Lukə 22:17 - Yálá laawoo hɛɓɛ (dc)

¹⁷ Yili pulu, ə gbələ hɛnɲąŋą həɠə, ə́ Yálá hɛɠɛɛɓo, yɛ diɛ: «Ka ɉon, nu kəlee ə da kpələ.

Yálá laawoo hɛɓɛ

¹⁷ Yili pulu, ə gbələ hɛnɲąŋą həɠə, ə́ Yálá hɛɠɛɛɓo, yɛ diɛ: «Ka ɉon, nu kəlee ə da kpələ.

Bible

¹⁷ Nya ƃe e kpele-kɔ̂ɛɛ sìɣe, e sɛɣɛi-fei tɛɛ, ǹyɛɛ, “Ka nyiŋi sìɣe, ka ŋ̀á kɔlɛ kákîe-ni loai;

Lukə 22:17 Referans Kwoze

Lukə 22:19

Yili pulu, ə nɛɠɛ həɠə, gbɛɛ kɛa a Yálá hɛɠɛɛɓoɔ, ə ɉu yali ə dɛɛ di pɔ, yɛ diɛ: «Yii ŋɛ̨i, gɔ́lɔ́ li gáá dɛɛi ka mąą mɛ̨nį ɓa, ka kɛ gɛi, kaa gíli too la ka ɲą.»

Mąątɛ̨nɛ̨ 116:13

Gáá pai málo mɛ̨nį mąą lɔɔ pui a kwəinɛ̨ɛ̨, gɛ́ Yai-Laa təli a naa.

Lomaŋ 14:6

Nui a yələ ta hviala ɓo, a gɛ ti yɛ gu Nąmu mąąwiɛ la. Nui a hɛn gəlee mįi, a gɛ tii, yɛ gu Nąmu mąąwiɛ la. Mąąhɔlɔɓo, a Yálá hɛɠɛɛɓo, gɔ̨nɔ̨n ti mąą mɛ̨nį ɓa. Nui hva hɛn gəlee mįi a gɛ ti, yɛ gu Nąmu mąąwiɛ la, yɛ Yálá hɛɠɛɛɓo.

Lukə 9:16

Jesus ə nɛɠɛ lɔɔli da ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo gɔ̨nɔ̨n tii mąą mɛ̨nį ɓa. Ə ɉəɠə ə dɛɛ nwɔ kalan nɛai pɔ, əgɛ, di ŋąąkwɛlɛ nuą diɛ.

Ɉeremi 16:7

Nui haa a too mą, di hva li bɔ a kɔ̨nɔ̨n. Ə mą kɛ, nee a haa, a wala kɛ tii, nąn a haa, di hva ɉaa lɔɔ pu.

Dutɛrɔnome 8:10

Ka káá pai kɛi kɔ̨nɔ̨n mįi, kaa pilɛ ɉu; kaa mąąwiɛ tɛɛ Yai-Laa ka wɔ Yálái pɔ nɔi lɛlɛɛ tii ə dɛɛ ka pɔ mąą mɛ̨nį ɓa.

Mąątɛ̨nɛ̨ 23:5

Yá kɔ̨nɔ̨n ɉee nííla, ɲówóɠaa ɲɛ̨i ɓa. Yɛ́ mąątí wulɔ mąąkun nɛ̨ɛ̨ lɔ nwún ma, nwɔ́ lɔɔi vili yɛ yɛɛ a gbamą.

Samuɛlə dɔlɔɔ 9:13

Ka lɛɛ kpɔlɔɔ tɛi taai, ka li ka həli mą, hvo tɛɠa kɛ pai lii ɉala kulɔi pələ. Mąąhɔlɔɓo, yaa tii ɓə nuą kaa mąąkpɔn ɉii; di hva pɛli kɔ̨nɔ̨n mįi dɔwɔ. Gbala ə tɔɔ, ya ɓə mąąnɛ̨ɛ̨ ə lúwɔ́ too ɉaláá kɔ̨nɔ̨n ma. Yili kɛɛ pulu ɓə, nuąi di di təli, da pɛli kɔ̨nɔ̨n mįi la. Ka li kɛa, nwɛi tii, ka káá lii gaai háákələi.»

Maafîu 14:19

Yii kɛa di dɛɛ bɔ, ə mo diɛ yɛ diɛ: 'Ka mo nuą ŋɛ̨i diɛ, di kəlee di hee nɔi ɓa. Yili pulu, ə nɛɠɛ lɔɔli da Ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo. Yili pulu ə ɉu tee-tee ə dɛɛ nwɔ kalan nɛai pɔ, yɛ diɛ: Ka ŋąąkwɛlɛ nu kəlee ɓa.

Maafîu 15:36

Ə nɛɠɛ mɛ̨ihveelɛi tii həɠə da Ɉɔwɔleeɠaa, ə Yálá mąmąɓo. Yili pulu, ə gəlee hu tee-tee ə dɛɛ nwɔ kalan nɛai pɔ, yɛ diɛ: «Ka ŋąąkwɛlɛ nuą diɛ.»

Maafîu 26:26

Ɓɛlɔwai di kɛi di kɔ̨nɔ̨n mį́į́ la, Jesus ə nɛɠɛ həɠə gbɛɛ kɛa a Yála hɛɠɛɛɓoɔ, ə ɉu tee-tee, ə ɲą́ą́ kwɛlɛ nwɔ kalan nɛai diɛ, yɛ diɛ: «Ka nɛɠɛi ŋɛ̨i hon kaa mįi. Ɲą́ą́ gɔ́lɔ li.»

Markə 14:22

Di kɛɛ; di kɔ̨nɔ̨n mɛ̨ɛ̨i, Jesus ə nɛɠɛ həɠə gbɛɛ kɛa a Yálá hɛɠɛɛɓoɔ, ə ɉu tee-tee ə dɛɛ nwɔ kalan nɛai pɔ, yɛ diɛ: «Ka nɛɠɛ ŋɛ̨i hon ka mį́i, yii kaa a gɔ́lɔ́.»

Korɛntə dɔlɔɔ 10:16

Núwɔ́ kpələ kɔwɔi gwa kɛ lúwɔ́ kɛi mą, hvo mɔ̨ɔ̨ gu tɔɔi kɛ tanɔ̨n Kristə ɲąmą hu? Nɛɠɛ gwa kɛ ɲąąkwɛlɛi gu gee lɔwai, yai a Kristə kɔlɔ, hva mɔ̨ɔ̨ gu yee lɔ gii hu gwa diɛ ni?

Korɛntə dɔlɔɔ 11:23

Hvo gaai nwɛ́i, yii ŋį́ ɉɔlɔɓo gu Ną́mu yəi, ya ka, ɛlɛɛ, ya ɓə gáá dɛɛi ká pɔ: Gbįnįi ŋɛ̨i di gu Ną́mu lɔ́wɔ́tɔɔ la, mąą kpįnįi tii, ə lɛɠɛ həɠə,