Lukə 21:36 - Yálá laawoo hɛɓɛ (dc)

³⁶ Ka hvo yii, ka Yálá hvɛli a lɔwai kəlee; ya ɓə a gɛ, huwalawala ə hɔlɔɓo ka yəi, mɛ̨nįɠaa ŋɛ̨i pai pai ka kulɔ ɉu, ə lɛɛ, ka tɔɔ kpaan tinąą Nu Lon lííla.»

Yálá laawoo hɛɓɛ

³⁶ Ka hvo yii, ka Yálá hvɛli a lɔwai kəlee; ya ɓə a gɛ, huwalawala ə hɔlɔɓo ka yəi, mɛ̨nįɠaa ŋɛ̨i pai pai ka kulɔ ɉu, ə lɛɛ, ka tɔɔ kpaan tinąą Nu Lon lííla.»

Bible

³⁶ 5Kɛ́lɛ, ka kámɛi káa a tãi kélee. Ka Ɣâla fɛli a gɛɛ kákponôi e kpanaŋ, ka kula mɛni-ŋai ŋi kélee su pâi, a gɛɛ ka tɔɔ núu-kpune Ǹóŋ ŋɛi.”

Lukə 21:36 Referans Kwoze

Zɔ̂ŋ Maa-ŋuŋ 2:28

Yili ɓa, nónnii pɛlɛɛɠaa, 'ká ká heei kulɔ kani ɉu, əgɛ, ɓɛlɔwai gaa pai kulɔi la pono ɲą, gu kilitɔɔmąą laa walawala hɔlɔɓo, ɛlɛɛ, ba yələ, gu ɲɛ̨i hvo paa a nwumɛ̨ a gu mąąkwɛai da mo mą.

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Maafîu 25:13

Jesus yɛ nwɔ kalan nɛai diɛ: «Ka ka kpɔɔ mɛ̨i kaa, ka kɛ gili-gili. Mąąhɔlɔɓo, ka hvo Ną́mu pa yələ kɔ́lɔn, ka hvo bai lɔwai kɔ́lɔn.»

Maafîu 24:42

Ka ka kpɔɔ mɛ̨i kaa, ka kɛ gili-gili. Mąąhɔlɔɓo, ka hvo ka Nąmu pai lɔwai kɔ́lɔn.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Lukə 18:1

Jesus ə ɉanwon ŋɛ̨i hɔɔ diɛ, əgɛ, ə nɛ diɛ, yɛ diɛ: ka hvo kpəla Yálá hvɛliɛ ɓa.

Markə 13:33

Ka ka kpɔɔ mɛ̨i kaa, ka hvo yii. Mąąhɔlɔɓo, ka hvo nąąlɔwai kɔ́lɔn.

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,

Maafîu 26:41

Ka lɛɛ a ka ɲɛ̨i ka Yálá hvɛli, ə gə, ka hvo pa too ɲąąhɛn mɛ̨nį hu. Nu kili huwalawalai, kɛlaa, nu kɔ́lɔ hviikpɛɛi.»

Malasi 3:2

Akɛtii, voló tii gaa pai pai la, nu ta kaa pai lɛɛi yɛnɛ̨ɛ̨ ɓəi? Akɛtii, nu taɠaa kaa pai lɛɛi tɔɔni ɓəi, ɓɛlɔwai gaa pai kulɔi la pɔ̨nɔ̨ŋą? Gaa pai kɛi yɛ: nwɔ̨n da kwɛli həɠeen na, diɛ bu. Gɛ pələ a kɛ yɛ: haahvinɛ̨i gbolo-kɔw kɛnɛ̨i ɉu.

Tɛsalonikə dɔlɔɔ 5:17

'ká hvo kpɛla Yálá hvɛliɛ ɓa,

Markə 13:37

Mɛ̨nįi ŋɛ̨i gáá moi kaa, gáá moi nu kəlee ɓa, gɛ́ nu kəlee ə gbɔwɔ mɛ̨i kaa, ka hvo yii.»

Timote veelɛ 4:5

Kɛlaa ə́ wɛi, ə́ yee kɛ ə́ kpɔwɔ ɓa mɛ̨nį kəlee hu, ə́ liikpələ mɔ̨nɔ̨ mu, ə́ kpɔwɔ kɛ a nwɛlɛɛ lɛlɛɛ laa həli mun, ə́ kɛ kóló kɛ ə́ naa kulɔ.

