Lukə 11:34 - Yálá laawoo hɛɓɛ (dc)

³⁴ Nu ɲɛ̨ikɔw kaa a kɔ́lɔ nwɔ kɛɛ pono, akɛ, mɛ̨nį ta a wala kɛ mą, nu kɔ́lɔ nąą kəlee a kɛ kɛɛ pono hu. Kɛlaa, akɛ nu ɲɛ̨ikɔw nąą ta a kɛ mą, nu kɔ́lɔ nąą kəlee a kɛ kpinį hu.

Yálá laawoo hɛɓɛ

³⁴ Nu ɲɛ̨ikɔw kaa a kɔ́lɔ nwɔ kɛɛ pono, akɛ, mɛ̨nį ta a wala kɛ mą, nu kɔ́lɔ nąą kəlee a kɛ kɛɛ pono hu. Kɛlaa, akɛ nu ɲɛ̨ikɔw nąą ta a kɛ mą, nu kɔ́lɔ nąą kəlee a kɛ kpinį hu.

Bible

³⁴ Káŋɛi ƃa kákponôi ŋɔlaŋpoi; à kɛ̀ káŋɛi à kwaa kâa a ǹɛ́lɛɛ, gɛ̀ ní, kákponôi kélee láa fɛɛ̂i a kwaa-ponoɔ; kɛ́lɛ, káŋɛi à kɛ̀ a nyɔ́mɔɔ, gɛ̀ ní kákponôi láa fɛɛ̂i a kpini.

Lukə 11:34 Referans Kwoze

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Mąątɛ̨nɛ̨ 119:18

Ɲɛ̨́i hvoloon, gɛ́ pɛli, ə́ wɔ tɔn nwooi lɛlɛ pələ kaai.

Kolosə 3:22

Luwɔɠaa, ká nąmįnąi ɓɛ lɔi mɛ̨i, ká lɛɛ di woo mu mɛ̨nį kəlee hu. 'Ká hvo tí lɔ diɛ, mąąhɔlɔɓo, di ɲɛ̨i kaa káá; yɛ, ká kɛi ká wɛli too bələ kwɛli diɛ; kɛlaa, yɛ nuąi di liinɛ̨ɛ̨i di kwəi, diɛ tí gu Ną́mu ɓa a ɲɔw mąą laa.

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Ɉeremi 5:21

«'Ka ka wəli tɔɔ! Kai ka kiliŋaa pɛlɛɛ, ka hva ŋąą hiɛ. Ɲɛi kɔ́w kaa ka, ka hva kɛɛ kaa la! Wəli ə ɓo ka, ka hva mɛ̨nį mɛ̨n na!»

Ifisiɛŋ 1:17

Gu Nąmu Jesus Kristə nwɔ Yálá, Nąn, yai mąąwiɛlaa kəlee kaa a nwɔɔ, ə ká kɔ́ a mɛ̨nį hukpɛ kili, yɛ Yálá mąą mɛ̨nį hu pono ká ɲɛ̨i ɓa, káá pɛli gɔlɔn ɉii la a neelee;

Markə 4:12

Əgɛ, yɛ pələi Yálá laawoo hɛɓɛ́ ə mo la, yɛ mą: «‹Da kɛɛ kaa, di hva mąąkpɛɛ; wəli kaa diɛ mɛ̨nį yɛ too ɉu, kɛlaa, di hva aa kaa; əgɛ, di hvo pa tinɛ̨n di hvo kpəla mɛ̨nį ɲɔ̨n mą, di mąąhvaa hvo lɛɛ!›»

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Markə 8:18

Ka ɲɛ̨ikɔw kaa kaa, ka hva kɛɛ mąąkpɛɛ la, wəli kaa kaa, ka hva mɛ̨nį mɛ̨n na. Akɛti, mɛ̨nį nąą kili hva lɛɛ ka ŋą?

Azaya 44:18

Di hvo mɛ̨nį kɔ́lɔn, di hva mɛ̨nį kpaɠala kaa, mąąhɔlɔɓo, di ɲɛ̨i kpinį pələ diɛ, di hva pɛli kɛɛ kaai, di kili wala wala pələ, mɛ̨nį ta hva pɛli lɔi di kili hu!

