Lukə 1:8 - Yálá laawoo hɛɓɛ (dc)

⁸ Yələ ta, Zakari ə kɛ Yálá hee pɛlɛ́ mu yɛ gɛ góló kɛ Yálá ɲɛ̨i ɓa, mąąhɔlɔɓo, diɛi tii di wɔ hvólói li kɛ.

Yálá laawoo hɛɓɛ

⁸ Yələ ta, Zakari ə kɛ Yálá hee pɛlɛ́ mu yɛ gɛ góló kɛ Yálá ɲɛ̨i ɓa, mąąhɔlɔɓo, diɛi tii di wɔ hvólói li kɛ.

Bible

⁸ Nya ƃe e kɛ̀ ti, gɛɛ kɛ̀ zâla láa soŋ-tii kɛ̂i Ɣâla ŋ́ɛi, tãi ŋɔnùu kpului e kɛ̀ tíi kɛ̂i la,

Lukə 1:8 Referans Kwoze

Kɔlɔnikɔ Veerɛi 8:14

Salomɔn ə ɉaláá kulɔ nuą heekpəlin na kɛ, di wɔɔ kolóɠaa hu, yɛ bələi nąn Davidə ə mąą tɔ́n naa la: Levi lonnii, nu kəlee nwɔ kuu ə kɛ mą, diɛ Yálá mąąwiɛ, diɛ di mąą kolóɠaa kɛ ɉaláá kulɔ nuą yee mu. Bɛlɛ́ laaləi nuą, nu kəlee da dɔɔi bɛlɛ́ laaləi tɛitɛi kəlee ɓa. Hvó gaai, bələ ɓə Davidə Yálá nwɔ nu ə mo la.

Kɔlɔnikɔ Maa-ŋuŋ 24:19

Bələi di di ɲąąkwɛlɛ la di wɔɔ kóloi hu, bələ ka tii. Əgɛ, diɛ lɔ Yai-Laa yəi bɛlɛ́n, yɛ bələi di nąn Aarɔn ə dɔ́n naa la, a bələi kpɔlɔɔ Yai-Laa Israɛlə nwɔ Yálá ə dí la.

Kɔlɔnikɔ Veerɛi 31:2

Ezekiasə ə ɉaláá laa həli nuą da lévi lonnii heekpəlin na kɛ, ə di hee a di kpulu, ə di kɛ kolóɠaa lɛ diɛ. Ɉaláá laa həli nuą da lévi lonnii di yee ə lɛɛ ɉaláá hɛn da gəlee kələn mąą mɛ̨nį ɓa, niilaa haláá, goló mɛ̨nį, Yálá hɛɠɛɛɓo mɛ̨nį da mąątɛ̨nɛ̨ mɛ̨nį ɓa Yai-Laa ŋą kwəlii laaləi.

Lukə 1:5

Ɓɛlɔwai Herodə ə kɛ la a tɔɔmun Ɉude lɔi nwun na, ɉala laa həli mun da ə kɛ laa, diɛ kɛ nąą ɓa Zakari. Ɉaláá laa həli nu kpului ŋɛ̨i di kɛi kɛ nąą ɓa: Abia yee mu, Zakari ə kɛ a ɉu mun da, nɛ̨ą laa ɓa kɛ a Elisabɛtə. Elisabɛtə tii ə kɛ a ɉala laa həli nuą nwun nąmu kɛnɛ̨ Aarɔn huwuhu mun da lon nɛ̨ɛ̨nu.

Ɛsdrasə 6:18

Di ɉaláá laa həli nuą da Levi lonnii hee a di kpulu, yɛ pələi di kɛ koló ə kɛ la, Yálá hee pɛlɛ́ mu Ɉerusalɛmə daai, yɛ pələi Moisə nwɔ hɛɓɛ́i ə gɛ pələ lɛ la.

