Lukə 22:19 - Yálá laawoo hɛɓɛ (dc)

¹⁹ Yili pulu, ə nɛɠɛ həɠə, gbɛɛ kɛa a Yálá hɛɠɛɛɓoɔ, ə ɉu yali ə dɛɛ di pɔ, yɛ diɛ: «Yii ŋɛ̨i, gɔ́lɔ́ li gáá dɛɛi ka mąą mɛ̨nį ɓa, ka kɛ gɛi, kaa gíli too la ka ɲą.»

Yálá laawoo hɛɓɛ

¹⁹ Yili pulu, ə nɛɠɛ həɠə, gbɛɛ kɛa a Yálá hɛɠɛɛɓoɔ, ə ɉu yali ə dɛɛ di pɔ, yɛ diɛ: «Yii ŋɛ̨i, gɔ́lɔ́ li gáá dɛɛi ka mąą mɛ̨nį ɓa, ka kɛ gɛi, kaa gíli too la ka ɲą.»

Bible

¹⁹ Nya ƃe e kpólo sìɣe, tãi e sɛɣɛi-fei tɛ̀ɛ lai e zu ɣale, e dɛɛ dípɔ, ǹyɛɛi, “Ŋ́gbonôi ká ŋi [nyii a tɛɛ kámɛni mai. Ka nyiŋi kɛ́ ŋ́gili e lɛɛ káŋa.”

Lukə 22:19 Referans Kwoze

Korɛntə dɔlɔɔ 10:16

Núwɔ́ kpələ kɔwɔi gwa kɛ lúwɔ́ kɛi mą, hvo mɔ̨ɔ̨ gu tɔɔi kɛ tanɔ̨n Kristə ɲąmą hu? Nɛɠɛ gwa kɛ ɲąąkwɛlɛi gu gee lɔwai, yai a Kristə kɔlɔ, hva mɔ̨ɔ̨ gu yee lɔ gii hu gwa diɛ ni?

Lukə 22:20

Di kpɛɛ nwɔ̨nɔ̨ a di kɔ̨nɔ̨n mįiɛ, ə gbələ hɛnɲąŋą həɠə, ə dɛɛ di pɔ, yɛ diɛ: «Gbələ hɛnɲąŋą ŋɛ̨i kaa a mįnɛ̨ nįnɛ̨ həɠə hɛnɲąŋą, a ŋą́mą, yaai pui ka mąą mɛ̨nį ɓa.

Korɛntə dɔlɔɔ 10:4

ɛlɛɛ, di kəlee di di kpələ a Yálá-taa yá, Yálá-taa kwɛnii kɛ di pulu, Kristə li kɛ, yai di kpələyá ə kɛi kulɔ ɉu.

Mąątɛ̨nɛ̨ 111:4

Ə gɛ mɛ̨nį lɛlɛɛɠaa kili lɛɛ nuą ɲą, Yai-Laa nwɔ mɛ̨nį lɛlɛɛi, ɛlɛɛ nii nɛ̨ɛ̨ gwəi.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Lukə 24:30

Di kɛɛ yələ wilii laa mį́į́ kɛi da Jesus ni, Jesus ə Yáláhɛɠɛɛɓo nɛɠɛ tii mąą mɛ̨nį ɓa, ə ɉu tee ə nu kəlee nwɛi tɛɛ pɔ.

Maafîu 14:19

Yii kɛa di dɛɛ bɔ, ə mo diɛ yɛ diɛ: 'Ka mo nuą ŋɛ̨i diɛ, di kəlee di hee nɔi ɓa. Yili pulu, ə nɛɠɛ lɔɔli da Ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo. Yili pulu ə ɉu tee-tee ə dɛɛ nwɔ kalan nɛai pɔ, yɛ diɛ: Ka ŋąąkwɛlɛ nu kəlee ɓa.

Ɉaan 6:23

Yaan, kələn da kpɛliɠaa di həɠə Tiberiadə daai pələ, di pa, di həli ɓɛi Jesus ə Yálá hɛɠɛɛɓo laa kɔ̨nɔ̨n mąą nuą diɛ mįi.

Lukə 22:17

Yili pulu, ə gbələ hɛnɲąŋą həɠə, ə́ Yálá hɛɠɛɛɓo, yɛ diɛ: «Ka ɉon, nu kəlee ə da kpələ.

Wɛli 1:4

'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Tɛsalonikə dɔlɔɔ 5:18

'ká Yálá mąmąɓo mɛ̨nį lɔpee gəlee hu, hvó gaai, yili ɓə a Yálá liiɓa ká mąą mɛ̨nį ɓa Jesus Kristə hu.

Danîa 2:38

Yálá aa hvaa mą, aa nu lonnii, da lɔwɔi huwɔɠaa, ə mą kɛ yələi nwɛ̨nįɠaa di lɔ ə yee mu, aa ə́ hee di mɛ̨i. Yɛ́ ɓə ə́ kaa a mąąnįnįn ɉaɠaa tii nwun galən yai kɛ a hɛni.

Galatə 4:25

Mąąhɔlɔɓo Sinai kaa Arabə lɔi hu. Ɛlɛɛ, Agarə mukulaa ɓaa, Ɉerusalɛmə háákələi, yai a nuwɔ-nɛ̨ą da nonnii.

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›

Maafîu 15:36

Ə nɛɠɛ mɛ̨ihveelɛi tii həɠə da Ɉɔwɔleeɠaa, ə Yálá mąmąɓo. Yili pulu, ə gəlee hu tee-tee ə dɛɛ nwɔ kalan nɛai pɔ, yɛ diɛ: «Ka ŋąąkwɛlɛ nuą diɛ.»

Izikiɛ 5:5

Yai-Laa gu wɔ Yálái woo ka: Ɉerusalɛmə ka, ŋą́ ɉee lɔiɠaa hąmąi, mąą tinɛ̨nŋąą a lɔiɠaa.