Lukə 12:19 - Yálá laawoo hɛɓɛ (dc)

¹⁹ Ŋą́ mo kɛa gbɔ́ɔ́ ɓa, gɛ́ mą: Náwəi, yaa kwɛlan damąą kɔ̨nɔ̨n ɉɔlɔɓo, ə́ hvįįtɔɔ kɛa; ə́ ə́ laa mį́į́, ə́ ə́ kpələ, ɛlɛɛ, ə́ ə́ kwəinɛ̨ɛ̨.›

Yálá laawoo hɛɓɛ

¹⁹ Ŋą́ mo kɛa gbɔ́ɔ́ ɓa, gɛ́ mą: Náwəi, yaa kwɛlan damąą kɔ̨nɔ̨n ɉɔlɔɓo, ə́ hvįįtɔɔ kɛa; ə́ ə́ laa mį́į́, ə́ ə́ kpələ, ɛlɛɛ, ə́ ə́ kwəinɛ̨ɛ̨.›

Bible

¹⁹ Gɛ̀ ní, ŋa pâi môi ŋámɔ̂leŋ ma, ǹyɛɛ, ‘Mɔ̂leŋ, ya sãa támaa lâai kɛ́ góraŋ támaai pâi mɛni ma; ífii tɔɔ, í ílaa mii, í íkpele, í líi-nɛ̃ɛ kɛ́.’

Lukə 12:19 Referans Kwoze

Hanwon 27:1

'Hvó ə́ kpɔwɔ mąątɛ̨nɛ̨ tinąą mɛ̨nį hu, mąąhɔlɔɓo, mɛ̨nįi háákələi kaa pai naai yɛ́, hvó gɔlɔn.

Korɛntə dɔlɔɔ 15:32

Kɔ́ pɛlɛ mɛ̨nį huwɔ hvulúɠaa diɛ Efɛsə, lə kpɔ ɓə yili a ɉəli mą́ą́, akɛ ŋą́ mąn nɔ kɛ nu kanŋaa di wɔɔ kiliŋąhiɛ ɓa? Akɛ haaɓɛlaa di hva nwun, gu gu laa mįi, gu gu kpələ, hvo gaai, gwa tínąą haa.

Azaya 5:11

Nuąi da humo diɛ lɔɔ kpəɠiɛɠaa mąą gilɛ həɠə, ɛlɛɛ, kpinį ə mąn pɛlɛ, di ɓo lɔ lɔɔ ɓa, kpalo ɓɛlaai diɛ, mąąhɔlɔɓo, lɔɔ aa di kili mɛ̨i kpulu.

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Zĩi 5:5

Ká kɛ ká nɛ̨ɛ̨ hu yɛnɛ̨ɛ̨, káá ká liiɓa kɛ, káá ká laa nɛ̨ɛ̨ mįi, a hɛli ɲələɠaa.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Hanwon 18:11

Hɛn gɔw nąmu nwɔ hɛn gɔwi kaa a mąąkɔ̨nwɔ̨ taa. Gaa nwɔ ɲɛ̨i mu yɛ hįį mɛ̨i kwɛai kɔ́ hva gulɔ.

Mąątɛ̨nɛ̨ 62:10

A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.

M̀ɛni-lɛɛi 18:7

Bələi lɔ ə ɲąąnɛ̨ɛ̨ kulɔ la nwɔ mąąwiɛ laa hu, bələ lɔ ɓə 'ká mɔ̨nɔ̨ɓo la, ɛlɛɛ, 'ká mąąwɛli. Hvo gaai, ə kɛli mo gwəi pələ, yɛ kɛ: Gáá heeni yɛ tɔɔnɛ̨ɛ̨nu, və́ a galanin, və́ kpɔ pai mąąwɛli mɛ̨nį kaai.

Piɛrə dɔlɔɔ 4:3

A tɛ̨ą, yii tii kɛ, aa pɛli ɉu, a yai wɔlɔ ká gɛ hali pulu yíi hu, káá tuwɔ pələ ɲɔ̨n ɉuwu kəlee kulɔ, ɲɛ̨i kulɔ bɔɠaa, lɔɔ hon naa, kwəi kɛnɛ̨ laa, lɔɔ kpələ kpɔn naa, da hali ŋą mąąliɓi mɛ̨nįɠaa.

Timote veelɛ 3:4

a nu ɓowo nuą, di liikələnŋąą di kwəi, kpɔwɔ ɲąąkɛnɛ̨ aa di ɲɛ̨i pu, di liiɓa mɛ̨nį wɛli ə ɓo diɛ, dɛɛ la Yálá nwɛi ɓa;

Osia 12:8

Nu ɓowo hɛn gɔwɔn gəgən mə ka yəi, yɛ bələi gaa la Kanaan yəi, hvulu wɛli kaa mą.

