Lukə 21:1 - Yálá laawoo hɛɓɛ (dc)

¹ Jesus ə́ kɛ Yálá hee pɛlɛ́ mu, mɛ̨nįɠaai kɛi tɛɛ yɛ gaa. Ə hɛn gɔw nąmįną kaa diɛ pa diɛ Yálá kɔ́ a di yəi hɛn gɔwɠaa.

Yálá laawoo hɛɓɛ

¹ Jesus ə́ kɛ Yálá hee pɛlɛ́ mu, mɛ̨nįɠaai kɛi tɛɛ yɛ gaa. Ə hɛn gɔw nąmįną kaa diɛ pa diɛ Yálá kɔ́ a di yəi hɛn gɔwɠaa.

Bible

¹ Zîsɛ e ŋɛi mu sìɣe e dɔɔ-ƃelai kaa, díkɛ dísama-sãai too zɛŋ-kao laai-kɛ-kwaai ma;

Lukə 21:1 Referans Kwoze

Ɉaan 8:20

Jesus ə kɛ tɔɔni Yálá kɔ́ hɛn ɲąŋą kwɛlɛ yɛ nwooɠaa tii ɓo, ɓɛlɔwai ə kɛi nuą mąąkwɛli la Yálá hee pɛlɛ́ mu. Nu ta hvo pɛli ɉon ɉi, mąąhɔlɔɓo, ɲələ hvo ni kɛ ɉəli li.

Maafîu 27:6

Ɉaláá laa həli nuą kpɛa-kpɛa nwun nąmįną di nwali yɛɠɛ, diɛ diɛ: «Guɔ tɔ́n yɛ nwali huwu yii mąą hvo nɛ̨ɛ̨li guɔ Yálá kɔ́ hɛn gɔw hu. Mąąhɔlɔɓo, ɲąmą hɛn gɔw li.»

Kɔlɔnikɔ Veerɛi 36:18

Yálá yəi bɛlɛ́n ɉɛnŋąą kəlee, gbɛa-kpɛaa mąn, bɛlɛɛɠaa mąn, Yai-Laa ŋą pɛlɛ́i mu hɛn gɔwɠaa, tɔɔmun ŋą pɛlɛ́i mu hɛn gɔwɠaa, ə mą kɛ, galanɉonŋąą di wɛi, di gəlee həɠə di li la Babilonə.

Nehemi 13:13

Ŋą́ mo gɛ́ diɛ, di ɉɛnŋąą tii tɛɛ ɉaláá laa həli mun Selemia pɔ, ə mɛ̨ikaa, da ɉɛɓɛ́ pɛɛ mun Sadɔkə, da Pedaya, yai kɛ a Levi ta, ə lɛɛ, Matania lon Ɉakurə, nwɔ lon Hanan, mąąhɔlɔɓo, nuą lɔwai ə kɛ a nu tələnmoɔ ta. Dɛi tii ɓə kɛ da ɉɛnŋąą ɲąąkwɛlɛ di kaayɔwɔɠaa diɛ.

Tɔɔɓɛlaa veelɛ 24:13

Ə li a Yai-Laa yəi bɛlɛ́n ɉɛnŋąą kəlee da tɔɔmun ɲəi bɛlɛ́n ɉɛngu kəlee. Ɉaláá kulɔ hɛnɠaa kpɔ Israɛlə tɔɔmun Salomɔn ə di pɛli, ə gəlee kala. Mɛ̨nį Yai-Laa ə mo, nąą ə hvɛɛla.

Zasua 6:19

Walii kpɔ gaa ɓɛ, da hɛni, hɛn nɔpee gaa a ɓala kwɛli, da kwɛli kpɔ-kpɔ, gəlee kaa a Yai-Laa nwɔɔ, yili a lɔ Yai-Laa nwɔ hɛn gɔwi hu.»

Tɔɔɓɛlaa dɔlɔɔ 14:26

Ə Yai-Laa nwɔ pɛ́lɛ́i mu hɛnŋąą kəlee həɠə, da tɔɔmun ɲəi bɛlɛ́n hɛn gɔwɠaa, ə gəlee həɠə kpɔ tɛ̨ɛ̨tɛ̨ɛ̨, ə mą kɛ, gɔ́kɔ gbalaɠaai Salomɔn ə bɛli a ɉɛni, ə gəlee həɠə.

Zasua 6:24

Yii ɓaa daa nwɛi, di nwɔ̨n nɔ ɉu, di gəlee kələn, hvo kɛ li: wali, da hɛni, ɛlɛɛ, da ɉɛnŋąąi kɛ a ɓala kwɛli, da kwɛli kpɔ-kpɔɔ, di yiliɠaa pu Yai-Laa nwɔ hɛn gɔw kəhii hu ɲəi bɛlɛ́n.

Tɔɔɓɛlaa veelɛ 12:9

Ɉaláá la həli nuą di hvaa mą, di hvo kɛa kɛi wali hon nuą yəi, ɛlɛɛ, bɛlɛ́ pɛli mɛ̨nį hvo kɛa kɛ di nwuɔ̨.

Lukə 20:47

Da too galanən nɛ̨ą mɛ̨i di di yəi hɛnŋąa həɠə, ɛlɛɛ, diɛ lamun Yálá hvɛliɛ hu, əgɛ, di di kpɔwɔ lɛ a nu lɛlɛɛɠaa, di wɔ gahoi kaa pai walawalai.»