Lukə 16:3 - Yálá laawoo hɛɓɛ (dc)

³ Ɉɛn gɔw laaikɛ mun tii ə giliŋąhiɛ, yɛ diɛ: ‹Nwún nąmu kaa pai gɛ́ koló kulɔi ɲéi, a kɛ tii, lə ɓə gáá pai gɛi? Huwalawala hvo ɲéi və́ yɛa koló kɛ, ŋą kɛ nwɔ̨nɔ̨ gáá gɔ́nɔn vɛlii nuą diɛ, yili kaa pai kɛi mą́ą́ a nwumɛ̨ mɛ̨nį.

Yálá laawoo hɛɓɛ

³ Ɉɛn gɔw laaikɛ mun tii ə giliŋąhiɛ, yɛ diɛ: ‹Nwún nąmu kaa pai gɛ́ koló kulɔi ɲéi, a kɛ tii, lə ɓə gáá pai gɛi? Huwalawala hvo ɲéi və́ yɛa koló kɛ, ŋą kɛ nwɔ̨nɔ̨ gáá gɔ́nɔn vɛlii nuą diɛ, yili kaa pai kɛi mą́ą́ a nwumɛ̨ mɛ̨nį.

Bible

³ Nya ƃe ǹyée-mu-nuu kɛ́tɛi e mò gbîŋ ma, ǹyɛɛi, ‘Le ƃe ŋa pɔ̂ri gɛ̂i berei ńâmu a ǹúu-kɛtɛ-laai kúla la ńyêei? Pɔri fé mî a gɛɛ ŋa lɔii siŋ, ǹyaŋ ŋ́gɛ ŋumɛ fɛli kɛ̂i.

Lukə 16:3 Referans Kwoze

Tɛsalonikə veelɛ 3:11

Ya ka, kwaa bələ mɛ̨n, diɛ kɛ: nu taɠaa kaa ká lɔwai, diɛ di wɔɔ yɛnɛ̨ɛ̨ hon yɔhɔ-yɔhɔ, diɛ di kpɔwɔ ɲəi wələən mɛ̨nį kpɛli-kpɛliɠaa hu.

Gɛlaɠaa 3:2

Yálá hee pɛlɛ́ naaləi yii kɛi kɛ mą: Bɛlɛ́ laaləi lɛlɛɛ, hulɔnu ta ə kɛ laa heeni, di gaa lɔ gbɛlɛɠɛlɛnŋąą. Hvóló kəlee, di kɛi gbəŋə diɛ pa diɛ ɉee laa, ə gɛ, nuą daa kɛi lɔ Yálá hee pɛlɛ́ mu, yɛ wali hvɛli diɛ.

Ɉaan 9:8

Nąą kwɛlɛ nuą, da nuąi kɛ kɔ́lɔn a bɔlɔ, diɛ gaa yɛ nuą hvɛli, di kɛi mo di kee lɔwai diɛ kɛ: «Akɛ tii, ɲɛ̨ipumun ŋɛ̨i kɛi nuą hvɛli, ya ɓəi?»

Lukə 18:4

Hvóló kəlee, nɛ̨ɛ̨nui ə kɛi lɔ li gití tee mun tii pɔɔli. Kɛlaa, hvo kɛi nɛ̨ɛ̨nui tii nwɔ mɛ̨nįi ta ɓo. Gití tee mun tii ə mo gbɔwɔ ɓa, yɛ mą: ‹A tɛ̨ą, vá ɲɔw Yálá ɓa, ə lɛɛ, vá nu ta mąąwiɛ.

Lukə 16:22

«Ɲeehvowolo mun tii, ə haa. Malakaɠaa di ɉəɠə də li la Abrahamə ə kɛ laa. Ɉɛn gɔw nąmui tii yaa kpɛli ə haa, di noo.

Lukə 16:20

Yeehvowolo mun da ə kɛ laa, diɛ kɛ naa ɓa: Lazarə; pala ɲɔ̨n ə kɛ mą, ə kɛ lɔ laani ɉɛn gɔw nąmui tii yəi bɛlɛ́ laaləi a yələ kəlee.

Lukə 12:17

Ɉulɔnui tii ə mo gwəi pələ, yɛ mą: ‹Lə kpɔ ɓə mąąnɛ̨ɛ̨ ŋą gɛ? Mąąhɔlɔɓo, kɛɛnąą ta hvo kɛa ɲə́i, ɓɛi mąąnɛ̨ɛ̨ ŋą nwɔ́ mɔnunŋąą ŋɛ̨i laa laa.›

Markə 10:46

Jesus da nwɔ kalan nɛai di həlie Ɉeriko daai, di kɛɛ kɛa kulɔi taai, nu kpulu kɛnɛ̨ ə hvilɛn di pulu. Ɲɛ̨ipumun da, yii da kɛ naa ɓa: Bartime Time lon ɉulɔnu, ə kɛ heeni bələ kwɛlɛ yɛ nuą hvɛli.

Osia 9:5

Ləɓə ka káá pai gɛi a ɉɛli pu yələ? A Yai-Laa nwɔ hɛli yələi?

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Azaya 10:3

Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Hanwon 29:21

Nui a ɲee pɔ mun gala a nokolo yələ, a mąą nu kɛ a hviɲɛ̨mun.

Hanwon 20:4

Hviɲɛ̨mun a ɲɔw kwɛlɛ ɓa, hva kɛɛ hvala, mɔ̨nun dee yələ, yɛ mɔ̨nun gwɛli, hva ɉɔlɔɓo.

Hanwon 19:15

Hviɲɛ a nu kɛ a nu ɲą́ą́, nui vįikpɛɛ, ya ɓə pulu a baa.

Hanwon 18:9

Nui a gɛ koló kɛ a hviikpɛɛ, gaayɔwɔ ɓaa kɛɛ kalamun.

Hanwon 15:19

Hviɲɛ̨mun dɛɛ pələ kaa lɔ a ɲąąlən gbɔlɔ, Kɛlaa, nu lɛlɛɛɠaa di wɔ pələi kaa a pələ mɛ̨i pɔ̨nɔ̨ɔ̨.

Hanwon 13:4

Hviɲɛmun hva niiɓa kɛ. Kɛlaa, walamun a liiɓa hɛn ɉɔlɔɓo.

Gɛlaɠaa 9:6

Kɛlaa, 'Ə́ muhəɠə, 'tɛ taai, mɛ̨nįi mąąnɛ̨ɛ̨ ə́ gɛ, di kaa lii moi yɛ́.»

Maafîu 20:8

«Hvóló toɔ kɛa, góló nąmu ə mo nui kɛ góló nwun na ma, yɛ mą: ‹'Nuą muhəɠə kɛa, ə́ lɛɛ, ə́ nu kəlee hala tɛɛ bɔ, kɛlaa, gɔɠɔ tɔɔ nɛɛ pulu nuą diɛ.›

Lukə 16:2

Ɉɛn gɔw nąmu ə nwɔ hɛn gɔw laaikɛ mun də li, yɛ mą: ‹Ŋą́ą́ mɛ̨nįɠaa mɛ̨n ə́ laa mɛ̨i, yii hvo lɛlɛ li, bələi hiɛ ə́ kaa goló kɛi la, pa ə́ gwɛlanmo kɛ. Mąąhɔlɔɓo, hvo kɛa pai lɛɛi a nwɔ́ hɛn gɔw laaikɛ mun.›

Lukə 16:4

Yii mąąnɛ̨ɛ̨ ŋį́ gɛ, əgɛ, da gúlɔ góló hu, nuą di di yee hee mú, ŋą́ą́ gɔlɔn.›