Lukə 11:9 - Yálá laawoo hɛɓɛ (dc)

⁹ Gáá moi kaa gɛ́: ka vɛli, da dɛɛ ka pɔ. Ka gwɛli, ka ɉɔlɔɓo, ka bɛlɛ́ laaləi mąą kɛlɛ, da naaɓo ka tɔwɔ.

Yálá laawoo hɛɓɛ

⁹ Gáá moi kaa gɛ́: ka vɛli, da dɛɛ ka pɔ. Ka gwɛli, ka ɉɔlɔɓo, ka bɛlɛ́ laaləi mąą kɛlɛ, da naaɓo ka tɔwɔ.

Bible

⁹ Ǹyaŋ ŋá m̀ó kâa, ka fɛli kɛ́, gɛ̀ ní, a pâi tɛɛ̂i kápɔ; ka gɔ́ri, gɛ̀ ní, ka pâi gáâi; ka gbôŋ tua, gɛ̀ ní, ǹá a pâi ƃôi kâa.

Lukə 11:9 Referans Kwoze

Markə 11:24

Yili ɓə gaa mą, gáá moi kaa, ɓɛlɔwai ka káá hɛn da hvɛli la Yálá ɓa, ka laa na kaa diɛ, kaa ɉɔlɔɓo; mąą hɛn tii a tɛɛ ka pɔ.

Maafîu 21:22

Akɛ ka laa Yálá la, yii lɔpee ka vɛli mą a dɛɛ ka pɔ.»

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Ɉaan 15:7

Ka kanąn mą́ą́, nwóóɠaa kili ə lɛɛ ka ŋą, yii lɔpee ka mąąkpaan gaa mą, ka vɛli ka ɉɔlɔɓo.

Ɉaan 14:13

Yii lɔpee ka vɛli Yálá ɓa ɲą́ą́ náá hu, ŋą dɛɛ ka pɔ, ə gɛ, ną́n mąą ə wiɛ non Ɉaalai.

Zɔ̂ŋ Maa-ŋuŋ 3:22

ɛlɛɛ, hɛn kpɔ gwa vɛli mą, gwa ɉɔlɔɓo ɲəi mąąhɔlɔɓo, gwa nwɔ tíɓoɠaai pɔ yíiɓo, ɛlɛɛ, yii nwɛli kaa mą, guɔ gɛ.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Mąątɛ̨nɛ̨ 118:5

Ɓɛlɔwai ŋą́ kɛ la liihɛlɛn gɛnɛ̨ hu, ŋį́ Yai-Laa təli, Yai-Laa ə nwoo mu hon, ə volóon na ɓo.

Ɉeremi 29:12

Ka mą́ą́ hiɛ kulɔ pai kɛi, kaa pa ɓɛ, káá də́li a náá, káá vɛ́li, ɲą́ą́n ŋą́ ɲéé hee ka woo mu.

Hebreu 11:6

Yaan, a kɛ laa na laa hvəə, nui lɔpee ta hva pɛli Yálá liihon ɉi; mąąhɔlɔɓo, nui a kɛ mąąlɛɠɛi Yálá ɓa, mąąnɛ̨ɛ̨ ə laa na yɛ, Yálá kaa laa, ɛlɛɛ, nuą da gwɛli, a di hvɛla kulɔ.

Zĩi 5:15

Laa na laa hvɛli woo a ɲɔ̨n gɛ mun gɔlɔi pono; ɛlɛɛ, gu Nąmu a ɉaŋąn ə ɉee, ə mą kɛ aa nɛ̨ŋɛ̨n ɉəɠə, a nwɔ nɛ̨ŋɛ̨n mąą hvaalɛɛ.

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Mąątɛ̨nɛ̨ 34:10

Kaai a Yai-Laa nwɔ nu mąąhəɠɛɛɠaa, 'ka kwɛli hvilɛn mą a ɲɔw mąą laa; Mąąhɔlɔɓo, nui a ɲɔw mą, kanąn va hee mą.

