Lukə 22:67 - Yálá laawoo hɛɓɛ (dc)

⁶⁷ Diɛ mą: «A kɛ Yɛ́ Nwun mąąɓomun Yálá ə naakwɛlanmo? Ku kaa bɔ ə́ ku kilaa pono.» Jesus ə di woo pulu pənə yɛ diɛ: «Ŋą́ mą kɛ kaa, ɲą́ą́ ɓə! Ka hva laai ná.

Yálá laawoo hɛɓɛ

⁶⁷ Diɛ mą: «A kɛ Yɛ́ Nwun mąąɓomun Yálá ə naakwɛlanmo? Ku kaa bɔ ə́ ku kilaa pono.» Jesus ə di woo pulu pənə yɛ diɛ: «Ŋą́ mą kɛ kaa, ɲą́ą́ ɓə! Ka hva laai ná.

Bible

⁶⁷ “À kɛ̀ yá ƃa Kôraii, m̀ó kûa.” Kɛ́lɛ, e mò dîa, ǹyɛɛi, “Ŋa máŋ m̀ó kâa, káfe pâi lâai la;

Lukə 22:67 Referans Kwoze

Lukə 16:31

«Kɛlaa, Abrahamə ə mo mą, yɛ mą: ‹Akɛ, da wala di wəli tɔɔ Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą woo ɓa, di hvo pai di wəli tɔɔi di kilaa pono mɛ̨nį takpɛli ɓa, ə mą kɛ nu ta aa həɠə ɓɛ ɲąmuątaa aa li laa.›»

Ɉeremi 38:15

Ɉeremi yɛ tɔɔmun ma: «Ŋą́ tɛ̨ą ɓo yɛ́, ə́ kaa pai baai. Ŋą́ ə́ tɛɛ pələ lɛ yɛ́ nwɔ̨nɔ̨, hvo pai gɛi.»

Lukə 22:68

Ɛlɛɛ ɲą́ą́n ŋą ka mąąni kɛ, ka hvo pai nwóó ŋąą pənəi.

Ɉaan 18:19

Ɉaláá laa həli mun gɛnɛ̨ ə Jesus mąąni kɛ yɛ hvilɛn na nwɔ kalan nɛai da nwɔ kalan gɛ pələ ɓa.

Ɉaan 18:21

Ə kaa mą́ą́nin kɛi lə mɛ̨nį ɓa? Nuąi kɛi nwóó mɛ̨n, di mąąni kɛ, mɛ̨nįɠaai ŋą́ kɛi mo, diɛ ɓə gɔlɔn.»