Lukə 16:9 - Yálá laawoo hɛɓɛ (dc)

⁹ Jesus ə mo, yɛ diɛ: «Gáá moi kaa, ka ɓɛlan naa kwɛli kaa, a ɲɛnɛ̨ɛ̨ ŋɛ̨i hu hɛn gɔw, ya ɓə a gɛ, ɓɛlɔwai hɛn və la ka yəi, ka ɓɛlaa tii, di di ɲee hee la ka mu, bɛlɛi hva kala mu.

Yálá laawoo hɛɓɛ

⁹ Jesus ə mo, yɛ diɛ: «Gáá moi kaa, ka ɓɛlan naa kwɛli kaa, a ɲɛnɛ̨ɛ̨ ŋɛ̨i hu hɛn gɔw, ya ɓə a gɛ, ɓɛlɔwai hɛn və la ka yəi, ka ɓɛlaa tii, di di ɲee hee la ka mu, bɛlɛi hva kala mu.

Bible

⁹ Ŋá m̀ó kâa, ka káwɛli-ƃela kɔri káa kpîŋ mɛni ma a berei ka kawoya-sɛŋ-kaoi kɔlɛ lai. À kɛ̀ ti, tãi à kpɛ̀ɛ lai, da pâi díyee seêi kámu wɔlɔ-wɔlɔ kwaa-ŋai ma.

Lukə 16:9 Referans Kwoze

Maafîu 19:21

Jesus yɛ mą: «Akɛ ə́ kaa bɔ ə́ mąą mɛ̨nį laa ə hvɛɛ, li, Ɉɛnɉaai gaa ə́ yəi, ə́ gəlee lɔwɔ́tɔɔ, ə́ nwali ɉaa kwɛlɛ yeehowolo nuą diɛ. Yili pulu ə́ pa ə́ hvilɛn búlú. A kɛ tii ya kɛ a hɛn gɔw nąmu Yálá-taa tɔɔlaa hu.»

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Lukə 16:11

Akɛ ka hvo tələnmolaa kɛ li ɲɛnɛ̨ɛ̨ ŋɛ̨i hu hɛn gɔw hui, gbɛɛ ɓə a pɛli hɛn gɔw leelee kalihvaɓoi kaa?

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Lukə 14:14

Akɛ yá yili kɛ, nwun na nɛ̨ɛ̨mun maa a yɛ́. Mąąhɔlɔɓo, hɛn da hvo di yəi, di hvo gwələ kulɔi. Kɛlaa da gwələ kulɔ yɛ́ a telmo nuą nwun ɲələ, diɛ kulɔ haaɓɛlaa lɔwai.»

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Lukə 16:13

«Nu tɔ̨nɔ̨ hva pɛli tí nwun nąmu hveelɛ ɓa. A dɔ̨nɔ̨ wɛli la kɛ, ə dɔ̨nɔ̨ wɛli kpɛɛ mą. A gwəi kwələ dɔ̨nɔ̨ ɓa, ə dɔ̨nɔ̨ hulu. Ka hva pɛli tí Yálá ɓa, kaa nwɔ̨nɔ̨ tí hɛn gɔw ɓa.»

Gɛlaɠaa 10:31

Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Maafîu 6:19

«Ka hvo ka wɔ hɛn gɔw laaikɛ ɲɛnɛ̨ɛ̨ ŋɛ̨i hu, ɓɛi koló a pu laa hɛnŋąą hu, kpɛ̨ɛ̨ yɛ hee daɠaa diɛ, nwuɔ̨ nuą diɛ pɛlɛ laa yali, diɛ nwuɔ̨ kɛ laa.

Zûu 1:21

Ka lɛɛ Yálá nwɔ wɛlikɛmąąlaa hu, kaa gu Ną́mu Jesus Kristə nwɔ mɛ̨inɛ̨ɛ̨ mąą kpɔn yai pai yɛnɛ̨ɛ̨ kpɛɛ hvo mą dɛɛi ka pɔ.

Gɛlaɠaa 10:4

Kɔrnɛyɛ ə ɲɛ̨i hee mą hįį, ə ɲɔw, yɛ mą: «Ną́mu! Yɛ́ lə?» Malaka yɛ mą: «Yálá hvɛlii yá kɛ moi, yɛ́ kpɔnmąą tɛɛ mąąwɛli nuą pɔi, Yálá aa ɲee hee yili mu, 'hvó lɛ̨ą li yɛ́.

Ikilisiati 11:1

Ə́ kɔ̨nɔ̨n gulɔ ə́ la, ə́ bili yɛa, ə́ hee, yələ ta, ɉu a kɛnɛ̨ yɛ pa ə́ pɔ.

Hanwon 23:5

Mąąhɔlɔɓo, ɓɛlɔwai ə́ ɲɛ̨i a tɔɔ la mą, yɛ́ kɛ yaa ɉon, nąąlɔwai ɓə a kwɛlɛɛn na, a kɛ yɛ goon a kɛ mą, ə koon yɛ tɛ yələ kwəi yɛ nwɛ̨nį kɛnɛ̨.

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.

Mąątɛ̨nɛ̨ 73:26

Gɔ́lɔ da níí da pɔlɔ, kɛlɛɛ nwɔ́ kilitɔɔmąą, ya lɔ ɓaa a Yálá, a yələ kəlee.

Lukə 16:4

Yii mąąnɛ̨ɛ̨ ŋį́ gɛ, əgɛ, da gúlɔ góló hu, nuą di di yee hee mú, ŋą́ą́ gɔlɔn.›

Hanwon 14:24

Kilimąą nuą di wɔ tɔɔɓɔlɔ ɓaa di wɔ hɛn gɔwi, Kɛlaa, kilikpɛɛgwəi nuą di wɔ hupumąą laai, ɓowo lɔ ɓə.