Lukə 15:20 - Yálá laawoo hɛɓɛ (dc)

²⁰ Yili pulu, ə muhəɠə, ə pənə yɛ li nąn bɔ. «Gɛɛ nii kwɛaa la, nąn ə gaa, mąąwɛli ə ɉon gbɔ kɛnɛ̨. Ə gilɛ həɠə yɛ li non naakwiɛn ɉii; ə nɛ̨nɛ̨ɓo, ə wolo mą.

Yálá laawoo hɛɓɛ

²⁰ Yili pulu, ə muhəɠə, ə pənə yɛ li nąn bɔ. «Gɛɛ nii kwɛaa la, nąn ə gaa, mąąwɛli ə ɉon gbɔ kɛnɛ̨. Ə gilɛ həɠə yɛ li non naakwiɛn ɉii; ə nɛ̨nɛ̨ɓo, ə wolo mą.

Bible

²⁰ Nya ƃe e m̀u sìɣe e li ǹâŋ pɔ. “Kɛ́lɛ, gɛɛ kɛ̀ kwaa kôya mai, ǹâŋ e gàa, m̀alôŋ e zoŋ, e kîrɛ sìɣe e li e kpulɔ̂ŋ ma, e ǹá-gbɔ see ma.

Lukə 15:20 Referans Kwoze

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Ifisiɛŋ 2:13

Kɛlaa yiihu kɛa, Jesus Kristə hu, káái wɔlɔ kɛ, ká mąąkwɛaa Yálá ɓa, Kristə ɲąmą aa ká mąąkpuɔ mą.

Azaya 49:15

Nɛ̨ɛ̨nu a mɔ̨ɔ̨ pɛli lɛ̨ąi non dala ɓa? A mɔ̨ɔ̨ pɛli kpɛlai gwəi lon nwɛlila kɛɛ ɓa? Ə mą kɛ kɛ nɛ̨ąą da pɛli kɛ lɛ̨ąi, nwɛ́i və́ pai lɛ̨ąi yɛ́!

Zɛnɛse 33:4

Esau ə kpuluun yɛ li nəɠə laakwiɛn ɉi. Ə li, ə nəɠə nɛ̨nɛ̨ɓo, di wolo di kee ɓa, diɛ wɔlɔ.

Ifisiɛŋ 2:17

Kristə ə pa liilaa mąą wɛlɛɛ lɛlɛɛ laa həlii káá, a káá tii kɛ kwɛaa la káá, da nuąi kɛ kpuɔ la diɛ.

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Azaya 57:18

Ŋą́ dúwɔ́ pələɠaai tii kaa, ə mą kɛ tii, gáá pai maloi, gɛ́ dənən dɔɔ, gɛ́ vąŋą lɔ, yaa mąn da nwɔ nuąi di kaa ɲɛ̨iya hui.

Zɛnɛse 46:29

Ɉosɛfə ə nwɔ hooi kpulɔn nwotolo ɓa yɛ li nąn nąąkwiɛn ɉii. Yii kɛa ə nąn gaa, ə nɛ̨nɛ̨ɓo, di wolo di kee ɓa, di wɔlɔ kpɔ a ɉu kwɛa.

Zɛnɛse 45:14

Ɉosɛfə ə pənə ə nəɠə Bɛnɉamɛn nɛ̨nɛ̨ɓo, di wolo di kee ɓa, diɛ wɔlɔ.

Gɛlaɠaa 20:37

Di kəlee di ɲɛ̨iyá ə too diɛ, di yili Polə ɓa, da diɛni di yələ wala gbəli-kpəli too di kee ɓa.

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Samia Veerɛi 14:33

Ɉoabə ə li tɔɔmun bɔɔli ə nwoo hukulɔ mą. Tɔɔmun ə Absalɔn təli. Absalɔn ə li tɔɔmun bɔɔli ə pɛlɛ gɔwɔ mu niiɓa, tɔɔmun ə nɛ̨nɛ̨ɓo.

Lukə 15:19

Mąą hvo nɛ̨ɛ̨li hvo gáá kɛa a ə́ lon da, ɉón yɛ bələi yá ə́ wɔ koló kɛmun da.»›

Lukə 15:21

Non ə mo kɛa mą, yɛ mą: ‹Ną́n, ŋą́ą́ nɛ̨ŋɛ̨n ɉəɠə Yálá ɓa, ŋą́ą́ nɛ̨ŋɛ̨n ɉəɠə yɛ́. Mą́ą́ hvo kpɛli nɛ̨ɛ̨li hvo gáá a ə́ lon da.›