Lukə 21:25 - Yálá laawoo hɛɓɛ (dc)

²⁵ «Mɛ̨nįɠaa kaa pai kɛi hvóló ɓa, da yɛ kɛ ɲąnįn ma da pɛmɛ̨nɛ̨n gɔwɠaa. Lɔi mɛ̨i da, gboloyá hu tin gɛ pələ, yɛ liihɛlɛn doo nuą diɛ.

Yálá laawoo hɛɓɛ

²⁵ «Mɛ̨nįɠaa kaa pai kɛi hvóló ɓa, da yɛ kɛ ɲąnįn ma da pɛmɛ̨nɛ̨n gɔwɠaa. Lɔi mɛ̨i da, gboloyá hu tin gɛ pələ, yɛ liihɛlɛn doo nuą diɛ.

Bible

²⁵ “Ŋɛi-kɛ-maa-ŋa da pâi kɛ̂i voloi su, da ŋ̀áloŋ, da bɛmɛlɛŋ-kaoi ma. À kɛ̀ ti, yao kɛ́tɛ a pâi kɛ̂i zîi-ŋai sama dípɛlɛ e pu a yuo too tiŋ kpaya-kpayai, bɛlɛɛ nya-ɣiliŋ-ŋai dîa,

Lukə 21:25 Referans Kwoze

Azaya 13:10

Yələkwəi pɛmɛ̨lɛ̨n-gɔwɠaa, da di kpulu heeiɠaa, di hva kɛa lən, hvóló hu a kpinį a muhəɠəi lɔwai, ɲąnįn va kɛa hvələ.

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Azaya 24:23

Ɲąnįn ɲɛ̨i mąą kaa pai wɛlii, nwumɛ̨ ə tɛ a hvóló, a tɛ̨ą, Yai-Laa Mɛ̨nį Kəlee ŋą Hééɓomun ya ɓə tɔɔlaa kɛi Siɔn yee nwuɔ̨; da Ɉerusalɛmə daai, nwɔ mąąwiɛ hu galanɉonŋąą ɲɛ̨i ɓa.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.

Gɛlaɠaa 2:19

Ŋą́ mɛ̨nįɠaa kɛ yələ kwəi, yii ɉuwu ta hvə ta kɛli, ŋą́ kpalo mɛ̨nįɠaa kɛ lɔi mɛ̨i, ɲąmą da nwɔ̨n, ə lɛɛ lulu.

Azaya 51:15

Ɲą́ą́ ɓə gáá a Yai-Laa ə́ wɔ Yálá, yai a wəleen ɉee gboloyá hu, yilinŋąą diɛ huluun, naa ɓaa Yai-Laa Mɛ̨nį Kəlee ŋą Hééɓomun.

Markə 13:26

Nąąlɔwai, nuą da Nu Lon kaa kɛa ɉiɛ tulɔ kpiliɠilin mɛ̨i huwalawala kɛnɛ̨ da mąąwiɛ kɛnɛ̨ hu.

Markə 13:24

«Kɛlaa, nąąlɔwai mɔ̨nɔ̨ kɛnɛ̨i tii tɛɛ pulu, hvóló a tɛɠi, ɲąnįn hva kɛa hvóló.

Maafîu 24:29

«Mɔ̨nɔ̨ kpɛa-kpɛa tii tɛɛ pulu, ɲąąɓa, hvóló a tɛɠi, ɲąnįn hva kɛa hvóló, pɛmɛ̨lɛ̨n-gɔw diɛ kulɔ yələi diɛ too. Huwalawalaɠaai yələ kwəi, da kpɛlin.

Mąątɛ̨nɛ̨ 46:3

Yili mąą mɛ̨nį ɓa, ku hva pɛli ɲɔwi, lɔi ə mą kɛ tɔɔi takpa takpa, yeeɠaa diɛ pu gboloyá hu.

Markə 15:33

Ə kɛ a hvóló tɛɛ nwun ma lɔwai, kpinį ə pɛlɛ lɔi mɛ̨i nąą kəlee ə lɛɛ la ɉu, ə kɛ a lɛɛlɛ haaɓa.

Ɉeremi 4:23

Ŋą́ ɲɛ̨i hee lɔi mɛ̨i, ŋį́ yələi kaa, kɛɛ pɔ̨nɔ̨ hvo laa.

Azaya 5:30

Kɛlaa mąą hvólói tii, da tómą mɛ̨i, ə ɓo yɛ gboloyá a kɛi huluun, da di ɲɛ̨i hee nɔi mɛ̨i, ɉɛn da gaa, ya ɓaa kpinį, da mąąwɛli mɛ̨nį, hvóló hu a kpinį a nąląąn ɉu wiaa.

Maafîu 27:45

Ə kɛ a hvóló tɛɛ nwun mą lɔwai, kpinį ə pɛlɛ lɔi mɛ̨i nąą kəlee ə lɛɛ ɉu, hvóló ə gɔwɔ kulɔ mu.

Mise 7:4

Nui ɉɔn nɛlɛɛ di lɔwai, gaa yɛ ɲąąlən, dələnmomun di lɔwai, ɲɔ̨nwɔ̨ɔ̨ dɛɛ ɓomodiliin ma. Ɲələi ə́ wɔ kɔ́ nɛ̨lɛ̨ɛ̨n naa nuą di vaa ɓo, ə́ ə́ kɛ mɛ̨nį kɛ a ɲələ; daa nwumɛ̨.

Azaya 17:12

Mąąwɛli mɛ̨nį ka! Nu kpulu kɛnɛ̨i lono hvo mą, di huluun nwoo kaa tɔɔi, di huluun nwoo yɛ tɔɔ, yɛ gboloyá a kɛi huluun, di kaa huluun ɉii yɛ ya leeɠaa da kɛi huluun.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Lukə 21:26

Nuą da di kiliŋąhiɛ, mɛ̨nįi pai kɛi lɔi mɛ̨i mąą mɛ̨nį ɓa, diɛ haa a ɲɔw. Mąąhɔlɔɓo, hɛnŋąa kpɔ di kaa yələ kwəi, da həɠə di tɔɔi.