpinį pow nąąn ɲee mu, hvo kɔ̨nɔ̨n mįi, hvo yá kpələ. Ə mįnɛ̨ hu wooɠaa pɛ̨ɛ̨ a Dɔ́n bow tii.

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.

Hebreu 2:18

Mąąhɔlɔɓo, yii kpɔ yaa kpinįi tii, ə mɔ̨nɔ̨ mįi ɲąąhɛn mɛ̨nį hu, a pɛli mą, ə kpɔnmąą tɛɛ nuąi ɲąąhɛn mɛ̨nį hu, di pɔ.

Dutɛrɔnome 9:9

Ɓɛlɔwai ŋą tɛ la gwɛni ɓɛlaɠaa həɠəi ɲee nwuɔ̨, a gwɛni ɓɛlaɠaa tii mįnɛ̨i Yai-Laa ə naa gwa diɛni gu lɔwai, ɉu wooɠaa pɛ̨ɛ̨ kɛ mɛ̨i. Ŋą́ hvóló pow nąąn kpinį pow nąąn gɛ ɲee nwuɔ̨, və́ kɔ̨nɔ̨n mįi, və́ yá kpələ.

Ɉaan 4:6

Gɛɛnąąi tii Ɉakɔbə nwɔ ya lɔwa ə kɛ laa. Jesus ə həli laa a hvoló tɛɛ nwun ma lɔwai, viikpɛɛ kpɔ kɛa kɛ a mɔlɔɔ, ə hee ɲá lɔwai tii kwɛlɛ.

Dutɛrɔnome 9:18

Ŋą́ too nɔi ɓa Yai-Laa líila, yɛ bələi tɔlɔɔ tɔlɔɔ ŋį́ gɛ la; hvóló pow nąąn kpinį pow nąąn ɲee mu. Və́ kɔ̨nɔ̨n da mįi, və́ gbələ, ka wɔ nɛ̨ŋɛ̨nŋąą mąą mɛ̨nį ɓa. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka kɛi gɛ, kaa nwąną lɔ la.

Maafîu 21:18

Mąą yələ laa ɓoɔ, ɓɛlɔwai di kɛi tɛ Ɉerusalɛmə, pulu ə Jesus hon

Maafîu 4:2

Jesus ə hvóló pow-nąąn da kpinį pow-nąąn gɛ, hvo hɛn da mį́į́. Pulu ə ɉon.

Zôna 3:7

Yili pulu ə mo di noloɓo daa nąą kəlee diɛ kɛ mą: «Tɔɔmun da nwɔ ɲɛ̨itɔwɔ nuą diɛ: Nui lɔpee ta hvo laa mįi hɛn da mįi, di hvo di kpələ, ə mą kɛ, daatɛlɛɛɠaa kpɛli.

Samuɛlə dɔlɔɔ 17:16

Goliatə ə kɛi pa a yələ kəlee yələwala da yələwulii yɛ tɔɔ Israɛlə nuą lííla, hvóló pow-nąąn ɲee mu.

Dutɛrɔnome 9:25

Ɓɛlɔwai ŋį́ too la Yai-Laa lííla nɔi ɓa, ŋį́ lɛɛ pɛlɛ́ni nɔi ɓa, ŋį́ hvóló pow nąąn da kpinį pow nąąn gɛ pɛlɛ́ni nɔi ɓa. Mąąhɔlɔɓo, Yai-Laa aa kɛ mo, yɛ gaa ka kpɛɛi yɛnɛ̨ɛ̨.

Lɛɛ gbɔwɔ ɓa 24:18

Moisə ə lɔ dulɔ kpinįn ɉu, ə tɛ ɲee ɓa. Moisə ə lɛɛ ɲee hu hvóló pow nąąn da kpinį pow nąąn.

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Lukə 4:3

Nąąlɔwai nąnį ə mo mą yɛ mą: «Akɛ Yálá Lon mąą a yɛ, gwɛniɠaa ŋɛ̨i ta mąą pənə a kɔ̨nɔ̨n.»