Lukə 10:16 - Yálá laawoo hɛɓɛ (dc)

¹⁶ Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Yálá laawoo hɛɓɛ

¹⁶ Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Bible

¹⁶ “Ǹúui a káwoo mɛ̀nii, a ŋ́oo mɛ̀ni. Kɛ́lɛ, ǹúui a ǹyée kùla kamui, a ǹyée kùla mû. À kɛ̀ ti, ǹúui a ǹyée kùla ḿûi, a ǹyée kùla ǹúui mu ńdɛ̀ɛi.”

Lukə 10:16 Referans Kwoze

Ɉaan 13:20

A tɛ̨ą kpɔ-kpɔ gáá moi kaa, ŋą́ nu tɔɔ, nu a ɲee hee mui, aa ɲee hee mú; nui a ɲee hee múi, aa ɲee hee nui dɔ́ɔ́ mu.»

Maafîu 10:40

«Nui a ɲee hee ka mu, a kɛ tii, mąą nu aa ɲee hee mú. Nui yaan a ɲee hee múi, a kɛ tii, aa ɲee hee nui dɔ́ɔ́ mu.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Ɉaan 12:48

Nui a lənə mą́ą́, ɛlɛɛ, a wala laa nwóó la, aa gití teemun ɉɔlɔɓo. Nwooi ŋą́ mo, ya ɓə pai mąą nu kiti teei yɛnɛ̨ɛ̨ ŋąąkpɛɛ yələ.

Ɉaan 12:44

Nąąlɔwai, Jesus ə kɛi mo kpɔ a nwoo kɛnɛ̨ yɛ kɛ diɛ: «Nui a laa ná, ɲą́ą́ lɔ hvəə ə laa ná, a kɛ tii nui dɔ́ɔ́ ya ka tii aa laa na.

Markə 9:37

«Nui lɔpee a ɲee hee nɛapɛlɛɛɠaa ŋɛ̨i ta mu, ɲą́ą́ mą́ą́ mɛ̨nį ba, ɲą́ą́ gbinįi ka tii aa ɲee hee mú. Nui nwɔ̨nɔ̨, a ɲee hee mú, hvo kɛ ɲee hee li ɲą́ą́ dɔ̨nɔ̨ mú; a ɲee hee nui ə dɔ́ɔ́ mu.»

Maafîu 18:5

Nui a ɲee hee lokolo ta mu yɛ pələi nokoloi ŋɛ̨i kaa la, ɲą́ą́ náá hu, a kɛ tii mąą nui a ɲee hee ɲą́ą́ gbíní mu.»

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Gɛlaɠaa 5:4

Gɛɛ hvo nɔi ti lɔwɔ́tɔɔ kɛi, ə kɛ a ə́ wɔ́ɔ́, nɔwɔtɔɔi nwɔ̨nɔ̨ ə́ mo, nwali ə kɛ a ə́ wɔ́ɔ́. Lə mɛ̨nį ɓa, ə́ giliŋąhiɛ yii ŋɛ̨i ɉuwu kɛ? Hvo kɛ lɛɛ kɛ li nuą diɛ, kɛlaa, Yálá ka ti ə́ lɛɛ kɛ mą.»

Lukə 9:48

Yili pulu, ə mo diɛ, yɛ diɛ: «Nui a ɲee hee nokoloi ŋɛ̨i mu ɲą́ą́ mąą mɛ̨nį ɓa, a kɛ tii, ɲą́ą́ ka tii aa ɲee hee mú, nui a ɲee hee múi, a kɛ tii, nui dɛ́ɛ́, yaa ka tii aa ɲee hee mu. Mąąhɔlɔɓo, nui gaa a lokolo ka lɔwai, yaa ɓə gaa a nu kɛnɛ̨.»

Lonon mo 16:11

Yili mąą mɛ̨nį ɓə ka ə́ pulu nuą kəlee ka tɔɔ la Yai-Laa la. Aarɔn hvəi ka káá naa ɓoi.»

Lonon mo 14:11

Yai-Laa yɛ Moisə ɓa: «Nuąi ŋɛ̨i ɲɛ̨i kaa pai lɛɛi tɛɠɛɓoi ɉú, ə lɛɛ ɉu mįnɛ̨ lɔwai? Mįnɛ̨ lɔwai ɓə di kaa pai hvaai la mą di laa ná. Pələi mąn gáá kpalo mɛ̨nįɠaa kɛi la di lɔwai?

Lɛɛ gbɔwɔ ɓa 16:7

Yələwala pɔ, ka káá pai Yai-Laa nwɔ mąąwiɛ kaai. Mąąhɔlɔɓo, mɛ̨nįɠaai ka kɛi mo ka nwun ɉu, Yai-Laa aa mɛ̨n. Lə ɓaa kuɔ, yai ka li hvaai ka nwun ɉu kuɔ?»

Lonon mo 14:2

Israɛlə lonnii kəlee di kɛi hvaa di nwun ɉu, Moisə da Aarɔn diɛ, di kəlee diɛ kɛ diɛ: «Kwəli kpɛli haa Eziptə lɔi hu wɛ! A wala kɛ tii, ku haa kɛ nɔi pun ɉu kpɛli kɛ.

Lɛɛ gbɔwɔ ɓa 16:8

Moisə yɛ diɛ: «Yai-Laa kaa pai huwɔ tɛɛi ka pɔ háákələi yələwulii pɔ, ka mįi, yələwala pɔ, ka pilɛ a ka liiɓa. Mąąhɔlɔɓo, Yai-Laa aa ka woo mɛ̨n, kaa hvaa ka nwun ɉu. Lə ɓaa kuɔ? Kuɔ hvəi ka káá hvaai ka nwun ɉu kuɔ, Yai-Laa ɓə!»

Galatə 4:14

Ɛlɛɛ, gbínį ə kɛ kpɔ a hɛn mąąɲɔwɔ, yili hvo ká mąąɲɔw li, hvo ɲįnɛ̨-ɲįnɛ̨n doo li ká hu, kɛlaa káámun, ká ká yee hee mú, yɛ Yálá ŋą malaka ta, yɛ Jesus Kristə.