Biblia Todo Logo
Bib sou entènèt

- Piblisite -




Lukə 15:10 - Yálá laawoo hɛɓɛ (dc)

10 Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Gade chapit la Kopi

Yálá laawoo hɛɓɛ

10 Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Gade chapit la Kopi

Bible

10 É máŋ kɛ́ ti, ŋá m̀ó kâa, lii-nɛ̃ɛ káa Ɣâla ŋɔkéla-ŋai ŋɛi sɔnyɔ̂ŋ-nuu tɔnɔ mɛni ma nyii a ǹíi pènei.”

Gade chapit la Kopi




Lukə 15:10
23 Referans Kwoze  

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a ɉɔn mąąhvalin, kwəinɛ̨ɛ̨ kɛnɛ̨ a kɛ Yálá-taa, nui tii mąą mɛ̨nį ɓa, ə tɛɛ telmo nuą pow mɛ̨inąąn kɔ́w mɛ̨inąąn ɓa, diɛi di hɔn mąąhvalin mɛ̨nį niihɛlɛn və diɛ.»


Hvo gaai, liikələn gwəi a həɠə Yálá pɔ yɛ həli nu ɓa, a gɛ, nu ə ɉɔn mąąhvalin malo mɛ̨nį ɓa, hva ɲeekpiɛ too na. Liikələn gwəi a həɠə yɛnɛ̨ɛ̨ pɔ, a nu lɔ haa hu.


Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?


Mɛ̨nį kəlee ŋą Hééɓomun Yálá yɛ nwɔ̨nɔ̨ diɛ: Gaa ka kwəi nu ɲɔ̨nwɔ̨ɔ̨ haa mɛ̨nį kaa a gwə́nɛɛ mɛ̨nį? Kɛlaa yaamun bulu tɔɔ mɛ̨nį dúwɔ hɔnŋaa diɛ ɓə, əgɛ, ə lɛɛ yɛnɛ̨ɛ̨.


Gáá moi kaa, ka wala ka hɔn mąą hvalin, ka haa kpɔlɔɔ yɛ bələi tii di haa la.»


Pələ kpɔlɔ ɓə gaa la nɛapəlɛɛ ŋɛ̨i mąą mɛ̨nį hu. Ka Ną́n Yálá yai gaa yələkɔlɔn ɉu, hvo bɔ dɔ̨nɔ̨ kpɛli hvo lán.»


Gwə́inɛ̨ɛ̨ mɛ̨nį hvaa nu ta haa mɛ̨nį, ɲą́ą́ Mɛ̨nį kəlee ŋą Hééɓomun Yálá, nwóó li. 'Ka pənə kani ka pa, kaa pɛli lɛɛi yɛnɛ̨ɛ̨.»


Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?


Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»


Yili ɓə gaa mą, gáá moi yɛ́, nwɛlikɛmąą mɛ̨nį kɛnɛ̨i ŋɛ̨i nɛ̨ɛ̨nui ŋɛ̨i aa gɛ, yili a nɛ, yɛ nɛ̨ŋɛ̨n damąą tii aa gɛ, mąąhvaa aa lɛɛ. Kɛlaa, nui da mąąhvaalɛɛ tiikpə, wɛlikɛmąąlaa tiikpə lɔ ɓə a gɛ.»


«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.


Gbəli hu Onesimə ə həɠə ə́ pɔ a lɔwai tawolo, ə gɛ, a pənə a pa, ka yaa ka kɛ ka lɛɛ ka ɓa a yələ kəlee.


Kɛlaa, kwiihąą, Ną́mu nwɔ malaka ə gaho pɛlɛ́ laa ɓo, ə di kulɔ gaho pɛlɛ́ mu, yɛ diɛ:


Jesus ə mo diɛ, yɛ diɛ: «Nui a mo nu kpɔn ɉu yɛ mą, ɲą́ą́ ɓə gáá a Nąmu, ɲą́ą́ gbɛli, ŋą mąą nu lɛ Ną́n gaa yələkɔlɔn ɉu mą, gɛ́ mą, mąą nu kaa a nwɔ́ɔ́.


«A tɛ̨ą kpɔ-kpɔ gáá moi kaa, nui lɔpee a gbɔwɔ lɛ nuą ɲɛ̨i ɓa a nwɔ́ɔ́, Nu Lon yaa kpɛli, a gbɔwɔ lɛ a nui tii nwɔɔ Yálá nwɔ malakaɠaa ɲɛ̨i ɓa.


Kɛlaa, Nui a lənə mą́ą́ nu kpulu ɲɛ̨i ɓa, Nu Lon yaa kpɛli a lənə mąą nui ɓa Yálá da nwɔ malakaɠaa ɲɛ̨i ɓa.


Akɛ a gaa, a mɛlaa kəlee təli, yɛ diɛ: ‹Ka gu kwəinɛ̨ɛ̨ kulɔ, mąąhɔlɔɓo, nwɔ́ walii pili, ŋą́ą́ gaa.›


Jesus ə mo nwɔ̨nɔ̨ diɛ, yɛ diɛ: «Hulɔnu ta ə kɛ laa, lon ɉinąą hveelɛ di ɓo ɲəi.


Swiv nou:

Piblisite


Piblisite