Lukə 22:37 - Yálá laawoo hɛɓɛ (dc)

³⁷ Mąąhɔlɔɓo, gáá moi kaa, mɛ̨nįi ŋɛ̨i di bɛ̨ɛ̨ yɛ hvilɛn na mą́ą́, mąąnɛ̨ɛ̨ ə kɛ, yai di kɛ la diɛ: ‹Da mɛ̨nį ɲɔ̨n gɛ nuą di di tɔɔi kɛ tanɔ̨n.› Mɛ̨nįɠaai hvilɛn mą́ą́, bɔ mɛ̨nį kaa kɛi.»

Yálá laawoo hɛɓɛ

³⁷ Mąąhɔlɔɓo, gáá moi kaa, mɛ̨nįi ŋɛ̨i di bɛ̨ɛ̨ yɛ hvilɛn na mą́ą́, mąąnɛ̨ɛ̨ ə kɛ, yai di kɛ la diɛ: ‹Da mɛ̨nį ɲɔ̨n gɛ nuą di di tɔɔi kɛ tanɔ̨n.› Mɛ̨nįɠaai hvilɛn mą́ą́, bɔ mɛ̨nį kaa kɛi.»

Bible

³⁷ Kpɛ́ni fêi, ŋá mó kâa, fɛ̂ɛ Ŋ̀âla-wooi ŋi ŋa-see e kɛ́ ŋ́gbonôi, ǹyɛɛi, ‘E kɛ̀ a nonoɔ bɛlɛɛ dɔ̂ŋ-kara-ƃelai dîa’; kpɛ́ni fêi, nyii bɔ̃yɛɛ̂i e pîlaŋ ḿâi, ŋa-see-kɛi káa ma.”

Lukə 22:37 Referans Kwoze

Azaya 53:12

Yili ɓə gaa mą, gáá pai ɉeei nu kpulu lɔwai, da nu waa tamąą ɓə pai kɛi kɔ́ pulu hɛn ɲąąkwɛlɛi, mąąhɔlɔɓo, ə gili kulɔ gbɔwɔ hu, ə lɛɛ ɉu ə haa la, yɛ hvaa mą diɛ doo nɛ̨ŋɛn ɉəɠə nuą lɔwai, ə nu kpulu nwɔ hɔn ɲɔ̨n ɉee nwuɔ̨, ɛlɛɛ, yɛ nɛ̨ɛ̨mąą hvə nɛ̨ŋɛn gɛ nuą mąą mɛ̨nį ɓa.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Lukə 23:32

Voló tɔ̨nɔ̨i tii hu, di kɛi li a mɛ̨nį ɲɔ̨n gɛ nuą hveelɛ, əgɛ, di di kpanwo wulu ɓa da Jesus ni.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Ɉaan 17:4

Ŋą́ą́ Ə́ mąąwiɛ yɛnɛ̨ɛ̨ nuą ɲɛ̨i ɓa, gólói Ə́ dóó mą ŋą́ą́ gɛ.

Ɉaan 10:35

Ku gɔlɔn gbɔ yii Yálá laawoo a mo, mąą hvo nɛ̨ɛ̨li ku hvo ɉəɠə ma. Nuą ŋɛ̨i Yálá laawoo ə həli diɛ, ə di laa hee a Yálá pɛlɛɛɠaa.

Lukə 18:31

Jesus ə nwɔ nu pow kɔ́w hveelɛ təli, ə di lɛɠɛ mą di tɔ̨nɔ̨ kɛɛnąą, yɛ diɛ: «Ka ka wəli tɔɔ, gu tɛ hiɛ ka ŋɛ̨i Ɉerusalɛmə, ɛlɛɛ, mɛ̨nįi Yálá kwəi mɛ̨nį hukulɔ nuą di mo yɛ hvilɛn na Nu Lon ma, gəlee kaa pai kɛi.

Lukə 22:22

Tɛ̨ą li, Nu Lon kaa pai haai yɛ bələi bɛ̨ɛ̨ la nwuɔ̨. Kɛlaa, nui pai nąą lɛi, mąą nu nɛ̨ŋɛ̨n naai!»

Markə 15:27

Ɓɛi di Jesus kpanwo laa, di nu hveelɛ kpanwo gwɛlɛ, diɛ ɓo a toomɛ̨i kɛ nuą. Dɔ̨nɔ̨ yɛ ɓo mamįiyee hu, dɔ̨nɔ̨ yɛ ɓo gɔɓɛyee hu.

Lukə 22:36

Yɛ kɛa diɛ: «Kɛlaa yiihu kɛa, nui pɔlɔtimąnįn gaa ɲəi, ə ɉəɠə, nui ɓíi kaa ɲəi, ə ɉəɠə, nui ɓɔwa kwɛa hvo ɲəi, ə nwɔ həɠə lɔwɔ́tɔɔ ə da ya.

Lukə 22:52

Yili pulu, Jesus ə mo nuą tii pa ɉon ɉii diɛ, ɉala laa həli nuą kpɛa-kpɛaa, ə mą kɛ Yálá hee pɛlɛ́ mɛ̨i kaa nuą nwun nąmu, da nɔi kalanɉonŋąą diɛ, yɛ diɛ: kaa pa a ɓɔwa kwɛaɠaa da gbɔnŋąą yɛ da kɛi pa nwuɔ̨mun ɉon ɉi.

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Markə 15:28

Pələ ɓə mɛ̨nįi Yálá laawoo hɛɓɛ́ ə mo yɛ hvilɛn na Jesus ɓa, naa ə hon na. Yaai ə kɛ mą: «Di kaa pai gwɛdɛn ɉi mɛ̨nį ɲɔ̨n gɛ nuą lɔwai.»