Lukə 16:16 - Yálá laawoo hɛɓɛ (dc)

¹⁶ «Yii dɔ́n ɉɛɓɛ́ ə mąą mɛ̨nį ɓo, da yii Yálá kwəi mɛ̨nį hukulɔ nuą di mo, mąąwiɛi kɛ, ə lɛɛ la ɉu, ə həli la Ɉaan Baptistə hɔlɔɓo yələ ɓa. Ə həɠə Ɉaan Baptistə nwɔ yələi tii ɓa, ə həli la yiihu ɓa, Yálá-taa tɔɔlaa mąą wɛlɛɛ lɛlɛɛ laa aa həli. Ɛlɛɛ, nu kəlee kaa tɔɔi a nwąnąi, əgɛ, ə lɔ dɔɔlaai tii hu.

Yálá laawoo hɛɓɛ

¹⁶ «Yii dɔ́n ɉɛɓɛ́ ə mąą mɛ̨nį ɓo, da yii Yálá kwəi mɛ̨nį hukulɔ nuą di mo, mąąwiɛi kɛ, ə lɛɛ la ɉu, ə həli la Ɉaan Baptistə hɔlɔɓo yələ ɓa. Ə həɠə Ɉaan Baptistə nwɔ yələi tii ɓa, ə həli la yiihu ɓa, Yálá-taa tɔɔlaa mąą wɛlɛɛ lɛlɛɛ laa aa həli. Ɛlɛɛ, nu kəlee kaa tɔɔi a nwąnąi, əgɛ, ə lɔ dɔɔlaai tii hu.

Bible

¹⁶ “Dɔ̂ŋ-kɔlɔi da Ɣâla ŋɔlóno-kɛ-ƃelai ƃe ŋwála-wala-laai e kɛ̀ díyêei e lɛɛ zu Zɔ̂ŋ e pa; é kúla tãi ti ma, Duŋ Lɛ́lɛɛi, nyii bîlaŋɔɔi Ɣâla ŋɔkâloŋ-laai mai, a ƃó, ǹyaŋ ǹûai kélee da díkpîŋ pûi zu a wala-wala-laa.

Lukə 16:16 Referans Kwoze

Maafîu 21:32

Mąąhɔlɔɓo, Ɉaan ə pa ə tɛ̨ą hu hiɛ ɓo pələ lɛ kaa, ka hvo laa na. Kɛlaa, niihɔ̨nwɔ̨ kulɔ nuą da wɛli hon nuą di laa na. Ka wɛi, pələi mąn ka mɛ̨nįɠaa tii kaa la, ka hvo ka túwɔ́ pələ ɲɔ̨nwɔ̨ɠaa mąąhvelən ni ka hvo laa na.»

Ɉaan 1:45

Filipə ə́ li ə Natanaɛlə kaa, yɛ mą: «Nui ŋɛ̨i Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą di mąą mɛ̨nį ɓo, kwa gaa. Da kɛ naa ɓaa: Jesus, Ɉosɛfə Nazarɛtə mun lon ni.»

Lukə 16:31

«Kɛlaa, Abrahamə ə mo mą, yɛ mą: ‹Akɛ, da wala di wəli tɔɔ Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą woo ɓa, di hvo pai di wəli tɔɔi di kilaa pono mɛ̨nį takpɛli ɓa, ə mą kɛ nu ta aa həɠə ɓɛ ɲąmuątaa aa li laa.›»

Maafîu 3:2

Yɛ kɛ mą: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin, Yálá-taa tɔɔlaai mąą aa kpuwɔ!»

Gɛlaɠaa 3:18

Kɛlaa, mɛ̨nį wɔlɔ Yálá ə mo Yálá kwəi mɛ̨nį hukulɔ nuą laaləi, ya ka ti bɔ mɛ̨nį aa kɛ; yaai ə kɛ mą: Nuą Nwun mąąɓomun Yálá ə naakwɛlanmo, hvo kɛli kɛ ə mɔ̨nɔ̨ mį́į́.

Lukə 16:29

«Abrahamə ə nwoo pulu pənə yɛ mą: ‹Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą hvaa woo pɛ̨ɛ̨ kaa laa di yəi; yɛ di kilaa pono, mąąnɛ̨ɛ̨ di di wəli tɔɔ nwoo ɓa!›

Lukə 10:11

‹Ka wɔ taai ŋɛ̨i hu muluun ti. Kɛlaa, ka ka kili lɛɛ ɉu, kaa diɛ: Yálá nwɔ tɔɔlaai mąą aa kpuɔ kaa.›

Lukə 10:9

Ka mąą taai tii hu ɲɔ̨n gɛ nuą kəlee kɔ́lɔi pono, ka mo nu kəlee ɓa, kaa diɛ: ‹Yálá-taa tɔɔlaai mąą aa kpuɔ kaa.›

Maafîu 4:17

Ə həɠə kɛa nąąlɔwai ɓa, Jesus ə kɛi nuą kalan yɛ kɛ diɛ: «'Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin; Yálá-taa tɔɔlaa mąą a kpuwɔ!»

Lukə 9:2

Yili pulu, yɛ diɛ: ka li, ka Yálá-taa tɔɔlaa mąą wɛlɛɛ lɛlɛɛ laa həli, ka ɲɔ̨n gɛ nuą kɔ́lɔi pono.

Markə 1:14

Ɉaan toɔ kɛa gaho ŋą, yili pulu, Jesus ə li Galile lɔi hu, nwɛlɛɛ lɛlɛɛi Yálá ə dɔɔ la, yɛ naa həli. Yɛ kɛ diɛ:

Maafîu 10:7

Ka kɛ bələ ɓa, ka Yálá-taa tɔɔlaa mąąkpuɔ mąą wɛlɛɛ laa həli.

Ɉaan 12:19

Farisiɛ̨ɠaa diɛ di kee ɓa: «Ka káá nąą kaai, gu hva pɛli mɛ̨nį ta kɛi, nuą kəlee daa hvilɛn bulu.»

Ɉaan 11:48

Akɛ gwa nɛɛ laa, nu kəlee kaa pai laai na, ə lɛɛ, Romə nuą kaa pai ku wɔ Yálá hee pɛlɛ́i woloi, di gu huwu pu.»

Markə 1:45

Kɛlaa, ɉulɔnu tii ə li ə mɛ̨nį tii hukulɔ kɛɛnąą kəlee ɓa. Yili ɓə gɛ, nuą diɛ həɠə kɛɛnąą kəlee diɛ pa bɔ.

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Maafîu 15:11

Hɛn nɔpee nu a dɛ na, hva mąą liɓi. Kɛlaa, yii a kulɔ nu la, ya ɓə a mąąliɓi.»

Ɉaan 5:4

Mąąhɔlɔɓo, nąąlɔwai a ɉəli mą, Yálá nwɔ malaka ə kɛi yɛɛ ɲai, yɛ ɲa tumo. Nu tɔlɔɔ a too ɲái, ɲá tumoɔ pulu, ɲɔ̨n kpɔ gaa mą, a kpɛɛ.