Lukə 10:21 - Yálá laawoo hɛɓɛ (dc)

²¹ Nąąlɔwai tii hu kpɔlɔ, Kili-Mąąhəɠɛɛ əgɛ, Jesus kwəi ə nɛɛ kpɔ kɛnɛ̨, ə mo yɛ mą: «Oo Nąn Yálá; yələkɔlɔn da lɔi di pɛli mun, gáá ə́ hɛɠɛɛɓoi, mąąhɔlɔɓo, mɛ̨nįi yaa noo kilimąą nuą da mɛ̨nį kɔ́lɔn nuą diɛ, yaa gulɔ ponoŋą, nɛapɛlɛɛ ŋɛ̨i diɛ. Oo Nąn Yálá, ə́ yili kɛ tii, mąąhɔlɔɓo, yili ɓə kɛ a ə́ liiɓa.

Yálá laawoo hɛɓɛ

²¹ Nąąlɔwai tii hu kpɔlɔ, Nįį-Mąąhəɠɛɛ əgɛ, Jesus kwəi ə nɛɛ kpɔ kɛnɛ̨, ə mo yɛ mą: «Oo Nąn Yálá; yələkɔlɔn da lɔi di pɛli mun, gáá ə́ hɛɠɛɛɓoi, mąąhɔlɔɓo, mɛ̨nįi yaa noo kilimąą nuą da mɛ̨nį kɔ́lɔn nuą diɛ, yaa gulɔ ponoŋą, nɛapɛlɛɛ ŋɛ̨i diɛ. Oo Nąn Yálá, ə́ yili kɛ tii, mąąhɔlɔɓo, yili ɓə kɛ a ə́ liiɓa.

Bible

²¹ Maa aƃai tí su Zîsɛ líi è nɛ̀ɛ M̀ɔlêŋ Maa Waai sârai, ǹyɛɛi, “Ŋa ísɛɣɛ̂i fêi, Ńâŋ, Ɣâla-taa da ŋ̀éniɛi Su-nuu-namui, a gɛɛ ya mɛnii ŋi lóo dáre-ƃelai dîa da mɛni maa-kɔri-ƃelai, ya ǹɛ́ nîa-pɛlɛɛi dîa; é máŋ kɛ́ ti, Ńâŋ, nyíti máŋ e kɛ̀ a ínîa-mɛni lɛ́lɛɛ.

Lukə 10:21 Referans Kwoze

Korɛntə veelɛ 4:3

Akɛ nwɛlɛɛ lɛlɛɛi ku kaa naa həlii, mɛ̨i kpuluɔi, mɛ̨i kpuluɔi lɔ nwun na pili nuą diɛ.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Ifisiɛŋ 1:5

Ə gbɛa gu həɠə ɉu, ə gu kɛ a nwɔɔ ɲąąkɔn nonnii Kristə hu, yɛ bələ nwɔ wɛlikɛmąą laa ə kɛ la bɔ;

Markə 10:15

Gáá tɛ̨ą ɓoi kaa, nui a wala ɲee hee Yálá-taa tɔɔlaa mu yɛ lokolo, mąą nu hva pɛli lɔi Yálá-taa tɔɔlaa hu.»

Maafîu 21:16

Diɛ Jesus ɓa: «Akɛti mɛ̨nį ŋɛ̨i di kaa moi ə kaa mɛ̨n ɉi?» Jesus ə di woo ŋąąpənə yɛ diɛ: «Gáá mɛ̨n ɉii.» Yili pulu yɛ diɛ: «Ka hvo nii galan ni Yálá laawoo hɛɓɛ́ hu diɛ kɛ mą: ‹Yaa gɛ kpɔ lɛapɛlɛɛɠaa da ɲįnį kpələ lonnii diɛ mąąwiɛ tɛɛ ə́ pɔ.›»

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Mąątɛ̨nɛ̨ 8:2

Yai-Laa, ku Nąmu, ee kə́! Ə́ laa mąąwia ɓə yɛnɛ̨ɛ̨ nąąkəlee, ə́ wɔ mąąwiɛ kɛ̨nɛ̨i, yɛ́ lan yələkɔlɔn mɛ̨i.

Lukə 15:9

Akɛ a gaa, a mɛlaa kəlee təli, yɛ diɛ: ‹Ka gu kwəinɛ̨ɛ̨ kulɔ, mąąhɔlɔɓo, nwɔ́ walii pili, ŋą́ą́ gaa.›

Lukə 15:5

Akɛ a gaa, gwəi a nɛ̨ɛ̨ kpɔ kɛnɛ̨. A ɉon, ə naa galan ŋą,

Sofoni 3:17

Siɔn, Yai-Laa ə́ wɔ Yálái kaa ə́ pɔ, gaa a kɔkulaa kɛnɛ̨i kɔ́ a nɛ̨ɛ̨ mą. Gwəinɛ̨ɛ̨i ə́ mąą mɛ̨nį ɓa, gaa ə́ pui ə́ nįnɛ̨ kɔ́lɔi nwɔ wɛlikɛmąąlaa hu. Gaa ə́ mąą mąną kaai, yɛ pili yələi a kwəinɛ̨ɛ̨, yɛ tómą.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Azaya 29:14

Yili ɓə gaa mą, gáá kpɔlɔ pai kɛi di kwəi pilii diɛ, a mɛ̨nįɠaai gáá pai kɛi gɛi di lɔwai, yɛ kilimąą nuą kiliŋą pɛlɛ, yɛ mɛ̨nį kɔ́lɔn nuą di wɔ mɛ̨nį kɔ́lɔnŋąą pili di yəi.

Ɉaan 11:41

Nuą di gwɛni həɠə gámą la. Jesus ə ɲɛ̨i tɛ ɲələi yɛ mą: «Ną́n Yálá gáá ə́ hɛɠɛ ɓoi, mąąhɔlɔɓo, ya nwóó mɛ̨n.

Azaya 62:5

A tɛ̨ą, yɛ bələi hulɔnon a nwɔ nɛ̨ɛ̨gbɛlai hɔlɔɓo la a nɛ̨ą, ə́ lonnii kaa pai ə́ hɔlɔɓoi lɔ tii, ɛlɛɛ, bələi kpɔlɔ, wɛli nɛ̨ɛ̨nu kaa la a nwɔ wɛli nwɔ kwəinɛ̨ɛ̨, bələ kpɔlɔ ɓə ə́ wɔ Yálái kwəi kaa pai nɛ̨ɛ̨i la ə́ mąą mɛ̨nį hu.

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Mąątɛ̨nɛ̨ 25:14

Yai-Laa a gwəi mɛ̨nį lɛ, nuąi da ɲɔw mą, diɛ, yɛ gɛ, diɛ nwɔ mįnɛ̨i hu wooɠaa kɔ́lɔn.

Mąątɛ̨nɛ̨ 24:1

Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?