Lukə 11:49 - Yálá laawoo hɛɓɛ (dc)

⁴⁹ Yili ɓə gaa mą, Yálá ŋɛ̨i mɛ̨nį kəlee kɔ́lɔn, gaa moi ka mąą mɛ̨nį hu, yɛ diɛ: ‹Gáá pai gwəi mɛ̨nį hukulɔ nuą, da nwɔ́ tínuą tɔɔi ka pɔ, di kaa pai daɠaa paai diɛ daɠaa ɓɛlɛkpɛɛ diɛ.›

Yálá laawoo hɛɓɛ

⁴⁹ Yili ɓə gaa mą, Yálá ŋɛ̨i mɛ̨nį kəlee kɔ́lɔn, gaa moi ka mąą mɛ̨nį hu, yɛ diɛ: ‹Gáá pai gwəi mɛ̨nį hukulɔ nuą, da nwɔ́ tínuą tɔɔi ka pɔ, di kaa pai daɠaa paai diɛ daɠaa ɓɛlɛkpɛɛ diɛ.›

Bible

⁴⁹ Maa-mɛni ma Ɣâla Ŋɔtárei ǹyɛɛi, ‘Ŋa pâi lóno-kɛ-ƃela da sia-ƃela tɛɛ̂i dípɔ. Da pâi da-ni paâi, dí da-ni ŋɛi maa nɔ̃̂ɔ,’

Lukə 11:49 Referans Kwoze

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Kolosə 2:3

A yai, kili mɛ̨nį da mɛ̨nį kɔlɔŋąą ŋą hɛngɔw kəlee kaa ɉu.

Ifisiɛŋ 4:11

Ɛlɛɛ, ə mɛ̨inɛ̨ɛ̨ɠaa kɛ, diɛ ɓaa: Gɛlaɠaa, Yálá kwəi mɛ̨nį hukulɔ nuą, Nwɛlɛɛ lɛlɛɛ laa həli nuą, gbɔn mɛ̨ikaa nuą, da mąąkwɛli kɛ nuą;

Korɛntə dɔlɔɔ 1:24

Kɛlaa, diɛi Yálá aa di təli, yɛ ə kɛ a Ɉuifə, yɛ ə kɛ a huwu takpɛli, Kristə kaa di yəi a Yálá nwɔ huwalawalalaa da Yálá ŋą kilikɛɲəi laa.

Gɛlaɠaa 22:20

Ɛlɛɛ, ɓɛlɔwai di kɛi ə́ wɔ tələnmomun Etiɛnə paa la, ku kəlee ɓə kɛ laa. Ŋą́ hvaa baa mɛ̨nį ɓa. Ɲą́ą́ ɓə ɲee kɛ baa nuą kwąną-həɠə ɓa.›

Gɛlaɠaa 8:3

Solə nwɛi, ə ɲąąwala kpɔ, yɛ gbɔn ɉu taɠa. Ə kɛli lɔ bɛlɛ́ɠaa mu, yɛ laa na nuą hon, hinąą da nɛ̨ąą, yɛ di too gaho ŋą.

Gɛlaɠaa 7:57

Nuą kəlee di tomą kpɔ a di woo kɛnɛ̨ɛ̨, di di yee lɔ di wəlii. Di kəlee di kpuluun di wolo Etiɛnə ɓa,

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Maafîu 22:6

Daɠaa dinuą tii hon di di paa.

Ɉeremi 7:25

Ə həɠə kpɔ di nąnni kulɔ yələ ɓa Eziptə lɔi hu, ə həli háákələi ɓa, və́ ta kpəla li gwə́i mɛ̨nį hukulɔ nuą tɛɛ ɓa di pɔ, diɛi ɓaa nwɔ́ tínuą; ŋį́ di tɛɛ a hvoló tɛitɛi kəlee.

Lukə 11:48

Ka nąnni túwɔ́ pələ ɲɔ̨nŋąą tii, ka káá nɛi, kaa kpinįi kaa ɓo nwɔ̨nɔ̨ a gɛla. Mąąhɔlɔɓo, ka nąnni di Yálá kwəi mɛ̨nį hukulɔ nuą paa, ɛlɛɛ, kaa di kámąɠaa pɛli a nɛlɛɛ!

Gɛlaɠaa 11:27

Nąąlɔwai ti ɓə Yálá kwəi mɛ̨nį hukulɔ nuą di həɠə la Ɉerusalɛmə, diɛ li Antiɔsə.

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.