Hebreu 4:16

'Ká gu gu mąąlɛɠɛ kan dɔɔkpəlin ma a kilitɔɔmąąlaa walawala, əgɛ, gu ɲɛ̨imąąwɛli kaa hɔlɔɓo da mɛ̨inɛ̨ɛ̨, yɛ pɛli kpɔn ɉii guɔ a ɲələi bɛliɛi mą.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 34:4

'Ka lɛɠɛ mą́ą́, ka gu Yai-Laa mąątɛ̨nɛ̨! 'Ka gu naa tɛ a gee.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Mąątɛ̨nɛ̨ 27:8

Nwooi ə́ mo, nąą kili kaa ŋą́, yai ə́ kɛ la mą: «'Ka ɲɛ̨́ilai gwɛli», Yai-Laa ə́ ɲɛ̨ilai ɓə gáá gwɛlii.

Maafîu 6:29

Kɛlaa gáá moi kaa, bələi mąn Salomɔn ə kɛ la nwɔ tɔɔlaai hu, mąąyili hɛnŋąą di hvo kɛ lɛlɛ li hvo həli nwuluɠaai tii dɔ̨nɔ̨ kpɛli pɔ.

Korɛntə veelɛ 6:2

Hvo gaai, moɔi diɛ mą: «Ŋą́ ə́ woo mu hon, a mɛ̨inɛ̨ɛ̨ yələ, ŋą́ ə́ mąąkpɔnmąąɓo, a nwun mąąɓo yələ, ɲələ lɛlɛɛ ka kani aa həli.» Nuą ɓalo hvoló di vaaɓo, aa həli.

Markə 13:37

Mɛ̨nįi ŋɛ̨i gáá moi kaa, gáá moi nu kəlee ɓa, gɛ́ nu kəlee ə gbɔwɔ mɛ̨i kaa, ka hvo yii.»

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Mąątɛ̨nɛ̨ 27:4

Mɛ̨nį tɔ̨nɔ̨ ɓə ŋą́ vɛli Yai-Laa ɓa, a mɛ̨nįi kpɔ gáá gwɛlii, ya ɓaa: Ŋą́ hee Yai-Laa yəi bɛlɛ́n, nwɔ́ yɛnɛ̨ɛ̨ kəlee yeemu, gɛ́ Yai-Laa nwɔ lɛlɛ laa kaa; gɛ́ nwɔ pɛlɛ́i ɲąąnɛ̨ɛ̨ kulɔ.

Danîa 9:3

Ŋą́ hin nɔ, ŋą́ mąąwɛli heeɓo yɛ haa a too nu ɓa, gɛ́ ɲee laa hee Yálá ɓa, gɛ́ vɛli, gɛ́ nɛ̨ɛ̨mąą hvo mą.

Maafîu 21:31

Akɛti, gáá ka mąąni kɛi; nɛapəlɛɛ hveelɛi tii, nɛlɛ ɓə nąn niiɓa kɛ?» Nuą tii di Jesus nwoo ŋąąpənə diɛ mą: «Nón dɔlɔɔ tii ɓə.» Jesus ə mo kɛa diɛ yɛ diɛ: «Gáá tɛ̨ą ɓoi kaa, niihɔ̨nwɔ̨ kulɔ nuą da wɛli hon nuą di kaa pai tɛi ka tɔwɔ Yálá-taa tɔɔlaa hu.

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!

M̀ɛni-lɛɛi 2:24

«Kɛlɛɛ ka wɛi, kaai Tiatirə, kaai ka hvo kɛ lɔ li galan bələ ɲɔ̨nwɔ̨ɔ̨ tii hu, ɛlɛɛ, ká hvo nwɔ̨nɔ̨ ká yee too li ɓilihi ŋą mɛ̨nį loɔ kpon ɉu kwɛa tii hu, və́ pai tíɛ̨ wiaa takpɛli laai ka nwuɔ̨.

Wɛli 5:6

Ŋą́ą́ bɛlɛ́ laa ɓo nwɔ́ wɛlii tɔwɔ, Kɛlaa, nwɔ́ wɛlii ə tɛɛ lɔ ɲɛ̨́i hvili, lii tii aa mo, nwooɠaa di kɛi níi kulɔ mą́ą́; ya hvə, ŋą́ą́ gwɛli! Ŋą́ą́ dəli lɔ kpali-kpali! Hvo hvaa li ɲə́i.

Lukə 11:10

Mąąhɔlɔɓo, nui a hɛn vɛli, da dɛɛ bɔ. Nui a hɛn gwɛli a ɉɔlɔɓo. Da pɛlɛ laaɓo naa kɛlɛ mun dɔwɔ.