Gɛlaɠaa 13:11

Yiihu kɛa, Ną́mu Yálá yee kaa ə́ mɛ̨i, ə́ ɲɛ̨i pu hiɛ ka, ɛlɛɛ, yíikuu hveelɛ yee mu, hvó kɛa pai hvóló kaai. Ɲąąɓa, Elimasə ɲɛ̨i ə nɛɛmą ə pu; yɛ tínɛ̨n, yɛ nu kwɛli mą, əgɛ, ə dənən dɔɔ.

Azaya 29:10

Mąąhɔlɔɓo, Yai-Laa aa kwəi pilimąą hvə kaa, Yálá kwəi mɛ̨nį hukulɔ nuą, aa ka ɲįnąą kpulu, kɛɛ kaa nuą, aa ka nwun mɛ̨i kpulu.

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Mąątɛ̨nɛ̨ 81:12

Kɛlaa, nwɔ́ nu huwui hvo kɛ nwəli tɔɔ li nwóó ɓa, Israɛlə hvo gɛli mą́ą́.

Ifisiɛŋ 6:5

Luwɔɠaa, ká nąmįnąi di kaa ɓɛ lɔi mɛ̨i, 'ká lɛɛ ká woo mu a ɲɔwmąąlaa da mąąkpɛlin, a ká kwəi kwɛlɛɛ, yɛ ká kɛli gɛ Kristə ɓa;

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Markə 7:22

nwɛli hon ŋąą, nu ɲɛ̨i kulaa ə ɓɛlan ɲei hɛn ɓɔ a ɲɔ̨nwɔ̨ɔ̨, gbąną laa mɛ̨nį, mɛ̨nį pili ɉu kɛɛ, tolo ɲɔ̨nwɔ̨ɔ̨ kulaa, lalan biliɛ, kpɔnŋąą kɛnɛ̨, ə mą kɛ da kilikpɛɛɲei laa.

Azaya 42:19

Gbɛɛ ɓə kɛ ɲɛ̨i puɔɔ, kɛlɛi nwɔ́ tímun lɔ ɓə kɛ? Gbɛɛ ɓə kɛ nwəli wolɔɔ yɛ nui gáá pai dɔɔi? Gbɛɛ ɓə kɛ ɲɛ̨i puɔɔ ə həli nui aa liilaa hɔlɔɓo bɔ? Gbɛɛ ɓə kɛ nwəli wolɔɔ yɛ Yai-Laa nwɔ tímun?

Hanwon 28:22

Hɛn nwɛlimun ɲɛ̨i a kulɔ mɛlaa di wɔ hɛn bɔ, yɛ gilɛ həɠə bulu, gili hvo ɉu yɛ kɛ yeehvowololaa yɛi ə pa wolo mą.

Zɛnɛse 19:11

Sodomə nuąi ŋɛ̨i kɛ kɛa tɔɔni gbon ma, malakaɠaa di nuąi tii kəlee ɲɛ́i kpinį diɛ, ə gɔwɔ tɔɔ ɉilɛlɛa diɛ, ə həli la ɉulɔgoloɠaa diɛ, nu tɔ̨nɔ̨ kpɛli hvo pɛli bɛlɛ́ laaləi kaai.

Hanwon 21:4

Ɲɛitɛmun, huɲąɲą kɛnɛ̨mun, nwąnąlɔ nuą da di wɔ mąąwiɛ, gəlee kaa a nɛ̨ŋɛ̨n.

Azaya 5:20

Kpalo ɓɛlaai diɛ, da mɛ̨nį ɲɔ̨nwɔ̨ɔ̨ laa hee a nɛlɛɛ, diɛ mɛ̨nį nɛlɛɛ laa hee a ɲɔ̨nwɔ̨ɔ̨, diɛ kɛɛ pɔ̨nɔ̨ laa hee a kpinį, diɛ kpinį laa hee a kɛɛ pɔ̨nɔ̨; ɉɛn nwąnąą, diɛ naa hee a nəɠən ŋąą, ɉɛn nəɠən ŋąą, diɛ naa hee a nwąnąą.

Lukə 11:35

Yili ɓa, gɛ a nɛlɛɛ, gɛɛ ponoi ŋɛ̨i gaa ə́ hu, hvo mąą pənə a kpinį.