Lukə 24:6 - Yálá laawoo hɛɓɛ (dc)

⁶ Jesus hvo ɓɛ, aa pənə aa kɛ a vúlu. Mɛ̨nįi ŋɛ̨i ə mo kaa ɓɛlɔwai ə kɛ la Galile lɔi hu, ka ka kiliŋąhiɛ ma.

Yálá laawoo hɛɓɛ

⁶ Jesus hvo ɓɛ, aa pənə aa kɛ a vúlu. Mɛ̨nįi ŋɛ̨i ə mo kaa ɓɛlɔwai ə kɛ la Galile lɔi hu, ka ka kiliŋąhiɛ ma.

Bible

⁶ É lɛ́ɛ kákili ŋá berei e mò la kàa gɛɛ kɛ̀ Galalii-lɔii sui,

Lukə 24:6 Referans Kwoze

Lukə 9:22

Ə mo nwɔ̨nɔ̨ diɛ yɛ diɛ: «Hvo kɛli, Nu Lon ə pa mɔ̨nɔ̨ mį́į́ kpɔ kɛnɛ̨, nu pɔlɔɠaa, ɉala laa həli nuą kpɛa-kpɛaɠaa da tɔ́n galamɔ̨ɔ̨ɠaa di kaa pai lənəi ma, nuą di baa. Voló haaɓa yələ, a muhəɠə ə kulɔ haa ɓɛlaa lɔwai.»

Markə 8:31

Yili pulu, Jesus ə gɔwɔ tɔɔ, yɛ nwɔ kalan nɛai kalan, yɛ kɛ diɛ: «Hvo kɛli kɛ Nu Lon ə mɔnɔ̨ mį́i kpɔ kɛnɛ̨, galanɉonŋąą, ɉaláá laa həli nuą, ə mą kɛ dɔ́n galamɔ̨ɔ̨ɠaa, di kaa pai lənəi mą, ga pai haai, kɛlaa, hvóló haaɓa tɛɛ pulu, gaa pai muhəɠəi ə kulɔ haa yəi.»

Maafîu 28:6

Hvo kɛa ɓɛ, aa nwun, aa kulɔ haa yəi, yɛ pələi ə mo la kaa. Ka pa ɓɛi, ə kɛ laa laani, ka nąą kaa.

Lukə 9:44

«Mɛ̨nį ŋɛ̨i gáá moi kaa, nąą kili ə lɛɛ ka ŋą kpɔ kpaan. Di kaa pai Nu Lon tɛŋɛn gwɛlɛi nuą diɛ.»

Maafîu 27:63

«Tɔɔmun, mɛ̨nį ta nąą kili aa too ku ŋą yɛ hvilɛn na nɛɛ mun tii ɓa. Gɛɛ a vulú, ə mo yɛ: ‹Da baa, hvóló haaɓa tɛɛ pulu a muhəɠə ə kulɔ haaɓɛlaa lɔwai.›

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Maafîu 12:40

Mąąhɔlɔɓo, bələi lɔ Ɉonasə ə hvóló haaɓa da kpinį haaɓa kɛ la hɔ̨nwɔ̨lee kwəi, gboloyá hu, bələ lɔ ɓə Nu Lon gaa pai hvóló haaɓa da kpinį haaɓa kɛi la kámą hu.

Markə 16:6

Ɉulɔnu tii ə mo diɛ, yɛ diɛ: «Ka hvo ɲɔ̨w. Jesus Nazarɛtə mun ŋɛ̨i di gbanwo kolɔwa ɓa, ya ɓə ka ka gwɛli, hvo kɛa ɓɛ, aa nwun aa kulɔ haaɓɛlaa lɔwai. Ka pa, ɓɛi ə kɛ laa, ka nąą kaa.

Lukə 24:5

Di ɲɔw kpɔ kɛnɛ̨, di pɛlɛ nɔi ɓa. Nuą tii di mo diɛ, diɛ diɛ: «Lə mɛ̨nį ɓa ka káá nu húlu kwɛlii nu powaɠaa lɔwai?

Lukə 24:34

Di mo nu hveelɛi tii ɓa diɛ diɛ: «Jesus aa muhəɠə kpɔ aa kulɔ haaɓɛlaa lɔwai a tɛ̨ą, Simɔn ə gaa.»

Gɛlaɠaa 2:24

Yálá ə́ gulɔ haa yəi, ə́ gɛ a vulú, ə gulɔ haa nwɔ mɔ̨nɔ̨ hu, mąąhɔlɔɓo, haa nwɔ huwalawalaa yee hva pɛli kɛ mą.

Tɛsalonikə veelɛ 2:5

Yili nąą kili hvo mɔ̨ɔ̨ ká ɲą, ɓɛlɔwai ŋą́ kɛli mąą mɛ̨nį ɓo la káá, a ɲələi ŋą́ kɛ la ká pɔɔlii?