Lukə 4:1 - Yálá laawoo hɛɓɛ (dc)

¹ Jesus kulaa kɛa Ɉurdɛn hu, Kili-Mąąhəɠɛɛ ə naahvɛɛ. Kili ə ɉəɠə ə li la nɔi pun ɉu.

Yálá laawoo hɛɓɛ

¹ Jesus kulaa kɛa Ɉurdɛn hu, Nįį-Mąąhəɠɛɛ ə naahvɛɛ. Nįį ə ɉəɠə ə li la nɔi pun ɉu.

Bible

¹ Zîsɛ e kùla Zɔdiŋ Ya-Leei ma e pene pôlu, ǹáa fɛ̂ɛ a M̀ɔlêŋ Maa Waai. Nya ƃe M̀ɔlêŋ e lì la vɛ̃ɛ-kpâlaŋ su.

Lukə 4:1 Referans Kwoze

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Ɉaan 1:32

Ɉaan ə mo nwɔ̨nɔ̨ yɛ diɛ: «Ŋą́ Yálá nwɔ Kilii kaa yɛ yɛɛ mɛ̨i yɛ ɓopo, ə hee galan ŋą; ə lɛɛ mə̨i.

Maafîu 3:16

Jesus mąąwaa pulu, gɛɛ kulɔi ɲai, nąąlɔwai, yələkɔlɔn naa ə ɓo, Yálá nwɔ Kilii ə yɛɛ ə hee mɛ̨i, yɛ tonwələn.

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Lukə 4:14

Jesus ə pənə ə li Galile lɔi hu, Kili-Mąąhəɠɛɛ nwɔ huwalawala yɛ ɓo ɉu. Jesus mąą tin ə too nɔi nąą kəlee.

Gɛlaɠaa 8:39

Kulɔi di mo ɲái gu Ną́mu nwɔ Kilii ə Filipə həɠə ə li la, ɛlɛɛ, gbɛtɛgbuwului hvo kɛa ɲɛ̨i tɔɔ mą. Kɛlaa ə mą kɛ ti, gwɛi ə lɛɛ lɔ a nɛ̨ɛ̨ yɛ li.

Tɔɔɓɛlaa dɔlɔɔ 19:4

Eli yaa kpinįi ə hvóló tɔ̨nɔ̨ hiɛ kɛ yɛ li nɔi pun ɉu. Líi ə mo laa, ə hee ɉenɛ wulu mu. Eli ə hee laa, yɛ haa huhvɛli, yɛ kɛ mą: «Oo kə! Yai-Laa! Víi aa kpɛɛ kpɔ kɛnɛ̨, ɉə́ɠə kɛa yɛnɛ̨ɛ̨, və́ hviɛlaɓo li və́ tɛɛ ną́nni diɛ.»

Gɛlaɠaa 1:2

ə mą kɛ, ə lɛɛ ɉu ə həli la ɲələi ə tɛ la yələkɔlɔn ɉu mą, yili kəlee ɓə ŋį́ bɛ̨ɛ̨. Gɛɛ hvo kɛ tɛi yələi, Kili-Mąąhəɠɛɛ ŋą huwalawala háálai, nuą ŋɛ̨i ə di həɠə ɉu ə di kɛ a nwɔ kɛlaɠaa, ə di kili ɲą pono, ə di tɔɔ.

Lukə 2:27

Yálá nwɔ Kilii ə gɛ Simeɔn ə pa Yálá hee pɛlɛ́ mu. Nąąlɔwai, Jesus nwɔ nuą di ɉəɠə di paa la, əgɛ, mɛ̨nį dɔ́n di bɔ mɛ̨nį kɛ.

Lukə 3:3

Ɉaan ə kɛi lia tɛɛ Ɉurdɛn kwɛlɛ taaɠaa hu, yɛ Yálá laawoo laa həli, yɛ kɛ diɛ: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələɠaa mąą hvalin, ka pa ŋį́ ka mąąwaa, əgɛ, Yálá ə ka kɛ nɛ̨ŋɛ̨nŋąa mąąhvaalɛɛ.»

Tɔɔɓɛlaa dɔlɔɔ 18:12

Gbəli hu, gáá lɔ pai həɠəi ɓɛ, Yai-Laa nwɔ Kilii yɛ li a yɛ́ ɓɛi və́ nąą kɔ́lɔn; ə lɛɛ, ŋą́ mo Akabə ɓa, a wala ə́ kaa, gaa pai báái. Ya pa, ə həɠə múhəɠə yələ ɓa, ŋą́ ɲɔw Yai-Laa ɓa.

Lukə 3:38

Enɔsə nąn mąą Sɛtə, Sɛtə nąn mąą Adamə, Adamə nąn mąą Yálá.