Lukə 10:42 - Yálá laawoo hɛɓɛ (dc)

⁴² Kɛlaa mɛ̨nį yii viɛlaɓoɔ, ya ka ŋɛ̨i Mari aa ɉəɠə ɉu, nu ta hva pɛli yili kulɔi ɲəi.»

Yálá laawoo hɛɓɛ

⁴² Kɛlaa mɛ̨nį yii viɛlaɓoɔ, ya ka ŋɛ̨i Mari aa ɉəɠə ɉu, nu ta hva pɛli yili kulɔi ɲəi.»

Bible

⁴² mɛni tɔnɔ ƃe gbanaŋɔɔ̂i. Mere a ǹɛ́lɛɛ síɣe zu nyii dífe pâi gulâi ǹyêei.”

Lukə 10:42 Referans Kwoze

Mąątɛ̨nɛ̨ 27:4

Mɛ̨nį tɔ̨nɔ̨ ɓə ŋą́ vɛli Yai-Laa ɓa, a mɛ̨nįi kpɔ gáá gwɛlii, ya ɓaa: Ŋą́ hee Yai-Laa yəi bɛlɛ́n, nwɔ́ yɛnɛ̨ɛ̨ kəlee yeemu, gɛ́ Yai-Laa nwɔ lɛlɛ laa kaa; gɛ́ nwɔ pɛlɛ́i ɲąąnɛ̨ɛ̨ kulɔ.

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 5:24

«A tɛ̨ą, a tɛ̨ą kpɔkpɔɔ gáá moi kaa: nui a nwəli tɔɔ nwóó ɓa, ɛlɛɛ, nui dɔ́ɔ́, yɛ laa na, a yɛnɛ̨ɛ̨i kpɛɛ hvo mą hɔlɔɓo. Kiti mɛ̨nį hvo mą, kɛlaa, aa kulɔ haa yəi, yɛnɛ̨ɛ̨i kpɛɛ hvo mą, aa ɉɔlɔɓo.

Mąątɛ̨nɛ̨ 73:25

Gbɛɛ takpɛli ɓə ɲə́i yələi pələ, ə kulɔ ə́ pulu? Ŋą́ kɛ ə́ yəi yɛnɛ̨ɛ̨ ɓɛi, lə kpɔ ɓə mąą kąnąn a hee mą́ą́?

Lukə 18:22

Yii kɛa Jesus ə nwoo tii mɛ̨n, ə mo mą, yɛ mą: «Mɛ̨nį tɔ̨nɔ̨ kaa laa yii mąąnɛ̨ɛ̨ ə́ gɛ, ya ɓaa: Li, ə́ ə́ yəi hɛnŋąa kəlee lɔwɔ́tɔɔ, ə́ nwali ŋąąkwɛlɛ yeehvowolo nuą diɛ. A kɛ tii, ya kɛ a hɛn gɔw nąmu Yálá-taa. Yili pulu, pa ə́ hvilɛn búlú.»

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Mąątɛ̨nɛ̨ 17:15

Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.

Markə 8:36

Akɛ nu ya yɛnɛ̨ɛ̨ hɛn gɔw kəlee hɔlɔɓo, ə ɉɔ̨nwɔ̨ kɛ a ə nwɔ yɛnɛ̨ɛ̨, yili dɔlɔ ɓaa a lə?

Mąątɛ̨nɛ̨ 142:5

Ə́ ɲɛ̨i hee ɓa-mįi-yee hu pələ, gɛɛ kaa, nu ta hvo kɛa gɔ́lɔn! Ɓɛi kpɔ ŋį́ noo laa, nąą hvo mą, mą́ą́ kiliŋąhiɛ hvo nu ta lɔpee ɓa!

Dutɛrɔnome 30:19

«Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Mąątɛ̨nɛ̨ 119:30

Tɛ̨ą pələ ɓə ŋą́ ɉəɠə a nííɓa, vílɛnŋąąi lɔ ə́ wɔ tíɓoɠaai pulu, gɛ́ di kɛ.

