Lukə 1:75 - Yálá laawoo hɛɓɛ (dc)

⁷⁵ Ə gɛ, yaa tii ɲɛ̨i ɓa, ku túwɔ́ pələ ə kɛ yɛ pələi gaa la bɔ ku kɛ a nwɔ nu haŋąaɠaa a hvóló kəlee.

Yálá laawoo hɛɓɛ

⁷⁵ Ə gɛ, yaa tii ɲɛ̨i ɓa, ku túwɔ́ pələ ə kɛ yɛ pələi gaa la bɔ ku kɛ a nwɔ nu haŋąaɠaa a hvóló kəlee.

Bible

⁷⁵ maa-waa-laa su da tɔ̃yâ-laa su ŋɛi tuɛ a ɣele kélee kúfulu-laai su.

Lukə 1:75 Referans Kwoze

Ifisiɛŋ 4:24

'Ká lɔ nu nįnɛ̨ kɔlɔ hu, yai Yálá ə bɛli tələnmolaa hu, da mąąhəɠəlaai a kulɔ tɛ̨ą hu.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Timote veelɛ 1:9

Yai gu nwun mąąɓo, ə gu təli, a təli ɓo mąąhəɠɛɛ; yili hvo kulɔ, gu wɔɔ túwɔ́ pələ lɛlɛ laa hvan ɉu, kɛlaa ə kulɔ, yaa kpinį lee ŋą mɛ̨nį pɛliɛ, da ŋą nɛ̨ɛ̨laa hu. Nɛ̨ɛ̨laa tii, ə gbɛa gɛ guɔ Jesus Kristə hu, gɛɛ hvo yɛnɛ̨ɛ̨ pɛli,

Ifisiɛŋ 1:4

Kristə hu ɓə, Yálá ə gbɛa gu həɠə laa ɉu, gɛɛ hvo yɛnɛ̨ɛ̨ pɛli, ə gɛ, gu kɛ a nwɔ nuąi hɔn və diɛ, yaa ɲɛ̨i ɓa, wɛlikɛmąąlaa hu.

Tɛsalonikə dɔlɔɔ 4:7

Yálá hvo kɛ gu təli li gu yee lɔ mɛ̨nį ɓa mąąliɓi túwɔ́ hu, kɛlaa, Ə gu təli mąąhəɠə laa ɓa.

Tɛsalonikə veelɛ 2:13

Yii ɓaa ku wɛi, ku mąąnɛ̨ɛ̨i kuɔ Yálá hɛɠɛɛɓo a yələ kəlee ká mąą mɛ̨nį ɓa, ną́n nonnii, káái ká wɛlikaa gu Nąmu ɓa. Mąąhɔlɔɓo, Yálá ə gbɛa ká həɠə ɉu, a gɔwɔ tɔɔi lɔwai, ə gɛ, ká nwun mąą ə ɓo Kili-Mąąhəɠɛɛ háálai, yai a nu mąąhəɠə, laai ká mo tɛ̨ą la, ɉáálai.

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Lukə 1:74

a ku kulɔ ku yowoɠaa yee mu, ku lɛɛ ku kpɔɔ ɓa, əgɛ, ku tiɓo kɛ yaa tɔ̨nɔ̨ gbən ɓa a ku kwəinɛ̨ɛ̨.