Lukə 22:63 - Yálá laawoo hɛɓɛ (dc)

⁶³ Nuąi Jesus ə kɛ di yəi, di kɛi yɛlɛ mą, diɛ gɛlɛ.

Yálá laawoo hɛɓɛ

⁶³ Nuąi Jesus ə kɛ di yəi, di kɛi yɛlɛ mą, diɛ gɛlɛ.

Bible

⁶³ Zinâai kɛ̀ Zîsɛ mɛi kâai, dí ɣɛ́lɛ-maa kùla zu, dí ǹokwa;

Lukə 22:63 Referans Kwoze

Ɉaan 18:22

Moi Jesus ə mo tii, galidə tɔ̨nɔ̨ ə nwun nowa, yɛ mą: «Bələ ɓə ya ɉaláá laa həli mun gɛnɛ̨ woo pulu pənə la?»

Piɛrə dɔlɔɔ 2:23

yai di nalan, hvo gwələ kulɔ li a lalan, mɔ̨nɔ̨i di naa mą, hvo woo ɲɔ̨n mo, kɛlaa, ə gbɔwɔ lɛɛ giti haŋąą tee mun ɲəi;

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Mise 5:1

Ɛlɛɛ yɛ́, Bɛtleɛmə Ɛfrata, yɛ́i hvó a taa lon Ɉuda taaɠaa lɔwai, ə́ kwəi ɓə Israɛlə ɲąąwooɓomun, gaa pai kulɔi laa, a nwɔ́ nui; yai kpala tɔɔi hvo mą.

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Azaya 52:14

Gɛ pələ ə nuą mąąɲɔw, mąąhɔlɔɓo, ɲɛ̨ilai hvo kɛa kɛ kulɔ li nu ɓa, ɲɛ̨ilai ɉee pələ ɲɔ̨nwɔ̨ pələ ɓa.

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Mąątɛ̨nɛ̨ 35:25

Di hvo pɛli kɛi di kee ɓa: «Ya ka! Ya ka! 'Ka gu gu yee kpɛlaan nɔ la tanɔ̨n», Mąą hvo nɛ̨ɛ̨li kpɔ di hvo kɛ diɛ: «Ku yee aa pɛli mą.»

Mąątɛ̨nɛ̨ 22:13

Niŋɛ̨ hilɛɠaa daa mą́ą́ tinɛ̨n daa doo gee hu, Basan huwɔɠaa daa mą́ą́ tinɛ̨n daa doo gee hu.

Lukə 22:62

Piɛrə ə kulɔ, ə wɔlɔ kpɔ a lii kələn gwəi.

Ɉaan 18:19

Ɉaláá laa həli mun gɛnɛ̨ ə Jesus mąąni kɛ yɛ hvilɛn na nwɔ kalan nɛai da nwɔ kalan gɛ pələ ɓa.