Lukə 12:45 - Yálá laawoo hɛɓɛ (dc)

⁴⁵ Kɛlaa, akɛ, góló kɛmun tii a giliŋąhiɛ, yɛ kɛ mą: ‹Námu hvo pai pai ɉa.› Ə pɛlɛ kɛa mɛlaa koló kɛ nuą diɛ, yɛ di kɛlɛ, yɛ nąą mį́į́ yɛ pilɛ, yɛ gbələ yɛ ɓo a lɔɔ hon.

Yálá laawoo hɛɓɛ

⁴⁵ Kɛlaa, akɛ, góló kɛmun tii a giliŋąhiɛ, yɛ kɛ mą: ‹Námu hvo pai pai ɉa.› Ə pɛlɛ kɛa mɛlaa koló kɛ nuą diɛ, yɛ di kɛlɛ, yɛ nąą mį́į́ yɛ pilɛ, yɛ gbələ yɛ ɓo a lɔɔ hon.

Bible

⁴⁵ Kɛ́lɛ, ǹyée-mu-nuui ti à mò ǹíi su, ǹyɛɛi, ‘Ńâmu a tûa naa a zu-kôyaa,’ gɛ ǹyée-mu-sinaâi lôkwa, bɛlɛɛ ǹyée-mu-nɛyaai dîa, gɛ ǹáa miî, gɛ gbele, ǹɔɔ̂i kɛ́ gɛ̀,

Lukə 12:45 Referans Kwoze

M̀ɛni-lɛɛi 18:24

Ɛlɛɛ, ə́ pɔɔli ɓə di Yálá kwəi mɛ̨nį hukulɔ nuą ɲąmą kaa laa, da nu mąąhəɠɛɛɠaa, ɛlɛɛ, da nuąi di di kulɔ a haláá lɔi mɛ̨i, di ɲąmą.

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

Piɛrə veelɛ 2:19

Nɛɛ kalan gɛ nuą ti, da lɛɛgbɔɔɓa laa mįnɛ̨ həɠə diɛ. A pa, diɛi ti di kaa a luwɔ pɔlɔ, yii gaa pai di paai. Mąąhɔlɔɓo, hɛn yii ɲee tɛɛ nu ɓa, ə kaa yəi luwɔlaa hu.

Piɛrə veelɛ 2:13

Mɔ̨nɔ̨i ti di kaa naai nuą mɛ̨i, mɔ̨nɔ̨ lɔ ɓə pai kɛi a di hvɛla. Daa kɛi ɓɛlɛkpɛɛ mąą túwɔ́ ɓo a hvóló ŋą, yili ɓə gaa a di liiɓa. Da kɛ ka pɔ laa mįi kɛi lɔwai, yili kaa a nwumɛ̨ mɛ̨nį da kɔ́wɔ túwɔ́ kwɛni. Ə lɛɛ, da kɛi nuą ɓowo, yili ɓə a di kwəinɛ̨ɛ̨.

Tɛsalonikə dɔlɔɔ 5:7

Nuąi yíi, kpinį hu ɓə da yíi laa, nuąi a lɔɔ-hon, kpinį ɓə lɔɔ a di hon ną;

Korɛntə veelɛ 11:20

Ká kɛ hvaai mą, diɛ ká kɛ a luwɔɠaa, diɛ ká mįi, diɛ ká mąąkpoloon, diɛ tɛɠɛɓo ká hu, diɛ ká laa lowa;

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Maafîu 22:6

Daɠaa dinuą tii hon di di paa.

Izikiɛ 34:8

Yii kpɔ gáá a vúlu, Mɛ̨nį kəlee ŋą Hééɓomun Yálá woo li; yii daa too nwɔ́ taatɛlɛɛ kpului hu, yii daa lɛɛ a lɔwɔ huwɔɠaa kɔ̨nɔ̨n, mąąhɔlɔɓo di laahɔn mo mun və kɛli mą, yii nwɔ́ taatɛlɛɛ pulu nuąi di hvo li li nwɔ́ taatɛlɛɛ kpului pulu diɛ gwɛli, kɛlaa daatɛlɛɛ pulu nuą diɛ di kpɔwɔ ɲąąkɔn, ɛlɛɛ, di hvo daatɛlɛɛ kpulu ɲąąkɔn ɉii;

Izikiɛ 12:22

«Hulɔnu lon, lə mɛ̨nį ɓa yai ka kɛ ɉanwon ŋɛ̨i hɔɔi kaa vilɛn Israɛlə ɓa; kaa kɛ diɛ: ‹Voloɠaa kaa lɔ tɛɛi, hįį kaa nuą di hvo gaai.›

Ɉeremi 20:2

Pasehurə ə pɛlɛ Yálá kwəi mɛ̨nį hukulɔ mun ɓa a hvaa. Ə mo di Ɉeremi yili Bɛnɉamɛn nwɔ kpon ɓa, di doo kpɔ̨nɔ̨ ŋą, Yai-Laa nwɔ pɛlɛ́i laaləi.

Azaya 65:6

Ka nɛɛ lɔ laa, mɛ̨nįɠaai tii kəlee pɛ̨ɛ̨ kaa ɲə́i ɲą, və́ pa nəi tɔɔ ɉu tin, hvo kɛi ŋį́ di kwələ kulɔ, ŋį́ gwələ kəlee kulɔ kpɔ ə kpɛɛ níí pɔ.

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Lukə 12:44

A tɛ̨ą kpɔ-kpɔ gáá moi kaa, nąmu a ɲəi hɛnŋąą kəlee kalihvaɓo mą.

Lukə 12:46

Nwɔ mɛ̨nį nąmu a pa a hvolói gili hvo mą, a lɔwai yii hvo gɔlɔn. Nąmu a ɉon, a naa nɔ̨nwɔ̨ ɓo, ə baa. Da mɛ̨nį ɲɔ̨n gɛ nuą di hvɛla a kɛ tɔ̨nɔ̨.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Ɉaan 2:10

yɛ mą: «Nu ya nuą təli kwəinɛ̨ɛ̨ mɛ̨nį ɓa, lɔɔ nɛɛ ɓə ya gbɛa dɛɛ tɔwɔ, nuą da gbələ kɛa kɛnɛ̨, yii hvo nɛ̨ɛ̨li kɛnɛ̨ ə yili lɛɛ kɛa pulu. Kɛlaa ə́ wɛi, yii hvo nɛ̨ɛ̨li ya ɓə yaa dɛɛ tɔwɔ, yaa nɛɛ lɛɛ pulu.»

Gɛlaɠaa 2:18

A tɛ̨ą mąą yələi ti, ŋą́ nwɔ́ Nį́į tɛɛi nwɔ́ tínuą ɉinąą da nɛ̨ą di pɔ, mąą yələi ti hu, da kɛ Yálá nwɔ wəlɛɛ laa həli.

Zôo 24:23

Ya pa Yálá a hvaa mą, yɛ nwɔ yɛnɛ̨ɛ̨ kɛ liilaa hu, Kɛlaa, ɲɛ̨i heɛ di hiɛ pələɠaa hu.