Lukə 12:1 - Yálá laawoo hɛɓɛ (dc)

¹ Nąąlɔwai tii hu, nu kpulu kɛnɛ̨ di di ŋąąkpɔn Jesus kwɛlɛ, diɛ tɛ di kee ni kɔ́wɔ mɛ̨i. Jesus ə ɲɛ̨i haŋą tɔlɔɔ nwɔ kalan nɛai diɛ, yɛ diɛ: «Ka ka kpɔɔ mɛ̨i kaa Farisiɛ̨ɠaa di wɔ lɛɠɛ tɛ hɛn mąą mɛ̨nį ɓa. Yili mukulaa ɓaa: di wɔ hu hveelɛ laa.

Yálá laawoo hɛɓɛ

¹ Nąąlɔwai tii hu, nu kpulu kɛnɛ̨ di di ŋąąkpɔn Jesus kwɛlɛ, diɛ tɛ di kee ni kɔ́wɔ mɛ̨i. Jesus ə ɲɛ̨i haŋą tɔlɔɔ nwɔ kalan nɛai diɛ, yɛ diɛ: «Ka ka kpɔɔ mɛ̨i kaa Farisiɛ̨ɠaa di wɔ lɛɠɛ tɛ hɛn mąą mɛ̨nį ɓa. Yili mukulaa ɓaa: di wɔ hu hveelɛ laa.

Bible

¹ Maa-tãi tí núu wála támaa dí díŋa tɛ gîe ma, díkɛ sia díkîe-ni kɔ́ɔ mɛi. Zîsɛ e pɛ̀lɛ fulɔi lonoɔ ma ŋɔpôlu-ƃelai pɔ, ǹyɛɛi, “Ka kámɛi káa a Faresii-ŋai díkpolo-tɛ-sɛŋ nyii nɔ gáa a kirii.

Lukə 12:1 Referans Kwoze

Piɛrə dɔlɔɔ 2:1

'Ká ká yee kulɔ kani nwąnąlɔɔ mɛ̨nį kəlee hu, gbąną mɛ̨nį kəlee, lɛɛ mɛ̨nį kəlee, hɛn nwɛli laa da laa pələ ɓo.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Lukə 12:56

Ka hu hveelɛ nuą ŋɛ̨i, ka pɛli ka yələ kwəi mɛ̨nįɠaa da lɔi mɛ̨i mɛ̨nįɠaa kaa, ka gɔlɔn. Lə mɛ̨nį ɓa, ka hva pɛli nɔwai ŋɛ̨i hu mɛ̨nįɠaa kpaɠala kaai?»

Zôo 36:13

Nɛ̨ŋɛ̨n ɉəɠə nuąi da kanąn líiholi ɓa, di hva di woo laa, ɓɛlɔwai da kɛ la yɔwɔn ŋą.

Zôo 27:8

Kɛlɛi ka kɛ kɛi ma: «Tɔnɔ lə kɛɛ ɓə nwąnąlɔ mun a pɛli gilitɔɔi ma, mąąhɔlɔɓo, Yálá kaa pai nwɔ yɛnɛ̨ɛ̨ kulɔi ɲəi?

Zôo 20:5

nu ɲɔ̨nwɔ̨ɔ̨ɠaa di wɔ yeetɛɛmąą laa kaa lɔ a hvóló tɔ́nɔ̨ mɛ̨nį, mɛ̨nį ɲɔ̨n gɛ nuą di wɔ kwəinɛ̨ɛ̨ kaa lɔ a gbuɔ.

Tɔɔɓɛlaa veelɛ 7:17

Tɔɔmun ə nwɔ ɓíítiɛ̨i tɔɔ ɉįi la, ə gɛ, yɛ nuą mɛ̨i kaa. Kɛlaa, nuą di kɛlɛ ɉu, di doo, di lɛɛ tɛɛi mɛ̨i, ə haa, yɛ bələi Yálá nwɔ nui ə mo la. Elise ə nwoo tii ɓo, ɓɛlɔwai tɔɔmun ə nwɔ ɓíítíɲɛ̨i tɔɔ la Elise pulu.

Korɛntə dɔlɔɔ 15:3

Tɔlɔɔ, yii ŋį́ ɉɔlɔɓo ɲą́ą́ gbinįi, ya ɓə ŋį́ naa həli káá; gɛ́ kaa: Gu wɔɔ nɛ̨ŋɛ̨nŋaa mąą mɛ̨nį ɓə Kristə ə haa la, yɛ bələi bɛ̨ɛ̨i la;

Gɛlaɠaa 21:20

Yii kɛa di nwooɠaai ti mɛ̨n, di Yálá hɛɠɛɛɓo yili pulu diɛ Polə ɓa: «Yáá gaa, Ɉuifə kpulu tamąą daa kɛ a laa na nuą, ə mą kɛ ti, di kanąnŋąa ni Moisə nwɔ́ tɔ́n ɓa.

Lukə 11:44

Kpalo ɓɛlaai kaa! Ka káá yɛ kámą yii gɔlɔn ɉɛn vo mą, yii nuą da tɛ mɛ̨i di hva gbaɠala kaa!»

Lukə 6:17

Jesus həɠɛɛ ɲee kpukpu ɓa da nwɔ kalan nɛa pow kɔ́w hveelɛ di yɛɛ nɛ̨ŋɛ̨n hu ɓɛi gala nɛa takpɛliɠaa tamąą di kɛ laa, nu kpulu kɛnɛ̨ ə kɛ laa. Daɠaa di həɠə Ɉude lɔi hu, daɠaa di həɠə Ɉerusalɛmə; ə mą kɛ daa yiiɠaai kɛ Tirə lɔi da Sidɔn lɔi koo ɓa.

Lukə 5:15

Nąąlɔwai, Jesus mąą tin ə too kpɔ nwɔ̨nɔ̨ kɛnɛ̨, nuą diɛ pa, əgɛ, di di wəli tɔɔ nwoo ɓa; nuąi ɲɔ̨n ə kɛ diɛ, yɛ di kɔ́lɔi pono.

Lukə 5:1

Yələ ta, Jesus ə kɛ Gɛnesarɛtə bowaya kwɛlɛ, nu kpulu kɛnɛ̨ ə pa bɔ diɛ di kee hvana, əgɛ, di Yálá laawoo mɛ̨n.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,