Lukə 11:26 - Yálá laawoo hɛɓɛ (dc)

²⁶ Yili pulu, a li ə mɛlaa ɲįnɛ̨nŋąa mɛ̨ihveelɛ təli, yiiɠaa di wɔ mɛ̨nį ɲɔ̨nwɔ̨ɔ̨ di tɛɛ mą, da diɛni da pa, a gee di hvilɛn nui tii pulu. Mąą nui, ŋąąkpɛɛi nwɔ mɛ̨nį a ɲɔ̨n ə tɛɛ dɔlɔɔ ɓa.»

Yálá laawoo hɛɓɛ

²⁶ Yili pulu, a li ə mɛlaa ɲįnɛ̨nŋąa mɛ̨ihveelɛ təli, yiiɠaa di wɔ mɛ̨nį ɲɔ̨nwɔ̨ɔ̨ di tɛɛ mą, da diɛni da pa, a gee di hvilɛn nui tii pulu. Mąą nui, ŋąąkpɛɛi nwɔ mɛ̨nį a ɲɔ̨n ə tɛɛ dɔlɔɔ ɓa.»

Bible

²⁶ Gɛ̀ ní, a lî é pá a nyînaŋ nyɔ́mɔɔ lɔ́ɔlu mɛi feerɛ nyii-ŋai dísɔnyɔ̂ŋ tɛɛ̂i mài. Da lɔ̂ naa, díkɛ naa. À kɛ̀ tí, maa-nuui ti ŋɔkɛ-perei gbɛɛ ŋá nyɔ́mɔɔ̂i é tɛ́ɛ duɛ-tuɛi ma.”

Lukə 11:26 Referans Kwoze

Ɉaan 5:14

Nąąta wolo gɛɛ, Jesus ə gaa Yálá hee pɛlɛ́ mu, yɛ mą: «Yii kɛa ə́ kɔ́lɔi aa pono, hvó kɛa nɛ̨ŋɛ̨n ɉəɠə, əgɛ, mɛ̨nį nwąnąą ta hvo pa laa yɛ́, hvo tɛɛ yili ɓa.»

Maafîu 12:45

Yili pulu, a li, ə mɛlaa ɲį́nɛ̨n mɛ̨ihveelɛ təli, yiiɠaa di wɔ mɛ̨nį ɲɔ̨nwɔ̨ɔ̨ yee tɛɛi nwɛi ɓa, di pa nwɔ̨nɔ̨ di hvilɛn bulu. Ŋąąkpɛɛi, nui tii túwɔ́ pələ a ɲɔ̨n ə tɛɛ dɔlɔɔ ɓa. Bələ kpɔlɔɔ ɓə háákələi nuą ŋɛ̨i kaa la.»

Zɔ̂ŋ Maa-ŋuŋ 5:16

Nu ta a nąn non ɲee kaa nɛ̨ŋɛ̨n ɉui, a nɛ̨ŋɛ̨n yii hva nɔ haa hui, ə hvɛliɓo kɛ mą, ɛlɛɛ, Yálá ə yɛnɛ̨ɛ̨ tɛɛ bɔ, Akɛ gaa kpɔ a nɛ̨ŋɛ̨n, nu a ɉəɠə hva nɔ haa hu. Nɛ̨ŋɛ̨n da kaa laa, yɛ nu lɔ haa hu; yili hvəə gáá kɛi mą, di hvɛliɓo kɛ ɉəɠəmun ma;

Sofoni 1:6

Nuąi daa di pulu tɔɔ Yai-Laa ɓa, di hva gɛ di hvo ɲɛ̨ilaa kwɛli mɛ̨nį ta hu, di hva mąąnikɛ, Gáá gəlee nwun napilii.

Maafîu 23:15

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, ka hiɛ lɔi mɛ̨i nąą kəlee da gboloyá ŋą nąą kəlee, ə gɛ, ka nu tɔ̨nɔ̨ hɔlɔɓo ə kɛ a ka wɔ kalan non. Ka ɉɔlɔɓo, ka galan ə kɛ nui da tinąą bili ɉahanąmą nwɔ̨n ɉu, nwɔ mɔ̨nɔ̨i ə kɛnɛ̨ a ɉeei hveelɛ, ə tɛɛ ka wɛi ɓa.

Lukə 11:25

A pənə a pa, a gɛɛnąą tii kaa yɛ, pɛlɛ yii gaa a vowolo, mu kəlɛɛ, nąą pɛliɛ a nɛlɛɛ.

Lukə 11:27

Ɓɛlɔwai Jesus ə kpɛɛ la a nwooɠaa tii ɓoɔ, nɛ̨ɛ̨nu ta ə mo mą nu kpului tii ɲɛ̨i ɓa, yɛ mą: «Nɛ̨ɛ̨nui ə́ mąąkoo həɠə, ə ɲįnį tɔɔ ə́ la, mąą nɛ̨ɛ̨nui nwun na nɛ̨ɛ̨i.»