Kɔlɔnikɔ Veerɛi 31:19

Yii ɓaa ɉaláá laa həli nuą a Aarɔn lonnii, diɛi di kaa di pɔ taai ɲɛa kɔ́ɠɔɠaa hu, di gɛ lɔ tii a diɛ. Di kɛi nuą laa ɓo, yiliɠaa diɛ ɉɛnŋąą ɲąąkwɛlɛ nuą diɛ ɉaláá laa həli nuą lɔwai da nuąi di laa pɛ̨ɛ̨ lévi lonnii lɔwai.

Kɔlɔnikɔ Veerɛi 11:14

Levi lonnii di di wɔɔ taatɛlɛɛɠaa laa mį́i lɔwɔɠaai lɛɛ laa, da di yə hɛnŋąą kəlee di pa Ɉuda da Ɉerusalɛmə; mąąhɔlɔɓo Ɉeroboamə da nonnii di hvo hvaa mą, diɛ Yai-Laa nwɔ haláá kolói kɛ.

Lonon mo 18:7

Yɛ́ ka ə́ lonnii ɓə pai kɛi ɉaláá kulɔ kəhi ɓa, da ɉəɠə pɛlɛ́, gɛɛnąą mąąhəɠɛɛ mąą mɛ̨nį; ka nwuɔ̨ tiɛ̨ li. Ŋą́ą́ ɉaláá kulɔ mɛ̨nį mąą laa tɛɛ tii ka pɔ. Nui yili mąą laa hvo ɲəi, a lɛɠɛ laa a haa.»

Lɛɛ gbɔwɔ ɓa 30:30

Ə́ nwulɔi tii ta hiɛ Aarɔn da nonnii diɛ, ə́ di laakwɛlanmo mą́ą́, di kɛ a nwɔ́ haláá kulɔ nuą.

Lɛɛ gbɔwɔ ɓa 29:44

Gáá pai gee kaa pɛlɛ da ɉaláá kulɔ kəhi kɛi a hɛnŋąą mąą həɠɛɛɠaa, gɛ́ Aarɔn da nonnii di kɛ a nu mąą həɠɛɛɠaa.

Lɛɛ gbɔwɔ ɓa 29:9

Ə́ ɲala tɔɔ di ləɠəi, ə́ mɔlɔɠaa pɛlɛ Aarɔn da nonnii di nwuɔ̨, ɉaláá kulaa mąą laa ə kɛ kɛa diɛ a yələ kəlee. Ə́ Aarɔn da nonnii di lɔ kɛa di wɔ kólói hu.

Lɛɛ gbɔwɔ ɓa 29:1

«Bələi ə́ kaa pai gɛi la yɛ́ Aarɔn da nonnii di hee a nwɔ́ haláá laa həli nuą ə gɛ di lɛɛ lɔ kɛa nwɔ́ kólói hu, bələ ka: Nįŋɛ̨ hilɛ tɔ̨nɔ̨ həɠə da ɓɛlaa hilɛ hveelɛ, yii kpɛɠii hva kɛ diɛ.

Lɛɛ gbɔwɔ ɓa 28:41

Ə́ ɉəɠəɠaa tii kɛ ə́ liɛ Aarɔn da lonnii diɛ, ə́ nwulɔ mąą həɠɛɛ hiɛ diɛ, ə́ ɉaláá kulaa mąą laa tɛɛ di pɔ, ə́ di hee a nwɔ́ haláá laa həli nuą.

Lɛɛ gbɔwɔ ɓa 28:1

«Ə́ liɛ Aarɔn lɛɠɛ yɛ́, da nonnii, Israɛlə lonnii lɔwai di kɛ a nwɔ́ haláá laa həli nuą, diɛ ɓaa: Aarɔn, Nadavə da Avihu, Eleazarə, da Itamarə.

Kɔlɔnikɔ Maa-ŋuŋ 24:2

Nadavə da Avihu di haa di nąn dɔwɔ, di hvo lon gaa. Di ɉaláá kulɔ kóloɠaa hee Eleazarə da Itamarə di nwuɔ̨.

Lukə 1:7

Kɛlaa, lon və kɛ diɛ. Mąąhɔlɔɓo, Elisabɛtə ə kɛ a kpomąnɛ̨ą, ə lɛɛ di nu hveelɛi di pɔlɔɔ kɛa kɛ.