Lukə 16:22 - Yálá laawoo hɛɓɛ (dc)

²² «Ɲeehvowolo mun tii, ə haa. Malakaɠaa di ɉəɠə də li la Abrahamə ə kɛ laa. Ɉɛn gɔw nąmui tii yaa kpɛli ə haa, di noo.

Yálá laawoo hɛɓɛ

²² «Ɲeehvowolo mun tii, ə haa. Malakaɠaa di ɉəɠə də li la Abrahamə ə kɛ laa. Ɉɛn gɔw nąmui tii yaa kpɛli ə haa, di noo.

Bible

²² Nya ƃe gôlo-nuui ŋi e saa. Ŋ̀âla-taa-kela-ŋai dí ziɣe, dí li la Eberaɣɛ̃ɛ kɔ̃ɔŋ su. Dɔɔ-nuui e sàa máŋ, dí ǹoo;

Lukə 16:22 Referans Kwoze

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

M̀ɛni-lɛɛi 14:13

Ɛlɛɛ, ŋą́ woo ta mɛ̨n yələ pələ, yɛ kɛ mą́ą́: «'Bɛ̨ɛ̨, yɛ mą: ‹Nuąi daa haa yiihu gu Nąmu hu, di nwun na nɛ̨ɛ̨ ɓə!›» Yálá nwɔ Kilii yɛ mą: «Tɛ̨ą li! Da di hvįi tɔɔ di wɔɔ mɔ̨nɔ̨ɠaai diɛ, mąąhɔlɔɓo, di kɛ-mɛ̨nįɠaa hvilɛnŋąąi di pulu.»

Zĩi 1:11

Hvo gaai, hvóló a kulɔ a nwəleen gɛnɛ̨, a gala kpala, bowa ə kulɔ ɲəi, nwɔ nɛlɛ laa ə kulɔ ɲəi. Bələ kpɔlɔɔ ɓə hɛn gɔw nąmu a kulɔ la, nwɔ hɛn gɔw lɔwai.

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Ɉaan 13:23

Jesus nwɔ kalan non dɔ̨nɔ̨, yii kpɔ nwɛli ə kɛ mą, ə kɛ heeni gwɛlɛ.

Markə 8:36

Akɛ nu ya yɛnɛ̨ɛ̨ hɛn gɔw kəlee hɔlɔɓo, ə ɉɔ̨nwɔ̨ kɛ a ə nwɔ yɛnɛ̨ɛ̨, yili dɔlɔ ɓaa a lə?

Ikilisiati 8:10

Ŋą́ą́ nwąnąlɔ nuą kaa, diɛ di haa kuu kɛ! Yaamun, nuą tii, di kɛi lɔ Yálá hee pɛlɛ́ mu, ya ka tii daa lɛ̨ą di túwɔ́ pələ ɓa. Yili kaa nwɔ̨nɔ̨ a kpɛli-kpɛli.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Maafîu 24:31

Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Zôo 21:13

Di yii hvóló kəlee a kɛ kwəinɛ̨ɛ̨ hu, ɉu hva kwɛa, diɛ yɛɛ ɲąmuątaa.

Hebreu 2:14

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

Ɉaan 21:20

Galan non nwɛli ə kɛ Jesus ɓa, a yai kɛ tunwɔ̨n ŋąą kɛ Jesus kɛŋɛ la ɓɛlɔwai di kɛi laa mį́i kɛ la, yɛ kɛ Jesus ɓa: «Gbɛɛ ɓə pai ə́ lɔwɔ́tɔɔi?» Piɛrə ə tinɛ̨n, ə gaa yɛ pa.

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»

Maafîu 8:11

Gáá tɛ̨ą ɓoi kaa, hį́i takpɛliɠaa kaa pai həɠəi hvóló kulɔi da hvóló tooi pələ, da Abrahamə, Isaakə, əlɛɛ, da Ɉakɔbə ni diɛ kɔ̨nɔ̨n mį́į́ gee ɓa Yálá-taa tɔɔlaa hu.

Azaya 22:16

Lə ɓə ɓɛ ə́ yəi? Ə́ kaayɔwɔ nɛlɛɠaa ɓə ɓɛ, yai ə́ kaa kámą teei ɓɛ, yɛ́ ə́ kámą tee ɓɛ ɲee nwuɔ̨, yɛ́ wolo ɓɔ gwɛni hu, ɓɛi da tínąą ə́ laai pɛli laa?

Azaya 14:18

Yɛnɛ̨ɛ̨ tɔɔɓɛlaa kəlee, da laa hvo kulɔ li ɉu, di kaa di hviitɔɔi a di ɓɛlɛ, di wɔ kámąɠaai hu.

Lukə 16:21

Gɔ̨nɔ̨n gbəliɠaa tii kɛi lɛɛ, ya ɓə Lazarə ə kɛ bɔ yɛ mį́į́. Yili pulu, yilɛɠaa ɓə kɛi nwɔ palai ŋą kɔ́mɔ̨.

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.