Lukə 15:4 - Yálá laawoo hɛɓɛ (dc)

⁴ «Ka nɛlɛ ɓə mɛlaa nwun dɔ̨nɔ̨ a kɛ yəi, dɔ̨nɔ̨ a pili ɉu, hva bow mɛ̨inąąn gɔw mɛ̨inąąn tii lɛɛ nɔi pun ɉu, yɛ li yii pili kwɛlii, ə lɛɛ ɉu ə gaa?

Yálá laawoo hɛɓɛ

⁴ «Ka nɛlɛ ɓə mɛlaa nwun dɔ̨nɔ̨ a kɛ yəi, dɔ̨nɔ̨ a pili ɉu, hva bow mɛ̨inąąn gɔw mɛ̨inąąn tii lɛɛ nɔi pun ɉu, yɛ li yii pili kwɛlii, ə lɛɛ ɉu ə gaa?

Bible

⁴ ǹyɛɛi, “Gbɛ̂ɛ ƃe kásama nyii ƃála ŋuŋ tɔnɔ à kɛ̀ ǹyêei, dɔnɔ é láŋ zu, va buu lɔ́ɔlu mɛi náaŋ kao lɔ́ɔlu mɛi náaŋ (99) ŋi lɛ̀ɛ kwaa ta ma, e li ǹáŋɔɔ̂i kɔ́rîi e lɛɛ zu e gaai?

Lukə 15:4 Referans Kwoze

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Lukə 19:10

Nuą yiiɠaai di piliɛ kɛ, Nu Lon ə pa di kwɛli mɛ̨nį ɓa, əgɛ, di ɓalo.»

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Maafîu 12:11

Kɛlaa, ə di woo ŋąąpənə, yɛ diɛ: «Ka ta nɛlɛ ɓə, ɓɛlaa tɔ̨nɔ̨ a kɛ ɲəi, mɛlaa tii a too lɔwai a vįitɔɔ yələ, hva li hvo gulɔ nɔwai a mąą hvólói tii?

Izikiɛ 34:31

«Ka kaa a nwɔ́ taatɛlɛɛɠaai a nwɔ́ kalai taatɛlɛɛɠaa, kaai a nu kanŋaa; ɲą́ą́n, ŋą́ ɓo a ka wɔ Yálá. Mɛ̨nį kəlee ŋą Hééɓomun Yálá woo li.»

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Ɉeremi 50:6

Nwɔ́ nuąi di kɛ kɛa yɛ, ɓɛlaaɠaai daa lan, di laa hɔn mo nuą daa kɛ di həɠə bələ mɛ̨i, diɛ li a diɛ di nwun ma, yeeɠaa ɓa, da həɠə yee yii mɛ̨i, də li yee kpukpu yii mɛ̨i, di pɛlɛ kili hvo kɛa di ŋą gála hu.

Lukə 13:15

Jesus ə nwoo pulu pənə yɛ mą: «Ka hu hveelɛ nuą ŋɛ̨i, vįitɔɔ yələ, ka ka wɔ nįŋɛ̨ɠaai da ka wɔ hoohvaalənŋąąi, ka gəlee kulɔ di kwənąn ɉu, kaa li a diɛ əgɛ, di di kpələ kɛlɛ-e?

Izikiɛ 34:8

Yii kpɔ gáá a vúlu, Mɛ̨nį kəlee ŋą Hééɓomun Yálá woo li; yii daa too nwɔ́ taatɛlɛɛ kpului hu, yii daa lɛɛ a lɔwɔ huwɔɠaa kɔ̨nɔ̨n, mąąhɔlɔɓo di laahɔn mo mun və kɛli mą, yii nwɔ́ taatɛlɛɛ pulu nuąi di hvo li li nwɔ́ taatɛlɛɛ kpului pulu diɛ gwɛli, kɛlaa daatɛlɛɛ pulu nuą diɛ di kpɔwɔ ɲąąkɔn, ɛlɛɛ, di hvo daatɛlɛɛ kpulu ɲąąkɔn ɉii;

Lomaŋ 2:1

Yɛi ə́ kaa ə́ ɓɛlaa kiti teei, mąąhvaalɛɛ hvo yɛ, ə́ mąą kɛ a nu huwui lɔpee. Mąąhɔlɔɓo, mɛ̨nįi ə́ kaa nuą kiti tɛɛi mąą mɛ̨nį hu, yɛ kpinįi yɛ ɓo a da kɛmun. A kɛ ti, yaa kɛi nuą kiti tee, ya kɛ ə́ kpɔɔ ɲɛ̨i hvalai.

Ɉeremi 33:13

Ɲee hu taaɠaa, da nɛ̨ŋɛ̨ hu taaɠaa, da ɉɛɠɛɛ pələ taaɠaa, Bɛnɉamɛn nwɔ lɔi hu, Ɉerusalɛmə kwɛlɛɠaa da Ɉuda lɔi taaɠaa hu. Ɓɛlaaɠaa kaa nwɔ̨nɔ̨ pai kɛi laa, diɛ tɛɛ, diɛ di lono. Ɲą́ą́ Yai-Laa nwoo li.»

Izikiɛ 34:4

Daatɛlɛɛ yiiɠaai kɛ di hviikpɛɛ, ka hvo di hvaŋą lɔ li; yii ɲɔ̨n ə kɛ mą, ka hvo ɉali kɛ li, yii kɛ gɔwɔ yaliɛ, ká hvo nąą yili li, yii kɛi li nwun ma, ká hvo hee li mą, hvo pənə hvo pa, yai kɛ aa pili, ka hvo gwɛli li. Kɛlaa, kaa wɔ ɲąąwooɓo laa kɛ a wea, a nuą hvinna tɔ́n bələ.

Lukə 15:3

Jesus ə ɉanwon ŋɛ̨i hɔɔ diɛ, yɛ diɛ: