Lukə 14:27 - Yálá laawoo hɛɓɛ (dc)

²⁷ Nui a wala gbɔwɔ ŋą kolɔwa həɠə hvo hvilɛn búlú, mąą nu hva pɛli kɛi a nwɔ́ kalan non ta.

Yálá laawoo hɛɓɛ

²⁷ Nui a wala gbɔwɔ ŋą kolɔwa həɠə hvo hvilɛn búlú, mąą nu hva pɛli kɛi a nwɔ́ kalan non ta.

Bible

²⁷ Ǹúui va gbɔɔ̂i-saa-wurii siɣe é pîlaŋ la ḿbôlui, va pɔ̂ri kɛ̂i a ḿbôlu-nuu.

Lukə 14:27 Referans Kwoze

Maafîu 10:38

Nui a wala nwɔ kolɔwa həɠə hvo hvilɛn búlú, a kɛ tii nwɔ́ nui ta hvəli.

Markə 10:21

Jesus ə ɲɛ̨i hee ɉulɔnu tii ɓa, mąąwɛli ə ɉon, yɛ mą: «Mɛ̨nį tɔ̨nɔ̨ lɔ ɓə aa lɛɛ yɛ́, yaa ɓaa: ə́ li ə́í yəi hɛnŋąą kəlee lɔwɔ́tɔɔ, ə́ nwali tɛɛ yeehvowolo nuą pɔ; ə́ pa ə́ hvilɛn gea búlú, akɛti, ya kɛ a hɛn gɔw nąmu Yálá-taa tɔɔlaa hu.»

Timote veelɛ 3:12

Ɛlɛɛ mun, nuąi da di wɔ yɛnɛ̨ɛ̨ Yálá yee kɔnmą Jesus Kristə hu, diɛ ɓə da di laanɔ̨nwɔ̨ɓo.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Maafîu 13:21

Kɛlaa di hva nɛɛ laa hvo kanąn di kili pɔ. Mąąhɔlɔɓo, ɓɛlɔwai ɓɛlɛkpɛɛ mąą a həli la diɛ, da di yee kulɔ mu.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Ɉaan 19:17

Jesus ɓə nwɔ kolɔwa həɠə, di kulɔ la taai, diɛ li ɓɛi da kɛ mą: Nwun gonon ɲee ɓa (Ɉuifə woo hu, da kɛ mą: Gɔlgota).

Markə 15:21

Simɔn yai kɛ a Sirɛnə lɔi hu mun, yai kɛ a Alɛsandrə da Rufusə di nąn, ə həɠə ɲəi ɲɛa yɛ pa, gɔ́kulááɠaa di ɉon a hɔlɔhima, diɛ mą: «Jesus laa hon nwɔ kolɔwai mu.»

Lukə 14:28

«Ká nɛlɛ ɓə, a kɛ yɛ ə pɛlɛ kɛnɛ̨ tɔɔ, hva gbɛa hee, hvo giliŋąhiɛ, akɛ hɛn gaa ɲəi a pɛli góló tii kɛi ə naa kulɔ.