Lukə 21:16 - Yálá laawoo hɛɓɛ (dc)

¹⁶ Ka káá nuą, ka kaayɔwɔɠąa ə mą kɛ ka ɓɛlaa, di kaa pai kɛi ka tɛŋɛn gwɛlɛi. Di kaa pai nu tamąą paai ka lɔwai.

Yálá laawoo hɛɓɛ

¹⁶ Ka káá nuą, ka kaayɔwɔɠąa ə mą kɛ ka ɓɛlaa, di kaa pai kɛi ka tɛŋɛn gwɛlɛi. Di kaa pai nu tamąą paai ka lɔwai.

Bible

¹⁶ Kánâŋ-ni máŋ da kálee-ni, kálee-kaa-surɔŋ, kánûa, da káƃarâai da pâi kátɛɛ̂i. Da pâi káta-ni-ŋai paai.

Lukə 21:16 Referans Kwoze

Lukə 12:53

Lon ɉulɔnu a pɛlɛ nąn ma. Lon gaa-nąn a pɛlɛ non ma. Lon nɛ̨ɛ̨nu a pɛlɛ nee ma. Lon gaalee a pɛlɛ non nɛ̨ɛ̨nu ɓa. Yolaa-nɛ̨ą a pɛlɛ nonnɛ̨ą ɓa. Hulɛtaa nɛ̨ą a pɛlɛ ɉilɛ-nee ɓa.»

M̀ɛni-lɛɛi 6:9

Ɓɛlɔwai ə gɔlɔn ɉɛn nɔɔlinąą holoon na. Ŋą́ nįiɠaa kaa ɉaláá kulɔi kɔwɔ mu, di kɛ a nuąi daa di kulɔ a haláá, Yálá laa woo mąą mɛ̨nį ɓa, ɛlɛɛ, da gɛla hvaai di mo mąą mɛ̨nį.

Ɉeremi 9:4

Diɛ di kee ni ɓowo. Nu ta hva tɛ̨ą ɓo, daa di nɛn mąą kwɛli lɛɛ kɛɛ ɓa. Daa kala, di hva kɛa pɛli pənəi di hvo pa bɔ́. Di hɔn mąą hva kɛa hvalin.

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

Gɛlaɠaa 12:2

Ə Ɉaan niɛ Ɉakə paa a ɓɔwa kwɛa.

Gɛlaɠaa 7:59

Di kɛɛ Etiɛnə hɔɔi a gwɛni, ə kɛi kpɔlɔ Yálá hvɛli yɛ kɛ mą: «Ną́mu Jesus, ə́ yee hee nį́į́ mu.»

Markə 13:12

Nuą kaa pai kɛi di kaayɔɠaa tɛŋɛ̨n gwɛlɛi, ə gɛ, di di paa. Lon gaa nuą diɛ kpɛli diɛ gɛ tii a di lonni. Lon yɛ muhəɠə gaa mun naa ɓa, baa mɛ̨nį ɓa.

Maafîu 10:21

«Nuą kaa pai kɛi di kpɔ-kpɔɔ ləɠəni paai, nu taɠaa diɛ yili ɲɔ̨nwɔ̨mąn gɛ a di lonnii. Lon yɛ pɛlɛ gaamun ma, baa mɛ̨nį ɓa.

Ɉeremi 12:6

Yaan, ə mą kɛ, ə́ nąn nonnii, a ə́ yəi bɛlɛ́n nuą kpɔ-kpɔɔ daa kulɔ ə́ pulu. A tɛ̨ą, di kaa nu kpulu ɲąą tɛi yɛ́ ə́ tɛɠii, hvó ə́ kili lɛɛ diɛ, ə mą kɛ di kaa pələ nɛɛ ɓoi yɛ́.

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Lukə 21:17

Ka wɛli kaa pai kpɛɛi nu kəlee ɓa, náá mąą mɛ̨nį ɓa.