Kolosə 4:2

Ká ká hvaŋąlɔ Yálá hvɛliɛ hu, ə ɲee kɛ káá, káá pɛli mɛ̨inɛ̨ɛ̨ hu kɔlɔn ɉii.

Gɛlaɠaa 10:2

Dələnmoɔ kɛ yɛ ɲɔw Yálá ɓa da ɲəi bɛlɛ́n nuą kəlee. Ə kɛli mɛ̨inɛ̨ɛ̨ kɛ Ɉuifəɠaa diɛ, yɛ Yálá hvɛli a yələ kəlee.

Mąątɛ̨nɛ̨ 1:5

Yili ɓa, nu ɲɔ̨nwɔ̨ɔ̨ɠaa di hva di tɔɔi hɔlɔɓo, a giti tee yələ, nuąi lan bələ mɛ̨i, di hva di heei hɔlɔɓo tələnmo nuą di wɔ kpɔn hu.

Zôo 27:10

A pɛli mɔ̨ɔ̨ galihva ɓoi Huwalawala Kəlee Nąmu ɓa, a pɛli mɔ̨ɔ̨ Yálá təlii a lɔwai lɔpee.»

Lukə 20:35

Kɛlaa, nuą di mąąnɛ̨ɛ̨i di nwun, di kulɔ haa yəi; di lɔ ɲɛnɛ̨ɛ̨ nįnɛ̨i pai ɉu, nɛ̨ą həɠə mɛ̨nį hvo diɛ, hilɛ həɠə mɛ̨nį hvo diɛ.

Ɉeremi 35:19

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ: ‹Rekavə lon Yonadavə nwɔ nu hvo pai kpɛɛi nííla a yələ kəlee.›»

Maafîu 8:20

Jesus ə mo mą yɛ mą: «Kɛlɛnŋąa lɔ wolo kaa di yəi, ə mą kɛ nwɛ̨nįɠaa taa kaa di yəi. Kɛlaa, kɛɛnąą ta hvo kpɛli Nu Lon yəi ɓɛi a vįitɔɔ laa.»

Maafîu 24:43

Ka gɔlɔn kaa diɛ, akɛ pɛlɛ́ nąmu ə nwuɔ̨mun bai lɔwai kɔ́lɔn, mąą kpinįi tii, hva yii kɛ; ə gɛ, di hvo pa nwɔ pɛlɛ́i laa yali di hvo mu hɛnŋąą həɠə.

Maafîu 24:44

Yili ɓə gaa mą, ka gɛ a nəlɛɛ, ka kɛ gili-gili. Mąąhɔlɔɓo, Nu Lon gaa pai pai a ɲələ yii ka kili hvo mą.»

Lukə 1:19

Yálá nwɔ malaka ə nwoo pulu pənə yɛ mą: «Ɲą́ą́ ɓə da kɛ mą́ą́ Gabriɛlə. Gáá Yálá yəi a nwɔ kɛla. Yaa ɓə dɔ́ɔ́, əgɛ, ŋį́ nwɛlɛɛ nɛɛ ŋɛ̨i ɓo yɛ́.

Lukə 21:35

Mąąhɔlɔɓo, gaa pai pui yɛnɛ̨ɛ̨ nuą kəlee mɛ̨i yɛ pələi da diŋɛ̨n bili la yai.

Korɛntə veelɛ 4:14

Hvo gaai, ku kili kaa ɉu kuɔ, nui gu Nąmu Jesus nwun haa nuą lɔwai, gaa lɔ pai gu nwun ɉii tii gwa Jesus ni, yɛ gwa káá ni gu heei kulɔ gwɛlɛ.

M̀ɛni-lɛɛi 6:17

Hvo gaai, ɲələ aa ɉəli, yai a ŋą liiŋąnwąną hvóló kɛnɛ̨i, ɛlɛɛ, gbɛɛ ɓə pai kulɔi ɉu?»

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.

M̀ɛni-lɛɛi 8:2

Ɛlɛɛ, ŋą́ ɲɛ̨́i hee, malaka mɛ̨ihveelɛi kɛ tɔɔni Yálá lííla, ŋą́ di kaa. Di tulu mɛ̨ihveelɛ tɛɛ di pɔ.

M̀ɛni-lɛɛi 11:4

Diɛ ɓaa: Olivə wulu hveelɛi, ɛlɛɛ, nwulɔ nwɔ̨n ɉee hɛn veelɛi, di kaa nɔi Nąmu líílai.