Lukə 14:11 - Yálá laawoo hɛɓɛ (dc)

¹¹ Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Yálá laawoo hɛɓɛ

¹¹ Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Bible

¹¹ Kpɛ́ni fêi, ǹúui kélee a gbîŋ kɛ̀tɛi, maa a pâi yenîi. Kɛ́lɛ, ǹúui à gbîŋ maa yêŋ, a pâi kɛ̂i a gɛ́tɛ.”

Lukə 14:11 Referans Kwoze

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Maafîu 23:12

Nui a gbɔwɔ ɲąą kɛnɛ̨, Yálá a tinąą mąą yɛɛ, nui a gbɔwɔ mąą yɛɛ, Yálá a tinąą gɛnɛ̨ ə dɛ tɔwɔ.»

Hanwon 29:23

Kpɔwɔ ŋąą kɛnɛ̨ laa pɔ hɛn maa a nwumɛ̨, nui a gbɔwɔ mąą yɛɛ, da mąąwiɛ.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Hanwon 18:12

Nu a wala ni too, ɉuɲąɲą kɛnɛ̨i, Kɛlaa, gɛɛ di hvo nu ɲɛ̨i pɔ̨nɔ̨, mąąnɛ̨ɛ̨ ə gbɔwɔ mąą yɛɛ.

Zĩi 4:10

'Ká ká kpɔwɔ mąąyɛɛ gu Ną́mu yee mu, gaa a pai ká muhəɠəi.

Mąątɛ̨nɛ̨ 138:6

Yai-Laa kaa hɛn gəlee nwun mɛ̨i yələi kwɛaa la! Nui kɔ́lɔn və mą, yɛ gaa! Yɛ humɛ̨ni kɛnɛ̨mun gaa kwɛaa la.»

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Mąątɛ̨nɛ̨ 18:27

nui a mąąhəɠə túwɔ́ ɓo, yái ə́ wɔ mąąhəɠəlaa lɛ mą; Kɛlaa nui kili ɲɔ̨nwɔ̨ɔ̨ kaa mą, hva mąą nu mąąhvaalɛɛ.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Hanwon 15:33

Nui a ɲɔw Yai-Laa ɓa, mąą nu kaa kili mąąkwɛlii. Kpɔwɔ mąąyɛɛlaa kaa mąąwiɛlaa tɔwɔ.

Zôo 22:29

Ə mą kɛ nuą ɓə daa too, ya pɛli di muhəɠəi, mąąhɔlɔɓo, nui a nwun mąą yɛɛ, a muhəɠə.

Samuɛlə dɔlɔɔ 15:17

Samuɛlə yɛ mą: «Pələi mąn hvo kɛnɛ̨ li la ə́ kpɔɔ ɲɛ̨i ɓa, hvo mɔ̨ɔ̨ heeni Israɛlə nuą kəlee nwun na? Yai-Laa ə́ ə́ mąątí, ə́ ə́ kɛ a Israɛlə tɔɔmun.

Lukə 1:51

Aa mɛ̨nį kpɛa-kpɛa tamąą kɛ a nwɔ huwalawala yee; aa kpɔɔ ɲąą kɛnɛ̨ nuą mąą yɛɛ.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Samia Veerɛi 22:28

Nuąi da di kpɔɔ mąą yɛɛ, ya yee tɛɛ mąą tɛɛ di pɔ, Ya huɲąŋą kɛnɛ̨ nuą kaa a tɛɠɛɓo ɉu

Hanwon 25:27

Kwɛ̨n nwulɔ kɔ̨mɔ̨ɔ̨ dɛɛ ɲɛn ɉu, hvo lɛlɛ li. Ɓɛlɛ mɛ̨nį hvaa, nu ɓɛlɛmąą yɛ gbɔwɔ ɓɛlɛ kwɛli.

Lukə 1:52

Aa tɔɔɓɛlaa kulɔ di wɔ tɔɔ kpəlin ɉu, aa kpɔɔ mąą yɛɛ nuą tɛ aa di hee tɔɔ kpəlin ɉu.

Lukə 14:12

Nui ŋɛ̨i dəli, yɛ yili ɓa: «Yá kɛ ə́ kaa nuą təli la kɔ̨nɔ̨n mai, ə kɛ a hvóló ŋą, ə kɛ a yələwulii, hvó gɛ lɔ a ə́ wɛlikɛmąą nuą da ə́ kaayɔɠaa, a wala kɛ tii, hɛn nąmįnąi di kaa ə́ kwɛlɛ; əgɛ, diɛ kpɛli di hvo pa ə́ təli kɔ̨nɔ̨n ma hvóló ta. A kɛ tii, mɛ̨inɛ̨ɛ̨ tii ə́ gɛ, daa gwələ kulɔ.

Zĩi 1:9

Kristalon wɔ yɛnɛ̨ɛ̨ pɛliɛ mą, mąą mɛ̨nį nwąną mɛ̨nį ə kɛ a nwɔɔ ɲɛ̨i pono;

Piɛrə dɔlɔɔ 5:6

'Ká ká kpɔwɔ mąą yɛɛ Yálá nwɔ huwalawalalaa yee mu; ə gɛ, ə ka tɛ tɔwɔ ɲələ a ɉəli.