Lukə 23:5 - Yálá laawoo hɛɓɛ (dc)

⁵ Kɛlaa, di tómą kpɔ a di woo kɛnɛ̨, diɛ mą: «Kuɔ yɛ́, nwɔ kalan gɛ pələ ə kɛi nuą kwɛitee, ə gɔɠɔ tɔɔ kpɔ Galile lɔi hu, ə tɛɛ la Ɉude lɔi hu, ya ka aa pa aa həli la ɓɛ.»

Yálá laawoo hɛɓɛ

⁵ Kɛlaa, di tómą kpɔ a di woo kɛnɛ̨, diɛ mą: «Kuɔ yɛ́, nwɔ kalan gɛ pələ ə kɛi nuą kwɛitee, ə gɔɠɔ tɔɔ kpɔ Galile lɔi hu, ə tɛɛ la Ɉude lɔi hu, ya ka aa pa aa həli la ɓɛ.»

Bible

⁵ Kɛ́lɛ, dí mò a zu kɛtɛ-pere, dîyɛɛi, “Gáa ǹûai kɛ̂i wúlee a ŋɔsɛŋ-lɛɛi Zuda-lɔii kélee su, e gɔ́ɔ pîlaŋ Galalii, e seri máŋ la ƃɛ.”

Lukə 23:5 Referans Kwoze

Ɉaan 2:11

Pələi Jesus ə kpalo mɛ̨nį dɔlɔɔ kɛ la Kana daai Galile lɔi hu bələ li. Ə nwɔ mąąwiɛ kulɔ laa pono ŋą, nwɔ kalan nɛai di laa na.

Ɉaan 1:43

Mąą yələ laa ɓoɔ, Jesus ə giliŋąhiɛ yɛ diɛ gaa li Galile lɔi hu. Ə Filipə kaa, ə mo mą yɛ mą: «Hvilɛn búlú.»

Markə 1:14

Ɉaan toɔ kɛa gaho ŋą, yili pulu, Jesus ə li Galile lɔi hu, nwɛlɛɛ lɛlɛɛi Yálá ə dɔɔ la, yɛ naa həli. Yɛ kɛ diɛ:

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Gɛlaɠaa 23:10

Nwoo ɲąąnwąną hu kɛnɛ̨ pələi ti, ɉolahi nwun nąmu ə ɲɔw, yɛ di hvo pa Polə hu tee-tee di kee lɔwai. Yili ɓə gɛ, ə mo, nwɔ holahiɠaa də li ɲąąkpɔn ti hu, di Polə hon dɛ li la bɛlɛ lon mu.

Gɛlaɠaa 10:37

Mɛ̨nįi kɛ Ɉude lɔi hu nąą kəle, ə gɔwɔ tɔɔ, Galile lɔi hu Ɉaan nwɔ nu mąąwaa kalan gɛɛ pulu, gbaɠala kaa káá.

Gɛlaɠaa 7:57

Nuą kəlee di tomą kpɔ a di woo kɛnɛ̨ɛ̨, di di yee lɔ di wəlii. Di kəlee di kpuluun di wolo Etiɛnə ɓa,

Gɛlaɠaa 7:54

Nwooɠaa ti ə di liikələn di kwəi, diɛ di ɲįn ɲą mįi, diɛ di laa hvaną a Etiɛnə.

Gɛlaɠaa 5:33

Nwoo taaləi ti mɛ̨n di mo, ə di lííholi kpɔ kɛnɛ̨, di di kiliŋąhiɛ di paa mɛ̨nį ɓa.

Ɉaan 19:15

Di kəlee di tómą diɛ mą: «Ə haa! Ə haa! 'Gbanwo kolɔwa ɓa.» Pilatə yɛ diɛ: «Ɲį́ ka wɔ tɔɔmun gbanwoi kolɔwa ɓa?» Ɉaláá laa həli nuą kpɛa-kpɛa di nwoo pulu pənə diɛ mą: «Tɔɔmun da kpɛli hvo ku yəi, ə kulɔ Sesarə pulu.»

Ɉaan 7:52

Mɛlaa diɛ mą: «Yɛ́ kpɛli, Galilemun mąą a yɛ́? Yɛ́ kpinįi ya kɛ Yálá laawoo hɛɓɛ́ ɓoi, ə́ gɔlɔn kpɔ yɛ́ diɛ, Yálá kwəi mɛ̨nį hukulɔ mun hva pɛli kulɔi Galile lɔi hu.»

Ɉaan 7:41

Daɠaa diɛ kɛ diɛ: «Nwun mąąɓomun Yálá ə naakwɛlan mo ya ɓaa a ɉulɔnui ŋɛ̨i.» Kɛlaa, daɠaa di kɛi kɛ mą: «Nwun naaɓomun Yálá ə naakwɛlan mo, a pɛli kulɔi Galile lɔi hu?

Lukə 23:23

Ə mą kɛ tii, nuą di kɛi lɔ tómą a di woo kɛnɛ̨ɛ, diɛ kɛ mą: «Gbanwo wulu ɓa.» Di tómą woo yee ə tɛɛ Pilatə ɓa.

Lukə 11:53

Ɓɛlɔwai Jesus ə həɠə la gɛɛnąąi tii, dɔ́n galamɔ̨ɔ̨ɠaa da Farisiɛ̨ɠaa di lii ə kələn gbɔ di kwəi, diɛ kɛa mąąni kɛ huwu lɔpee gəlee kɛ Jesus ɓa.

Maafîu 27:24

Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Mąątɛ̨nɛ̨ 69:4

Ŋą́ą́ tomą vį́i aa kpɛɛ, gwą́ną́ ɲąą aa nwąną. Ɲɛ̨́ilon ɉu aa haa, a lamui ŋą́ą́ mo nwɔ́ Yálá mąąkpɔn ɉii.

Mąątɛ̨nɛ̨ 57:4

Ee kə! Yálá 'ə hvaa mą, ə lɛɛ yələi pələ, 'ə málo wɛ! Nui vánąi, ə ɲɛ̨i paa! Yálá ə nwɔ wɛlikɛmąąlaa da nwɔ tɛ̨ąi tɛɛ kuɔ wɛ!

Mąątɛ̨nɛ̨ 22:16

Gwáną aa kpala, yɛ kwɛahaɠa a kɛ nwɔ̨n ɉu, nɛ̨́n yɛ kanąn nɛ̨́ŋɛ̨-nɛ̨ŋɛ̨ mu, yáá náá kámą la pɔlɔkpɔlun ɉu.

Maafîu 2:1

Jesus ə hɔlɔɓo Bɛtleɛmə daai Ɉude lɔi hu, a Herodə nwɔ tɔɔlaa yələ. Ɉɔlɔɓoɔ pulu, kilimąą nuą di həɠə hvóló kulɔi pələ, diɛ pa Ɉerusalɛmə.

Maafîu 11:1

Ɓɛlɔwai Jesus ə kpɛɛ la a niɛwooɠaa tii kɛɛ, nwɔ kalan nɛa pow-kɔw-hveelɛi diɛ, ə həɠə laa, yɛ li, yɛ kalan gɛ nɔi tii hu taa kpɛa-kpɛaɠaa hu.

Lukə 23:6

Yii kɛa Pilatə ə nwooɠaa tii mɛ̨n, ə mąąni kɛ kɛ, yɛ diɛ: «Akɛti, Galile nɔi mun məi?»