Lukə 12:47 - Yálá laawoo hɛɓɛ (dc)

⁴⁷ «Kólo kɛmun yai ə nąmu liiɓa kɔ́lɔn, yaan hvo gɛi, hvo nąmu liiɓa kɛ, hvo dɔwɔ pɛli da ɉon, da ɉulɔwa hvaɠa ɲąą tamąą.

Yálá laawoo hɛɓɛ

⁴⁷ «Kólo kɛmun yai ə nąmu liiɓa kɔ́lɔn, yaan hvo gɛi, hvo nąmu liiɓa kɛ, hvo dɔwɔ pɛli da ɉon, da ɉulɔwa hvaɠa ɲąą tamąą.

Bible

⁴⁷ “Kɛ́lɛ, ǹyée-mu-nuui ti nyii ǹâmu nîa-mɛni kɔ̀lɔŋ, kɛ́lɛ, ve gbîŋ kpɛtɛ ni, kpaa e mɛnii kɛ́ a ǹâmu nîa-perei, da pâi ǹókwâi a dámaa.

Lukə 12:47 Referans Kwoze

Zĩi 4:17

Yili ɓa nui mɛ̨nį lɛlɛɛ kɛ pələ kɔ́lɔn, a wala gɛ, a kɛ ti a nɛ̨ŋɛ̨n ɉəɠə.

Ɉaan 9:41

Jesus yɛ diɛ: «Ə li kɛ ka ɲɛ̨ipuɔi kɛ, nɛ̨ŋɛ̨n və li kɛ kaa. Kɛlaa, kɛi ka moi yiihu ka kaai, ka wɔ nɛ̨ŋɛ̨nŋąą kaa lɔ kaa.»

Ɉaan 12:48

Nui a lənə mą́ą́, ɛlɛɛ, a wala laa nwóó la, aa gití teemun ɉɔlɔɓo. Nwooi ŋą́ mo, ya ɓə pai mąą nu kiti teei yɛnɛ̨ɛ̨ ŋąąkpɛɛ yələ.

Gɛlaɠaa 17:30

Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.

Ɉaan 19:11

Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Lukə 12:41

Piɛrə yɛ mą: «Ną́mu, ə́ ɉanwon ŋɛ̨i hɔɔ a kuɔ tɔ̨nɔ̨ ku wɔɔɔ, a wala kɛ tii, nu kəlee nwɔɔ li?»

Lukə 12:46

Nwɔ mɛ̨nį nąmu a pa a hvolói gili hvo mą, a lɔwai yii hvo gɔlɔn. Nąmu a ɉon, a naa nɔ̨nwɔ̨ ɓo, ə baa. Da mɛ̨nį ɲɔ̨n gɛ nuą di hvɛla a kɛ tɔ̨nɔ̨.