Lukə 8:18

Ka gɛ a nɛlɛɛ, mɛ̨nįɠaai ka káá mɛ̨n ɉi mąą mɛ̨nį ɓa. Mąąhɔlɔɓo, nui hɛn da kaa ɲəi, Yálá a da pɛlɛ mą. Kɛlaa, nui hɛn da hvo ɲəi, yii woloi gili kaa mą, Yálá a tinąą gulɔ ɲəi.»

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»

Mąątɛ̨nɛ̨ 119:111

Gwɛ́lin mąą Ə́ laawoo a yələ kəlee, yá ɓə a gwə́inɛ̨ɛ̨.

Korɛntə dɔlɔɔ 13:3

Ə mą kɛ ŋą́ą́ ɲəi hɛnŋąa kəlee ɲąąkwɛlɛ nuą pulu kaa diɛ, di pɔ, ə mą kɛ, ŋą́ą́ gbɔ́wɔ́ tɛɛ, diɛ gə́lən, akɛ wɛlikɛmąąlaa hvo ɲə́i, vá hɛn da hɔlɔɓo ɉu.

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Lukə 16:25

«Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́.

Zasua 24:22

Ɉosue yɛ nuą diɛ: «Kaa kpinįi ɓə a ka kpɔɔ mąą kɛla, kaa kpinįi ɓə hvaa mą kaa lɛɛ Yai-Laa pɔ, ə gɛ, ka tí mą.» Nuą diɛ Ɉosue ɓa: «Ee! Gəla ɓaa kuɔ!»

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Mąątɛ̨nɛ̨ 119:173

Ə́ hvąŋą ə pa, ə kpɔnmąą tɛɛ bɔ́, mąąhɔlɔɓo ŋą́ą́ ə́ wɔ tɔn nwooɠaai həɠə ɉu, a nííɓa.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Lukə 16:2

Ɉɛn gɔw nąmu ə nwɔ hɛn gɔw laaikɛ mun də li, yɛ mą: ‹Ŋą́ą́ mɛ̨nįɠaa mɛ̨n ə́ laa mɛ̨i, yii hvo lɛlɛ li, bələi hiɛ ə́ kaa goló kɛi la, pa ə́ gwɛlanmo kɛ. Mąąhɔlɔɓo, hvo kɛa pai lɛɛi a nwɔ́ hɛn gɔw laaikɛ mun.›

Lukə 10:39

Martə nəɠə nɛ̨ɛ̨nu ta ə kɛ laa, diɛ kɛ nąą ɓa Mari, ə pa ə hee Ną́mu Jesus kɔ́wɔ mu, nwəli tɔɔ nwɔ kalan gɛ woo ɓa.

Lukə 11:1

Hvóló ta, Jesus ə kɛi Yálá hvɛli kɛɛnąą ta, nwɔ kalan nɛai dɔ̨nɔ̨ yɛ mą: «Ną́mu, Yálá hvɛli pələ lɛ kuɔ yɛ pələi Ɉaan ə nwɔ kalan nɛai mąąkwɛli la.»

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Ɉaan 11:1

Hulɔnu ta ə kɛ laa, ɲɔ̨n yɛ ɓo mą; diɛ kɛ naa ɓa Lazarə. Ə kɛ Bɛtani daai, ɓɛi kɛ a Mari da Martə di pɔ taai.

Ɉaan 11:19

Ɉuifəɠaa tamąą di pa Martə da Mari di pɔ, ə gɛ, di di liilaa di mąąhulɔnu haa mɛ̨nį ɓa.

Ɉaan 12:3

Mari ə nu mąątí wulɔ kun nɛ̨ɛ̨ həɠə, ɉɔ̨nwɔ̨ kɛnɛ̨, ə ɉiɛ Jesus kɔ́wɔ ɓa, yɛ mąą kələ a nwun nɛɠa. Gun ə bɛlɛ́n gəlee kulɔ.