Lukə 23:25 - Yálá laawoo hɛɓɛ (dc)

²⁵ Nui ŋɛ̨i gwɛitee laa lɔ nuą hu, ə lɛɛ, ə nu paa, ə ɓo yili ɓa, mąąhɔlɔɓo, yili ɓə di hvɛli ma. Ə Jesus tɛɛ di pɔ, yɛ diɛ: ka li ka gɛ yɛ pələi ka káá la bɔ.

Yálá laawoo hɛɓɛ

²⁵ Nui ŋɛ̨i gwɛitee laa lɔ nuą hu, ə lɛɛ, ə nu paa, ə ɓo yili ɓa, mąąhɔlɔɓo, yili ɓə di hvɛli ma. Ə Jesus tɛɛ di pɔ, yɛ diɛ: ka li ka gɛ yɛ pələi ka káá la bɔ.

Bible

²⁵ È tèe ǹalôŋ ma dí marê kɛ̀ m̀ɛni ma, nyii dí bìli kpini-pɛrɛ mu, gɛɛ kɔ̂i gɔmɛnɛi pɔ da ǹúu-paa-mɛni mai; kɛ́lɛ, è Zîsɛ tɛ̀ɛ dípɔ a gɛɛ dí dínîa-mɛni kɛ́ la.

Lukə 23:25 Referans Kwoze

Gɛlaɠaa 3:14

Ká lənə Mąąhəɠəmun tələnmoɔ ɓa, ɛlɛɛ, kaamun ká kɛɛkalamun ɉu hvɛli, di dɛɛ ka pɔ.

Markə 15:15

Pilatə ə kɛ bɔ ə nu kpului tii kwəinɛ̨ɛ̨, ya ɓə gɛ ə Barabasə kulɔ gaho ŋą; ə mo di Jesus kɛlɛ a kwɛli hvaɠa, yili pulu, ə dɛɛ di pɔ, diɛ li gbanwoi kolɔwa ɓa.

Ɉaan 18:40

Di kəlee di tómą kpɔ a di woo kɛnɛ̨ɛ̨ diɛ mą: «Kpaa! Ya hvəə ku kaa bɔ. Barabasə ɓə ku kaa bɔ.» Yaan, Barabasə ŋɛ̨i di kɛi vaa ɓo, ə kɛ a too mɛ̨i kɛmun.

Lukə 23:5

Kɛlaa, di tómą kpɔ a di woo kɛnɛ̨, diɛ mą: «Kuɔ yɛ́, nwɔ kalan gɛ pələ ə kɛi nuą kwɛitee, ə gɔɠɔ tɔɔ kpɔ Galile lɔi hu, ə tɛɛ la Ɉude lɔi hu, ya ka aa pa aa həli la ɓɛ.»

Lukə 23:2

Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Maafîu 27:26

Nąąlɔwai Pilatə ə tee Barabasə ɓa, ə Jesus tɛɛ di gɛlɛ a hvaɠa, ə dɛɛ diɛ li gbanwoi.

Samuɛlə dɔlɔɔ 12:13

Yili ɓa, yiihu, tɔɔmun ka vɛli a ka liiɓa, yaai ka ɉəɠə a ka liiɓa, ya ka. Yai-Laa aa tɔɔmun dɛɛ ka pɔ.

Lukə 23:24

Yii di hvɛli Pilatə ɓa, ə hvaa mą ə yili tɛɛ di pɔ.

Lukə 23:26

Ɓɛlɔwai di kɛi li la a Jesus, di hulɔnu ta kaa bələi, diɛ kɛ nąą ɓaa: Simɔn, yii həɠə Sirɛnə daai. Ɉulɔnui tii ə kɛi həɠə ɲəi ɲɛa pələ yɛ pa. Gɔ́kulááɠaa di ɉon, diɛ mą: Jesus nwɔ kolɔwai ta həɠə, ə́ hvilɛn na bulu.

Ɉaan 19:16

Yili ɓə gɛ Pilatə ə Jesus tɛɛ di pɔ gbanwo mɛ̨nį ɓa kolɔwa ɓa. Nuą di ɉon gɛa.