Azaya 22:13

Ya ɓə, ka tɔɔ kaa kwəinɛ̨ɛ̨ kulɔ, kaa hɛli pu! Diɛ nįŋɛ̨ɠaa paa, diɛ ɓɛlaaɠaa nwun dee, diɛ huwɔ mįi, diɛ lɔɔ kpələ, kaa kɛ diɛ: ka gu gu laa mįi, ka gu gu kpələ; mąąhɔlɔɓo, gwa tínąą haa.

Azaya 5:8

Kpalo ɓɛlaai nuąi da pɛlɛ́ tɔɔ kee la diɛ, diɛ tíi pɛlɛ tíi ɓá, diɛ nɔi kəlee hon, nɔi yɛ lɛɛ diɛ tɔ̨nɔ̨ di yəi.

Hanwon 23:5

Mąąhɔlɔɓo, ɓɛlɔwai ə́ ɲɛ̨i a tɔɔ la mą, yɛ́ kɛ yaa ɉon, nąąlɔwai ɓə a kwɛlɛɛn na, a kɛ yɛ goon a kɛ mą, ə koon yɛ tɛ yələ kwəi yɛ nwɛ̨nį kɛnɛ̨.

Zôo 14:1

Lon lɔpee nɛ̨ɛ̨nu a gaa, Nwɔ yɛnɛ̨ɛ̨ kaa lɔ a gbuɔ, kɛlaa naahvɛɛ a mɔ̨nɔ̨.

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Timote dɔlɔɔ 5:6

Kɛlaa galanin a gbɔwɔ lɔ yɛnɛ̨ɛ̨ liiɓa hu, ə mą kɛ, gaa yɛnɛ̨ɛ̨, ɉaai.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Lukə 16:19

«Hɛn gɔw nąmu kɛnɛ̨ ta ə kɛ laa, tɔɔ həɠəɠaa lɔ ɓə kɛ mą. Ə kɛ lɔ hɛli pu mɛ̨nį hu a yələ kəlee.

Habakukə 1:16

Da kɛ haláá kulɔi di wɔ ya tuluun dumɔ̨ɠaai diɛ, diɛ lansan kələn diɛ. Mąąhɔlɔɓo, ɲa tuluun dumɔ̨ɠaa tii haalai ɓə da kɔ̨nɔ̨n ɉɔlɔɓo la, a kɔ̨nɔ̨n gɛnɛ̨, nɛ̨ɛ̨.

Mąątɛ̨nɛ̨ 49:18

Mąąhɔlɔɓo ɉaai lɔwai a həli, hvo pai lii a hɛn da; da nwɔ mąąwiɛlaai di hva li a gee.

Samuɛlə dɔlɔɔ 30:16

Ɉulɔnui tii ə tɔɔ Davidə tɔwɔ, də li Amalɛkə nuą daa kɛ taɠa taɠa nɔi nąą kəlee diɛ kɔ̨nɔ̨n mįi, diɛ di kpələ, diɛ kwəinɛ̨ɛ̨ kɛnɛ̨ kulɔ a ɉɛn gɛnɛ̨i tii di ɉɔlɔɓo Filisti lɔi hu da Ɉuda lɔi hu.

Hanwon 10:2

Hɛn gɔwi nu a ɉɔlɔɓo a hvulu, hva ɓɛlɛ, Kɛlaa, tələnmolaa a nu kulɔ haa ɲəi.

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Azaya 56:12

Di woo laa diɛ, 'ka pa, ku kaa lii pai a lɔɔ, lɔɔ kpəɠiɛɠaa ɓə gu kaa pai pilɛi ɉu, gwa tinąą gɛ lɔ yɛ háákəlee; gbəli kaa pai lɛɛi kpɔ kɛnɛ̨.

Amɔsə 6:13

Lə mɛ̨nį ɓa, ka káá ka kwəinɛ̨ɛ̨i kpɛli-kpɛli mɛ̨nį hu? Kaa kɛ mą: «Kɛlɛi, ku wɔ huwalawala ɓə ku yee ə tɛɛ la Karnaimə ɓa a hvaŋą?»

Lukə 12:18

Yili pulu, ə mo gbɔwɔ ɓa, yɛ mą: ‹Yii gáá pai gɛi ya ka: gáá nwɔ́ mɔ̨nun gələ pɔlɔɠaa pui, ŋą nįnɛ̨ɠaa tɔɔ a gbɛa-kpɛa. Ŋą́ nwɔ́ mɔnunŋąa kəlee lɔ ɉu, da ɲə́i hɛn gəlee.

Hanwon 14:24

Kilimąą nuą di wɔ tɔɔɓɔlɔ ɓaa di wɔ hɛn gɔwi, Kɛlaa, kilikpɛɛgwəi nuą di wɔ hupumąą laai, ɓowo lɔ ɓə.