Lukə 10:27 - Yálá laawoo hɛɓɛ (dc)

²⁷ Ɉulɔnui tii ə nwoo pulu pənə yɛ mą: «‹Ə́ Ną́mu ə́ wɔ Yálá wɛli la kɛ a ə́ lii kəlee, a ə́ nɔw kəlee, ə́ wɔ huwalawala kəlee, ə́ wɔ kiliŋąhiɛ kəlee.› Ə lɛɛ, ‹Da ə́ ə́ hee yɔwɔ wɛli la kɛ yɛ ə́ kpinįi.›»

Yálá laawoo hɛɓɛ

²⁷ Ɉulɔnui tii ə nwoo pulu pənə yɛ mą: «‹Ə́ Ną́mu ə́ wɔ Yálá wɛli la kɛ a ə́ lii kəlee, a ə́ nɔw kəlee, ə́ wɔ huwalawala kəlee, ə́ wɔ kiliŋąhiɛ kəlee.› Ə lɛɛ, ‹Da ə́ ə́ hee yɔwɔ wɛli la kɛ yɛ ə́ kpinįi.›»

Bible

²⁷ Nya ƃe e zu tòo, ǹyɛɛi, “Fɛ̂ɛ í Ínuu-namu-Ɣala wɛ́li a ílii kélee, ímɔ̂leŋ kélee, íwala-wala-laai kélee, íkili kélee, í íkɔlɛ-ma-nuui wɛ́li yɛ̂ɛ íkpîŋ.”

Lukə 10:27 Referans Kwoze

Dutɛrɔnome 6:5

Ka Yai-Laa ka wɔ Yálái wɛlilakɛ a ka kwəi tɔ̨nɔ̨, a ka kpinįi kəlee, da ka wɔ huwalawala kəlee.

Lomaŋ 13:9

Hvó gaai, dɔ́n nwooɠaa ti ɓaa: 'Hvó wɛli kɛ, 'hvó nu paa, 'hvó nwuɔ̨ kɛ, 'hvó ɲɛ̨ikulɔbɔ kɛ, ə pɛlɛ la yiiɠaa ti diɛ, gəlee laa honŋąą kaa nwoo ŋɛ̨i hu: 'Ə́i ɓɛlan gaalon nwɛli la kɛ yɛ ə́ kpinį.

Dutɛrɔnome 30:6

«Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Levetekɔ 19:18

'Hvó ə́ nwąną kulɔ, 'hvo ka wɔ lɔi hu nuą hɔn ɉee ə́ kwəi. Ə́ ɓɛlan gaalon nwɛli la kɛ yɛ ə́ kpinį. Ɲą́ą́ ɓə gáá a Yai-Laa.

Zĩi 2:8

A tɛ̨ą, akɛ ká dɔɔlaa hu tɔ́n bɔ túwɔ́ ɓo, yɛ bələi ɉɛɓɛ́ ə mo la, yɛ kɛ: «Ə́ ɓɛlan gaalon nwɛli la kɛ yɛ ə́ kpɔwɔ kpinįi, ká túwɔ́ tii, akɛtii, káá gɛ a nɛlɛɛ.»

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Zɔ̂ŋ Maa-ŋuŋ 3:18

Nónnii pɛlɛɛɠaa, 'ká gu hvo wɛlikɛmąą laa kɛ lɔ a gu hvaa woo da gu nɛ̨n, kɛlaa, 'gu gɛ a gu tuwɔ pələ tɛ̨ą hu.

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Maafîu 19:19

Ə́ nąn da ə́ lee di mąąwiɛ. Ə́ heeyɔwɔ wɛli la kɛ yɛ ə́ kpinį.»

Dutɛrɔnome 6:4

Israɛlə! Ə́ wəli tɔɔ! Yai-Laa gu wɔ Yálái woo ɓa, Yai-Laa kaa tanɔ̨n.

Lukə 10:26

Jesus ə nwoo pulu pənə yɛ mą: «Lə mɛ̨nį ɓə bɛ̨ɛ̨ guɔ tɔ́n hu? Ya kɛi galan, ya kɛ ŋąą kaai ləi?»