Lukə 21:37 - Yálá laawoo hɛɓɛ (dc)

³⁷ Akɛ a yələ ɓɔɔ, Jesus ə kɛi li Yálá hee pɛlɛ́ mu yɛ nuą kalan. Yələ wilii pɔ, ə kɛi li yɛ yii Olivə yee ɓa.

Yálá laawoo hɛɓɛ

³⁷ Akɛ a yələ ɓɔɔ, Jesus ə kɛi li Yálá hee pɛlɛ́ mu yɛ nuą kalan. Yələ wilii pɔ, ə kɛi li yɛ yii Olivə yee ɓa.

Bible

³⁷ Nya ƃe ɣele kélee è kɛ̀ Ɣâla-woo lɛ̂i Ŋ̀âla-pɛrɛ Kɛ́tɛi mu. À kɛ̀ tí, kpíni kélee gɛ́ lì, gɛ́ nyìi ǹyéei ma da kɛ̂ ma Ŋulɔ-wuru-Yeei.

Lukə 21:37 Referans Kwoze

Lukə 22:39

Nąąlɔwai tii, Jesus ə kulɔ, yɛ li Olivə yee ɓa, yɛ bələi a gɛ la a bɔlɔ; nwɔ kalan nɛai di ɓo bɔ.

Markə 11:19

Yələ wulii həliɛ kɛa, Jesus da nwɔ kalan nɛai di kulɔ daai.

Maafîu 26:55

Yili pulu, Jesus yɛ ɉon nuą diɛ: «Akɛti, ka kɛi pa ɉón ɉii, hvo kɛ li ka pa a gbɔn da ɓɔwa kwɛaaɠaa, yɛ ŋą kɛ a mɛ̨nį ɲɔ̨n gɛmun? Yaan, ŋį́ kɛ lɔ ka pɔ a hvóló kəlee, gɛ́ nuą kalan Yálá hee pɛlɛ́ mu, ka hvo kɛ ɉón ni nąąlɔwai.

Maafîu 21:17

Yili pulu ə di lɛɛ laa ə pənə ə li Bɛtani daai ə yii laa.

Maafîu 21:1

Ɓɛlɔwai Jesus da nwɔ kalan nɛai di kɛi həli la Ɉerusalɛmə, di tɛ taa lon da hu, yii da kɛ mą Bɛtfaze, Olivə yee koo mu. Jesus ə nwɔ kalan nɛai veelɛ tɔɔ taai yɛ diɛ:

Gɛlaɠaa 1:12

Ɲee ti galan nɛa di kɛ donna Jesus yɛ tɛ yələkɔlɔn ɉu naa ɓa kɛ a Olivə-yee; ɲee ti mąą hvo kɛ kwɛa li Ɉerusalɛmə ɓa, di lɔwai hiɛ a pɛli kɛi a pələ kələn dɔ̨nɔ̨. Galan nɛa di həɠə kɛa ɲee ɓa, di pa taai.

Ɉaan 12:1

Pakə hɛli ə lɛɛ pulu a hvoló mɛ̨ida, Jesus ə li Bɛtani Lazarə ŋɛ̨i ə nwun ə gulɔ haaɓɛlaa lɔwai di pɔ taai.

Lukə 19:37

Di kɛɛ kɛa olivə yɛɛi, nwɔ kalan nɛai kəlee kwəinɛ̨ɛ̨i kɛ, diɛ Yálá hɛɠɛɛɓo a di woo kɛnɛ̨ɛ̨, gbalo mɛ̨nįɠaai di gaa mąą mɛ̨nį ɓa.

Markə 11:12

Mąą yələ laa ɓoɔ, di kulaa kɛa Bɛtani daai, pulu ə Jesus hon.

Maafîu 26:30

Yili pulu, nwələi wɔlɔ Moisə ni di kɛi doo pakə hɛli hu, di doo, di kulɔ diɛ tɛ Olivə yee ɓa.

Zakari 14:4

Mąą yələi tii, gaa pai gɔwɔɠaa hvilɛn ɉii Olivə yee nwuɔ̨, yai tii Ɉerusalɛmə tənən ma, voló kulɔi pələ. Olivə yee kaa pai ɓɛlai ɉɛ̨ąi, ə həɠə voló kulɔi pələ, ə li voló tooi pələ. Ɛlɛɛ, nąą mąą kaa pai pənəi a nɛ̨ŋɛ̨ lɔi kɛnɛ̨, ɲee bələ tɔ̨nɔ̨ kaa pai lii ɲələi pələ, bələ tɔ̨nɔ̨ ə li ɉɛɠɛɛ pələ.

Markə 14:49

Hvóló kəlee gwa kaa ni gu kɛ lɔ gu kee ɓa, gɛ́ kalan gɛ Yálá hee pɛlɛ́ mu, ka hvo kɛ ɉón ni nąąlɔwai tii hu; kɛlaa, yili aa kɛ tii, ə gɛ, yii Yálá laawoo hɛɓɛ́ ə mo naa ə hon.»

Lukə 19:29

Nɛɠɛɛ kɛa Bɛtfaze da Bɛtani taa diɛ; diɛ ŋɛ̨i di kaa Olivə yee koo mu, ə nwɔ kalan nɛai veelɛ tɔɔ tɔwɔ.

Lukə 19:47

Jesus ə kɛi nuą kalan hvóló kəlee Yálá hee pɛlɛ́ mu. Ɉaláá laa həli nuą kpɛa-kpɛaɠaa, tɔ́n galamɔ̨ɔ̨ɠaa da nɔi kalanɉonŋaa di kɛi baa pələ kwɛli.

Ɉaan 18:2

Ɉudasə ŋɛ̨i Jesus lɔwɔ́tɔɔ, ə kɛ a gɛɛnąąi tii kɔ́lɔn ŋąą, mąąhɔlɔɓo, Jesus da nwɔ kalan nɛai di kɛi li laa kɛlɛ-kɛlɛ.