Lukə 3:22 - Yálá laawoo hɛɓɛ (dc)

²² Kili-Mąąhəɠɛɛ ə yɛɛ mɛ̨i yɛ tonwələn. Woo ta ə tɔɔ yɛ həɠə yələkɔlɔn ɉu, yɛ kɛ mą: «Yɛ́ ɓə ə́ kaa a nííɓa Lon ɉulɔnu, yii nwɛli kaa mą́ą́; ŋą́ą́ nííɓa mɛ̨nįɠaa kəlee lɛɛ yɛ́.»

Yálá laawoo hɛɓɛ

²² Nįį-Mąąhəɠɛɛ ə yɛɛ mɛ̨i yɛ tonwələn. Woo ta ə tɔɔ yɛ həɠə yələkɔlɔn ɉu, yɛ kɛ mą: «Yɛ́ ɓə ə́ kaa a nííɓa Lon ɉulɔnu, yii nwɛli kaa mą́ą́; ŋą́ą́ nííɓa mɛ̨nįɠaa kəlee lɛɛ yɛ́.»

Bible

²² M̀ɔlêŋ Maa Waai e yeŋ tòloŋ kponôi e pîlaŋ ma, nya ƃe wóo e kùla Ɣâla-taa, ǹyɛɛi, “Ya ƃa Ŋáwɛli-kɛ-maa-Loŋ. Ńii lâai a ímaa-mɛ̂ni.”

Lukə 3:22 Referans Kwoze

Mąątɛ̨nɛ̨ 2:7

Mɛ̨nįi Yai-Laa ə mąą kili tee gwəi, 'ka tɔɔ ŋą́ mo, ə kɛ mą́ą́: «Nón maa yɛ́, ɲą́ą́ kpɔ ɓə ə́ kaa háákələi.

Ɉaan 1:32

Ɉaan ə mo nwɔ̨nɔ̨ yɛ diɛ: «Ŋą́ Yálá nwɔ Kilii kaa yɛ yɛɛ mɛ̨i yɛ ɓopo, ə hee galan ŋą; ə lɛɛ mə̨i.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Piɛrə dɔlɔɔ 2:4

'Ká ká mąąlɛɠɛ mą, yai a gwɛnį hvulúmąą, ya ɓə nu kanŋaa di bili, kɛlaa, ya ɓə Yálá ə ɉəɠə ɉu, ɛlɛɛ, mąą mɛ̨nį nwąnąą ɲɛ̨i ɓa.

Maafîu 12:18

«Nwɔ́ kólo kɛmun ŋá ɉəɠə ɉu, ya ka. Nwɛli kaa mą́ą́ kpɔ a gbɔ-kpɔɔ, ya ɓə ŋá mą́ą́ mɛ̨nįɠaa kəlee lɛɛ mą. Gáá pai nwɔ́ Kilii tɛɛi bɔ; yɛ mɛ̨nį haŋą́ą́ laa həli hį́i kəlee ɓa.

Kolosə 1:13

Aa gu kulɔ kpinį ŋą luwɔlaa yəi, aa gu lɔ nwɛlikɛmąą lon ŋą tɔɔlaa hu.

Lukə 4:21

Nąąlɔwai, ə mo kɛa diɛ, yɛ diɛ: «Ɉɛɓɛ́ hu woo ŋɛ̨i ka mɛ̨n, nąą aa hvɛɛ kpɔlɔ háákələi yɛ pələi ka mɛ̨n na.»

Maafîu 27:43

Ə gilitɔɔi Yálá ɓa, ə mo yɛ diɛ: ‹Gáá a Yálá Lon.› Yili ɓa, ka gu gu ɲɛ̨i hee laa, akɛ Yálá kaa pai nwun gulɔi.»

Maafîu 3:13

Jesus ə həɠə Galile lɔi hu, yɛ pa Ɉaan pɔ ə gɛ, yili ə mąąwaa Ɉurdɛn hu.

Maafîu 3:16

Jesus mąąwaa pulu, gɛɛ kulɔi ɲai, nąąlɔwai, yələkɔlɔn naa ə ɓo, Yálá nwɔ Kilii ə yɛɛ ə hee mɛ̨i, yɛ tonwələn.

Markə 1:9

Nąąlɔwai ɓə Jesus ə həɠə la Galile taa ta hu, yii da kɛ naa ɓa: Nazarɛtə, ə yɛ pa Ɉaan pɔ. Ɉaan ə́ mąąwaa Ɉurdɛn yá hu.

Markə 1:11

Woo ta ə kulɔ yələi yɛ kɛ mą: «Ə kaa ɓo a nííɓa Lon, yaa níí hon gbɔ a mɔlɔɔ.»

Markə 9:7

Tulɔ kpinįn gɛnɛ̨ ə yɛɛ di mɛ̨i, ə di mɛ̨i kpulu a nįnįn. Woo ta ə kulɔ dulɔ kpinįn tii hu, yɛ kɛ diɛ: «Nííɓa Lon maa a nui ŋɛ̨i, 'ka ka wəli tɔɔ nwoo ɓa.»

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Ɉaan 5:37

Ną́n ŋɛ̨i dɔ́ɔ́, yaa kpinįi ɓə a mą́ą́ kɛla hvaa ɓo. Ka hvo ta nwoo mąn ni, ka hvo ta ɲɛ̨ilaa kaa li.

Ɉaan 12:28

Ną́n, ə́ laa mąąwiɛ!» Nąąlɔwai woo ta ə kulɔ yələi, yɛ diɛ: «Ŋą́ą́ náá mąąwiɛ, gáá nwɔ̨nɔ̨ pai mąąwiɛi.»