Lukə 22:61 - Yálá laawoo hɛɓɛ (dc)

⁶¹ Gu Ną́mu Jesus ə tínɛ̨n ə ɲɛ̨i hee Piɛrə ɓa. Mɛ̨nį tii gu Ną́mu Jesus ə mo mą, nąą kili ə too ŋą. Yai ə kɛ mą: «Háákələi, gɛɛ tɛɛ hvo tɔlɔɔ hvo hvaa, ə́ kaa pai lənəi mą́ą́ gee mɛ̨i haaɓa.»

Yálá laawoo hɛɓɛ

⁶¹ Gu Ną́mu Jesus ə tínɛ̨n ə ɲɛ̨i hee Piɛrə ɓa. Mɛ̨nį tii gu Ną́mu Jesus ə mo mą, nąą kili ə too ŋą. Yai ə kɛ mą: «Háákələi, gɛɛ tɛɛ hvo tɔlɔɔ hvo hvaa, ə́ kaa pai lənəi mą́ą́ gee mɛ̨i haaɓa.»

Bible

⁶¹ Nya ƃe Kúnuu-namui e tìnaŋ a gɛɛ e ŋɛi pìlaŋ Pitɛ ma. Mɛnii Kúnuu-namui e mòi, e nàa tòo Pitɛ kíli ŋá, yɛ̂ɛ berei e mò la ma, ǹyɛɛi, “Dɛ́ɛ-sirɛi e lɛɛ pâi ŋ̀óo pilîi sâa, ya pâi ḿaa-sia too la kɛ̂i saaƃa.”

Lukə 22:61 Referans Kwoze

Lukə 22:34

Jesus yɛ mą: «Piɛrə! Gáá moi yɛ́, háákələi, ə́ kaa pai lənəi mą́ą́ gee mɛ̨i haaɓa, tɛɛ yɛ tɛɠa hvaa.»

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Zôo 33:27

Yɛ́ tomą nuą ɲɛ̨i ɓa, yɛ kɛ diɛ: «Ŋą́ kɛi nɛ̨ŋɛ̨n ɉəɠə, ŋą́ kɛi túwɔ́ pələ ɲɔ̨n gulɔ, Kɛlaa Yálá nwɛi, hvo ɉón ni yɛ pələi ŋą́ túwɔ́ la.

M̀ɛni-lɛɛi 2:5

Ɓɛi ə́ too laa, ə́ kili hvilɛn nąą, ə́ tuwɔ pələ mąąhvalin, ɛlɛɛ, mɛ̨nį lɛlɛɛi ə́ kɛi gɛ tɔlɔɔ, 'ə́ gɛ. Yili hvo mą, gáá pai həlii yɛ́, ɛlɛɛ, yá wala ə́ túwɔ́ pələ mąą hvalin, gáá pai ə́ wɔɔ wulɔ nwɔ̨n ɉəɠəi ɉeei.

Ifisiɛŋ 2:11

Ká kili ə pu ɉu kani, káá, tɔlɔɔ-tɔlɔɔ, káá ŋɛ̨i kɛ hali yíi hu, ká kaa pələ hu, nuąi wɔlɔ kɛi di kpɔwɔ kaa a kɛ́nɛ̨lɛaa, a gɛ́nɛ̨i tii da gɛ nu kɔlɔ ɓa pələ, nuąi tii di kɛli ká təli a kɛ́nɛ̨ kpoloaɠaa;

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Ɉaan 13:38

Jesus yɛ mą: «Ya pɛli kpɔ ə́ haa mą́ą́ mɛ̨nį ɓa a tɛ̨ą! Gáá tɛ̨ą ɓoi yɛ, ə́ kaa pai lənəi mą́ą́ gee mɛ̨i haaɓa gɛɛ tɛ́ɛ́ hvo nwoo pili.»

Lukə 10:41

Ną́mu Jesus ə nwoo pulu pənə yɛ mą: «Martə, Martə, yaa ə́ liihɛlɛn a mɛ̨nį tamąą; ə lɛɛ, ə́ kpaaŋąa yili hu.

Lukə 7:13

Ɓɛlɔwai Ną́mu Jesus ə nɛ̨ɛ̨nui tii kaa la, ɲɛ̨imąąwɛli ə ɉon, ə mo mą yɛ mą: «Nɛ̨ɛ̨nu! Hvo wɔlɔ.»

Markə 5:30

Jesus ə gili kɔ́lɔn yɛ huwalawala taa aa kulɔ ɉu. Ə tinɛ̨n ə ɲɛ̨i hee bulu pələ yɛ diɛ: «Gbɛɛ ɓə ɲee hee nwɔ́ həɠəi ɓa?»

Maafîu 26:75

Piɛrə ə giliŋąhiɛ, nąąlɔwai mɛ̨nįi tii Jesus ə mo mą, nąą kili ə too ŋą. Yai tii Jesus ə kɛ mą: «Gɛɛ tɛ́ɛ́ hvo nwoo pili, ə́ kaa pai lənəi mą́ą́ gee mɛ̨i haaɓa, yɛ́ kɛ diɛ hvó gɔ́lɔn.» Piɛrə ə həɠə laa gwəli, ə li dɔ̨nɔ̨ kɛɛnąą, ə wɔlɔ kpɔ a nąą mąąwɛliɛ.

Maafîu 26:34

Jesus yɛ Piɛrə ɓa: «Gáá moi yɛ́ a tɛ̨ą, gɛɛ tɛɛ hvo nwoo pili háákələi kpinįi ŋɛ̨i hu, ə́ kaa pai lənəi mą́ą́ geemɛ̨i haaɓa.»

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Lukə 7:19

ə di tɔɔ Ną́mu Jesus pɔɔli, əgɛ, di mąąni kɛ, diɛ mą: «Akɛti, Nwun mąąɓomun Yálá ə naakwɛlanmo yaai ku kaa mąąkpɔn ɉi, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąąkpɔn?»

Lukə 22:60

Piɛrə yɛ mą: «Hulɔnu! Və́ ə́ woo kpaɠala kaai.» Nąąlɔwai pɔlɔɔ, tɛɛ tɔlɔɔ ə hvaa.

Lukə 22:62

Piɛrə ə kulɔ, ə wɔlɔ kpɔ a lii kələn gwəi.