Lukə 11:52 - Yálá laawoo hɛɓɛ (dc)

⁵² «Kpalo ɓɛlaai kaa! Ɉɛɓɛ́ kɛ nuą! Mąąhɔlɔɓo, kaa kpɛ̨ąn Yálá liiɓa kɔ́lɔn bələ hu, kaa kpinįi ka hvo lɔi, ɛlɛɛ, nuą nwɔ̨nɔ̨ nąą wɛli kaa diɛ, kaa kpɛ̨ąn di tɔwɔ, ka hvo di lɛɛi laa di hvo lɔ.»

Yálá laawoo hɛɓɛ

⁵² «Kpalo ɓɛlaai kaa! Ɉɛɓɛ́ kɛ nuą! Mąąhɔlɔɓo, kaa kpɛ̨ąn Yálá liiɓa kɔ́lɔn bələ hu, kaa kpinįi ka hvo lɔi, ɛlɛɛ, nuą nwɔ̨nɔ̨ nąą wɛli kaa diɛ, kaa kpɛ̨ąn di tɔwɔ, ka hvo di lɛɛi laa di hvo lɔ.»

Bible

⁵² “Kpalo ƃélaâi káai a dɔ̂ŋ-lɛ-ƃelai kâa! Kpɛ́ni fêi, ka dare-kpoŋ ŋɔkîi síɣe; káa kpîŋ káfe niî lɔ ni naa, ǹyaŋ ka ǹûai kpéra diai ŋ̀wɛ̂lii dí lɔ naai.”

Lukə 11:52 Referans Kwoze

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Gɛlaɠaa 5:40

Di gɛlaɠaa təli, di di kɛlɛ a galakpa, di tɔn dɔɔ diɛ, diɛ di hvo Jesus laa ɓo. Di ɓo diɛ.

Maafîu 22:35

Tɔ́n vili nąmu tɔ̨nɔ̨ ə kɛ bɔ ə ɉon vaa woo hu, ə mo mą yɛ mą:

Lukə 11:53

Ɓɛlɔwai Jesus ə həɠə la gɛɛnąąi tii, dɔ́n galamɔ̨ɔ̨ɠaa da Farisiɛ̨ɠaa di lii ə kələn gbɔ di kwəi, diɛ kɛa mąąni kɛ huwu lɔpee gəlee kɛ Jesus ɓa.