Lukə 19:28 - Yálá laawoo hɛɓɛ (dc)

²⁸ Yii kɛa ə kpɛɛ a nwooɠaai tii ɓoɔ, ə tɛɛ di tɔwɔ yɛ tɛ Ɉerusalɛmə pələ.

Yálá laawoo hɛɓɛ

²⁸ Yii kɛa ə kpɛɛ a nwooɠaai tii ɓoɔ, ə tɛɛ di tɔwɔ yɛ tɛ Ɉerusalɛmə pələ.

Bible

²⁸ Gɛɛ a nyíŋi ƃói, e lì dítuɛ Zerusâlɛŋ.

Lukə 19:28 Referans Kwoze

Lukə 9:51

Ɓɛlɔwai Jesus ə kɛi pa həɠəi la lɔi mɛ̨i yɛ tɛ yələi, nąąlɔwai kɛɛ kɛa həli, ə niikpələ kpɔ, ə ɲɛ̨i walawala yɛ li Ɉerusalɛmə.

Piɛrə dɔlɔɔ 4:1

Yili ɓa, yɛ bələi Kristə ə mɔ̨nɔ̨ mįi la kɔ́lɔ hu, káá kpɛlimąn, giliŋąhiɛ tanɔ̨n tii ə kɛ káá; nui a mɔ̨nɔ̨ mįi kɔ́lɔ hu, a kɛ ti, da nɛ̨ŋɛ̨n daa di hvalaɓo,

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Lukə 18:31

Jesus ə nwɔ nu pow kɔ́w hveelɛ təli, ə di lɛɠɛ mą di tɔ̨nɔ̨ kɛɛnąą, yɛ diɛ: «Ka ka wəli tɔɔ, gu tɛ hiɛ ka ŋɛ̨i Ɉerusalɛmə, ɛlɛɛ, mɛ̨nįi Yálá kwəi mɛ̨nį hukulɔ nuą di mo yɛ hvilɛn na Nu Lon ma, gəlee kaa pai kɛi.

Lukə 12:50

Mą́ą́ waa mɛ̨nį niihɛlɛn gaa mą́ą́, hvo kɛli naa ə kulɔ.

Ɉaan 18:11

Jesus yɛ Piɛrə ɓa: «Ə́ wɔ ɓɔwai lɔ daai. Gbələ kɔ́wɔi Ną́n ə dɛɛ bɔ́, yɛ́ və́ gbə́lə la?.»

Lukə 10:30

Jesus ə nwoo pulu pənə yɛ mą: «Hulɔnu ta ə həɠə Ɉerusalɛmə, yɛ li Ɉeriko daai. Mɛ̨nį ɲɔ̨n gɛ nuą di wolo ma bələi, di gɛlɛ, di mąą hɛnŋąa kəlee kulɔ ɲəi, di nɛɛ laa too ni a nɛɠɛ, diɛ li.