Lukə 16:14 - Yálá laawoo hɛɓɛ (dc)

¹⁴ Yii kɛa Farisiɛ̨ɠaa di nwoo tii mɛ̨n, di kɛi yɛlɛ Jesus ɓa, mąąhɔlɔɓo, wali wɛli ə kɛ diɛ.

Yálá laawoo hɛɓɛ

¹⁴ Yii kɛa Farisiɛ̨ɠaa di nwoo tii mɛ̨n, di kɛi yɛlɛ Jesus ɓa, mąąhɔlɔɓo, wali wɛli ə kɛ diɛ.

Bible

¹⁴ Faresii-ŋai nyii-ŋai kɛ̀ a sɛŋ-kao wɛliɛi, dí mɛnii ŋi kélee mɛ̀ni, dí ɣɛlɛ-maa kúla zu.

Lukə 16:14 Referans Kwoze

Lukə 23:35

Nu kpului tii kəlee di kɛ tɔɔ ni di ɲɛ̨i həɛ laa. Ɉuifə kalanɉonŋąa diɛ yɛlɛ kulɔ Jesus hu, diɛ kɛ mą: «Aa kɛ nu tamąą nwun mąąɓo, ə gbɔwɔ nwun mąąɓo kani kɛa, akɛ Nwun mąąɓomun Yálá ə naakwɛlanmo, yii ɲɛɠɛɛ ɉu yaa li.»

Lukə 20:47

Da too galanən nɛ̨ą mɛ̨i di di yəi hɛnŋąa həɠə, ɛlɛɛ, diɛ lamun Yálá hvɛliɛ hu, əgɛ, di di kpɔwɔ lɛ a nu lɛlɛɛɠaa, di wɔ gahoi kaa pai walawalai.»

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Ɉeremi 8:10

Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Ɉeremi 6:13

Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Azaya 56:11

Ɛlɛɛ, di kaa lɔ nwɔ̨nɔ̨ a yilɛɠaai di kwaną wolo hu kɛnɛ̨ɛ̨, di hva pɛli kɛi diɛ: «Aa pɛli.» Ɛlɛɛ, diɛ ɓə a daatɛlɛɛ pulu nuą, di hva mɛ̨nį kpaɠala kaa, di kəlee di ɲɛ̨i haŋąą lɔ di kpɔwɔ pələɠaa pɔ pələ, diɛ li ɓɛi di wɔ tɔ̨nɔ̨ kaa laa; diɛ hvo kɛi lɔ da ɉɔlɔɓo.

Hebreu 11:36

Daɠaa, diɛ di liikpələ yɛlɛkulɔɉu mu, da hvaɠa, diɛ daɠaa yili a yɔwɔn, diɛ daɠaa too gaho ŋą;

Timote veelɛ 3:2

Nąąlɔwai, nu kanŋaa da kɛ a kunwuɔ̨ nuą, a wali mɛlaa, di huɲąŋą kɛnɛ̨ɛ̨, di ɲɛ̨itɛɛ, diɛ Yálá lalan, di kwɛli tiɛ di kaa-nuą diɛ, di hvo mɛ̨inɛ̨ɛ̨ kɔlɔn, di hva Yálá mɛ̨nį mɛlɛ kɛ mą,

Lukə 8:53

Nuą tii kəlee di kɛi yɛlɛ Jesus ɓa, mąąhɔlɔɓo, di laaikɛ na diɛ nokoloi aa haa.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Mąątɛ̨nɛ̨ 119:51

Kpɔwɔ ɲąąkɛnɛ̨ nuą di di laa pu ɉú kɛnɛ̨, Kɛlaa, və́ həɠə ə́ wɔ tɔn nwooi pulu.

Maafîu 9:24

Jesus ə mo diɛ yɛ diɛ: «'Nu kəlee di kulɔ! Nɛ̨ɛ̨non hvo haa li, gaa yii.» Nuą tii kəlee di yɛlɛ Jesus ɓa.