Lukə 18:12 - Yálá laawoo hɛɓɛ (dc)

¹² Ŋą́ hin nɔ gee mɛ̨i hveelɛ lɔwɔ tɔ̨nɔ̨ yee mu, gɛ́ nwɔ́ hɔlɔɓo hɛnŋąa kəlee bow nąą tɛɛ ə́ pɔ.›

Yálá laawoo hɛɓɛ

¹² Ŋą́ hin nɔ gee mɛ̨i hveelɛ lɔwɔ tɔ̨nɔ̨ yee mu, gɛ́ nwɔ́ hɔlɔɓo hɛnŋąa kəlee bownąą tɛɛ ə́ pɔ.›

Bible

¹² Ŋa pîli suŋ su a ɣele feerɛ lɔku kélee yée mu. Sɛŋ kélee ŋa zɔlɔ ƃôi, ŋa Ɣâla ŋɔi tɛ́ɛ bɔ.’

Lukə 18:12 Referans Kwoze

Lukə 11:42

«Farisiɛ̨ɠaa, kpalo ɓɛlaai kaa! Ka ka hɔlɔɓo hɛn bow nąą tɛɛ Yálá pɔ, ə mą kɛ, ka yəi ɲɛa nɔ́wɠaa, da yiiɠaai ka doo nɔ́w hu, yɛ mąą kun nɛ̨ɛ̨ la. Kɛlaa, tələnmolaa da Yálá wɛli la kɛɛ, kaa yiliɠaai lɛɛ laa. Yaamun, yiliɠaa ɓə kɛ mąąnɛ̨ɛ̨i kɛ kaa gɛ, ka hva yiiɠaai tii ta lɛɛ pulu.

Maafîu 9:14

Nąąlɔwai, Ɉaan-Batistə nwɔ kalan nɛai di pa diɛ Jesus ɓa: «Lə mɛ̨nį ɓa kwa Farisiɛ̨ɠaa kwa hin nɔ, ə́ wɔ kalan nɛai di hva hin nɔ?»

Lukə 17:10

Bələ kpɔlɔɔ ɓə gaa la, ka mąą mɛ̨nį ɓa, yii da ka tí la, ka kpɛɛ a yiliɠaa kɛɛ; mąąnɛ̨ɛ̨ kaa diɛ: ‹Tínuą kpɛli-kpɛli lɔ ɓaa a kuɔ. Yii mąąnɛ̨ɛ̨ ku gɛ, ya lɔ ka tii ku gɛ.›»

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Maafîu 6:1

«Ka gɛ a nɛlɛɛ, ka hvo ka wɔ kalan non naa, mąą túwɔ́ pələ kulɔ nuą ɲɛ̨i ɓa, ə gɛ, di ka káá. Akɛ ka gɛ tii, ka Nąn Yálái yələkɔlɔn ɉu, hva kɛa ka hvɛla kulɔ.

Malasi 3:8

Gáá ka woo pulu pənəi: Akɛtii, nu a pɛli Yálá ɓowoi? Kɛlɛi, ka kɛ mówoi! Kaa kɛ mą: «Lə mɛ̨nį ɓə ku ə́ ɓowo ɉu?» Yii ká kɛ mówoi ɉu, ya ka: Ka wɔ hɛn bow nąą kulɔ pələ ɓə ká mówo ɉu, da ka wɔ Yálá kɔ́ hɛn dɛɛ pələ hu.

Ifisiɛŋ 2:9

Yili hva kulɔ nu túwɔ́ pələ hu, nu ta hvo pa nəi gbɔwɔ ɲąą kɛnɛ̨ ɉu.

Galatə 1:14

Ɉuifəɠaa di wɔ kalan bələi hu, ɲéé tɛɛi kɛ mɛ́laa kəlee diɛ; ku huwu la mɛ̨nįɠaa hu; váŋą kɛnɛ̨ɛ̨ kɛ dɛ́ɛ́ diɛ.

Korɛntə dɔlɔɔ 1:29

Ya ɓə a gɛ, Yálá ŋą pɛli hɛn da hva gbɔwɔ ɲąąkɛnɛ̨ la ti Yálá ɲɛ̨i ɓa.

Lomaŋ 3:27

Ɛ̨i, gu nwun dɛi ɓaa mį? Gu nwun dɛi hvo mą! Lə laa hu? Ɛ̨i, gu kɛ mɛ̨nįɠaa? Yili kpɛli hvəə! Kɛlaa, laa na laa ɓə.

Maafîu 6:16

«Ka kɛi hin nɔ, ka hvo dɔɔ ka ɲɛ̨i, yɛ bələi tɛ ɲɛ̨i mɛ̨nį kɛ nuą da gɛ la. Da di ɲɛ̨i laai mąąhvalin, ə gɛ, nuą di gaa diɛ di kaa hin ɉu. Gáá moi kaa a tɛ̨ą, di hvɛla lɔ ka tii da ɉɔlɔɓo.

Maafîu 6:5

«Ka kɛi Yálá hvɛli, ka hvo gɛ yɛ tɛ ɲɛ̨i mɛ̨nį kɛ nuą; diɛi da kɛ bɔ, diɛ ɓo tɔɔni diɛ Yálá hvɛli di wɔ Yálá hvɛli pɛlɛ́ɠaa mu, da pələ taŋąnnaɠaa; ə gɛ, nuą di di kaa. Gáá moi kaa a tɛ̨ą, daa gbɛa di hvɛla hɔlɔɓo.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Tɔɔɓɛlaa veelɛ 10:16

Ɉehu yɛ mą: «Pa gwə li, bələi Yai-Laa mąą lii kaa la kwə́i, ə́ bələ kaa.» Di ɉiɛ kulɔ Ɉehu nwɔ wotoloi hu.

Samuɛlə dɔlɔɔ 15:13

Samuɛlə ə li ə həli Saulə ɓa, Saulə yɛ Samuɛlə ɓa: «Yai-Laa nwɔ lúwɔ́ ə yɛɛ ə́ mɛ̨́i; ŋą́ą́ Yai-Laa wooɠaa kəlee pɔ mɛ̨nį kɛ.»

Lonon mo 23:4

Yálá ə pa Balaamə pɔ, Balaamə yɛ mą: «Ŋą́ą́ mo daa haláá kulɔi mɛ̨ihveelɛ pɛli, daa nįŋɛ̨ hilɛ tɛi tɛi da ɓɛlaa hilɛ tɛi tɛi kulɔ a haláá, dɛi tɛi mɛ̨i.»

Lonon mo 18:24

Kɛlaa, hɛn bow nąąi Israɛlə lonnii kaa pai kɛi dɛɛi a nįįhɔ̨nwɔ̨ a Yai-Laa nwɔɔi, gáá di tɛɛi Levi lonnii pɔ. Yili mąą mɛ̨nį ɓə ŋį́ kɛ la diɛ, di hvo pai lɔi hɔlɔɓoi a di kwɛlin Israɛlə lonnii lɔwai».

Maafîu 5:20

Gáá moi kaa, akɛ ka wɔ tələnmolaa a wala kɛnɛ̨ hvo tɛɛ dɔ́n galamɔ̨ɔ̨ɠaa da Farisiɛ̨ɠaa di wɛi ɓa, ka hva pɛli lɔi Yálá-taa tɔɔlaa hu.